تتميز المرأة الإماراتية ابلبسها ومجوهراتها اللي مازالت امحافظه عليها يلين الحين
اوطبعا هو ملبوس يدودنا الأوليين اومازلنا امحافظين عليه لين اليوم تعالو نتعرف
على هالموروث الأصيل
ذهب المراة الإماراتـــــــــــــــــــــــــية
الطــــــــــــــــــــبلة
وهي عبارة عن قلادة تحطها الحرمة حول رقبتها . شكلها مستطيل وتنحط فيه الآيات القرآنية لي ايسويها المطوع . عشان اتحفظ عن العين .وتكون من الذهب الخالص
الحيل (( بو الشوج ))
والجمع منه حيول . وسمووه بوالشوج لنه اتكون بارزة عسطحه بروزات شرات الشوج اوكلهن يكونن
في صفة وحدة . ويكون له قفل في النص. تلبسة المرأة وخص العروس ليلة عرسها
المريــــــــــــــــــــــــــــــــــة
والجمع منها مراري وتلبها المراة حول الرقبة ومنها أحجام وشكلها غاوي
ومازالن الحريم يتزينن ابها.
المرتعشــــــــــــــــــــــــــــــــــــة
وتكون من الذهب الخالص وتكون عبارة عن مربعات اصغيرة عدال بعض وفي كل مربع
قطعة من الأحجار الكريمة مثل (( القماش)) اللولو. ويدلن منها سلاسل ويختلفن في الطول
وتنربط المرتعشة بخيط لونه أحمر ورا الرقبة
الطاســــــــــــــــــــــــــــــــــــــة
نوع من الحلي لها قاعدة امدورة تنحط عالراس وفيها نقش اوزخارف ملونة وتدلى منها سلاسل قصيرة
وطويلة.وهيه اللي انشوفها عراس البنت الصورة لي فوق.
الحيـــــــــــــــــــــــــــــول
[ سرسل عنه ياطير سرسال بومعصمن وجيد وحيول
ظبي ربا في بارد وظلال بالسيدسي في خدره ايوول
والجمع حيول اتكون خالية من النقش البارز وتلبسه المرأة أي وقت اوساعات نلقاها عطول لابستنهن
الفتـــــــــــــــــــــــــــــــــــخ
هي عبارة عن خواتم تنحط في الريول تتزين ابهن المرأة
ملبووووووووووس المرأة الإماراتيه
بوتيــــــــــــــــــــــــــــــــــــــــــــــ ــــــــــــــــلة
ومازالن الحريم يلبسنها وتكون فيها ثقوب صغيرة وهدوب سود وخوص شديد اللمعان
تتزين ابها المراة في المناسبات ولها أشكال مختلفة.
الغشــــــــــــــــــــــــــــــــــــــــــــــ ــــــــــــــــــوة
بي غرنجي يضفي غشاه ويميل في ثياب المساويد
وهيه الشيلة اللي اترد ابها الحرمة على ويها وتكون من الشيلة نفسها والغرض منها الإحتشام
ان شاء الله ايكون الموضوع عيبكم
منقول
الحين اوكي وكل شئ روعه *_*
ثانكس
لكن اكيد احينه احلى ,
تسلمين يالشيخه عالموضوع الغـاوي ..
ولاعدمنـا يديدج ^.*
تسلمين حبوبة
على اللبس الغاوي خاصة المرتعشة
تسلمين عزيزتي
هذا اللبس الصح مب لبس هااي الاياام
سلامي
aL3qRaB
منو الحين يلبس جذه؟؟ محد
مشكورة الغاليه عالموضوع
العقرب..تسلم اخوي ع المروور الطيب…:)
رهينه … تسلمين حبوبه ع المروور…..:)
وكل هالسوالف اكيد بتكون موجوده بكل بيت فيه عيوز مال اول 🙂
وهالسوالف الجديمه مردنا نحن لها ونرجع لها
