تخطى إلى المحتوى
الرئيسية » الا انته ما توقعتك تخون

الا انته ما توقعتك تخون

الا انته ما توقعتك تخون

السلااااااام عليكم ورحمه الله وبركاته

انا عضوه يديده فالمنتدى وهاي اول مشاركه لي ……طبعا انا خذت لفه فالمنتدى قبل ما انزل هالمشاركه وصرااحه المنتدى ما عليه كلاااااام خاصيه قسم الشعر الاخوان امبدعين صرااحه وذوقهم فالقصيد كشخه

طبعا ما فيه انزل شعر من كلماتي اول مشاركه اخاف تنصدمون وتودرون الشعر هههههههه بس هالقصيده تعيبني فحبيت انزلها الكم وانشالله تعيبكم

إلا إنته ما توقعتك تخـــــــــــــــــــون
ليت كل الناس خانـــــــــــــوني معاك
كنت أظن إنك وفي مخلص حنــــــون
ما حسبت حساب غـــــــدرك أو جفاك
كنت وحدك ساكن بوســـــــط العيون
لا وربي مـــــــــــا سكن عيني سواك
كنت أبادلك المحبه والشجــــــــــــون
وقلبي بيدينه مفاتيحه عطــــــــــــاك
كنت في دنياي أجمل ما يكـــــــــــون
كنت دايم أرتجي وأطلب رضـــــــــاك
ليش كل هذا التجــــــــــــافي يا فتون
بعت من حبك وبعيــــــــــــونه شراك
كنت ما أزعلك وكلهم يزعلــــــــــون
كنت أنا بالنسبه لجروحـــــــــك دواك
يا حسافه كيف عشرتنا تهـــــــــــون
كيف تنسى اللي دقيقه مــــــــا نساك
كنت أنا ويـــــــاك صحرى مع مزون
لو عطشت القلب مــــــن دمعه رواك
وصرت أنا العطشان أطلب منك عون
ليش تحرمني في عز الضيـــــــم ماك
قلبك بكيفه يخـــــــــــون والا يصون
هذا عمرك وإنته أدرى بمستـــــــواك
بس شجاوب كل منهم يسألــــــــــون
أحسن أسكت تـــــــدري الكذب يعداك
القهر إنك على قلبي تمــــــــــــــــون
لو طلبت إحســـــــاس قلبي قلت هاك
والقهر إني أحبك وبجنــــــــــــــــون
يا حسافه ضاعت أيامـــــــــــي معاك
ليش خيبت بمحبتنا الظنـــــــــــــــون
ليش ما بادلت من حبك هــــــــــــواك
ليش كنت تحلف بحبي ما تخــــــــون
وإني في عينك أنا أجمـــــــــــل ملاك
كنت أظن إنه العـــــــــــواذل يكذبون
كان قلبي وكل إحساسي فـــــــــــداك
ما هقيتك يوم يالغــــــــــــــالي تخون
ليت كل الناس خانـــــــــــــوني معاك

**********drawGradient()
[move=left]
وانشالله تعيبكم والسموحه على لقصور [/move]

الله يعطيج العافيه اختي على هالكلام

لا عدمناج

وخلينا نشوف كل جديدج

الصغيرونه

مشكوره حبوووبه ع المرور

تسلمين فديتج

ابدعتي ختيه

دموع الندم

في اختيار اجمل الابيات الله

يعطيج العافيه

وحياج معانا وان شاء الله نستفيد من بعض

دمتي بود

اخوج سوااااااف ^_^

مشكورر اخويه ع المروووور

انشالله بنستفيد من بعض خاصيه لاحظت انك شاعر ما شالله وكلامك راقي ووايد حلو عاد نباك تساعدنا طبعا ما روم اوصل لابداعاتك بس انشالله ناخذ خلفيه ع الاقل والسموحه منك حبووووب

الله يعطيج العافيه اختي
وعساج على القوه دوووم
الله يقويج حبوووبه
ومشكووره ع المروور فديتج
ماشاء الله

رااااااااااااااااااااااااائعه من دون مجامله

تابعي واستمري في الطرح عزيزتي

يعطيج العافيه اختي على القصيده

كلمات جميله ومعبره

ولكن سؤال هذه القصيده منقوله او من كتاباتج

دمتِ بود

السلام عليكم اختي

الصراحه طرح واسلوب جميل

وكلمات تدل على نبل اخلاق كاتبها

لاعدمناااااااااااااكـــــ اختي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.