:-: الســمن الامـــاراتـــي :-:

السلام عليكم ورحمة الله وبركاته

مثل ما تعرفون كيف نسوي السمن العربي ..والطريقة هي :

1. بعد ما نجمع الدهانه ( الزبدة ) .. نحطها عالنار ولازم تكون هاديه ..

2. نطلع الرغوة اللي بتطلع فوق وشوشي شوشي نطلعها ..

3. ويبقى بعده عندنا السمن يثور .. ونحط عليه شوية بهارات
( ملح حوالي فنجان + سنوت و جلجلان ومثيبه مطحونه مع بعضها
ولازم نحمرها شوي قبل ما نطحنها حوالي فنجان بعد + وطحين عادي
حوالي فنجانين ) ونحوث ( نخلطه) السمن والبهارات مع بعض لمدة
حوالي عشر دقايق ..او لين ما تلاحظون انه بدا يتجمع البهار والطحين
تحت والسمن فوق ..

4. ونخليه يبرد حوالي نص ساعة .. ونشخله شوي شوي علشان
المترسب ما يطيح ويا السمن .. واللي نسميها ( الخلاصة) ..
بس يكون طعمها مالح شوي ( علشان ما يخترب السمن بعدين )
وهذه الخلاصة البعض ياكل منها بس مب كلها والباقي يرومنه..

واذا كنتو تبون تعرفون اذا السمن طلع مضبوط وياكم بتعرفونة من ملوحة الخلاصة ..
ويحطونه فوق الجامي او الخبز او العيش

( بوحمدان )

تشـرااااات أخـوووي " بوحمدان "

يــا ســـلام على السمـن العربي " مال لبـلاد "

الصـراااحه عجــيب …

عـاااد تحطــه على العيش والسمج .. يــا سـلام

تسلم أخــووووي ع الوصفه

* آحــر الأحــزااااان *

بوحــــــــــــــــمـــــــــــــــــــــــــ ـدان
تسلم على الموضوع الغاوي
وغداااك يوم اليمعه عندنا >>>>>سمج ودنياااه لا يطووفك<<<<<<<الهامور والجش ووووو
والــــــــــــــــــــــــعيش المحمر الوجبه الأساسيه

وحيااكم الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.