الصيف عوّد

الصيف عوّد،، وعادت الناس تـرحل وانا رحيــلي يبتدي مــن عيونك

مسافر معاها لان عروضها أفضل على يختها الوردي مجاديفه جفونك

مغادر ولكني مـــا عاد ابـي أوصل هاجرت عن بلدة هي موحشة دونك

بـيـن المعـالم.. و أنا ســوّاح أتـجوّل جولة بعد جولة ولا املّ من كونك

زرت الورود الي على الوجنات ماتذبل في جزيرة جمالك شواطيها فتونك

وامطارك العذبـة خـلّـت القلب يـبـتـل قوس القزح فيــها غيران من لونك

واللـيل فـي حفلك لبـس ثـوبه الاجـمل والعـود يعزف من اغـاني فـنونـك

وانا عمري.. قضيتـه صيف .. ما يكمل ما دامت رحلتي تبتدي من عيونك

مشحووووووته … بس ما اعرف منو صاحبهااااااااا

تسلم إيدك أخويه الجاسي على الشحاته الحلوة

ما قصرت الغالي على القصيدة الرائعه

الله لا عدمناك إن شاء الله

سلامي لكم

تسلم على النقله
كلماااات غااويه ..

تسلم اخوي الجاسي على الاختيار الموفق ..

مشكورين على مروركم

أضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.