べあぃ دفتر القصيد べあぃ 2024.

خليجية

بسم الله الرحمن الرحيم
اخوااني :: اعضااء منتدى تميز الاماااراات …
اليوم بنزل هاا الموضوع و اتوقع بعض الاعضااء عاارفين او قاريين نفس هاا الموضوع …
الموضوع اللي بنزله اليوم ..
و اللي طبعاً بكون دفتر يستقبل و يسجل الابياات اللي عجبتكم او اللي كااتبينها …
لانه يمكن في بعض الاعضااء ماا يكتب قصيدة كااملة …

يمكن عنده بس بيتيين او اكثر ..

فيقدر يتحفناا باللي عنده …
و طبعاً اليوم بكون اول يوم لهاا الموضوع …
و اتمنى انه يكون موضوع فيه مشااركات ترضي المطلوب …
و لكم البدااية …
سلامي

خليجية

المشااركة الاولى ::,,,

تٍقولٍ الشًوقٍ يذبحٍني .. و تلعٍبً باٍخر اٍيااًمٍك ..

تلاٍعبنًي باوًلٍهاا .. وً تنهيهًاا بخيًاانٍاتٍك …

تبًي مٍنيً الٍكلٍامً الٍزيًن .. وشٍ ووًش وٍوًشٍ راٍايًك …

تدٍورً عشٍق غيرً اٍللًي .. هوٍيتهٍ وً طٍوٍلٍ غياًاًبكً ..

سلامي

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع ” ثاني بيت” :

البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!
لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال
اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال
ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال
لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال
واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت ..

ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))
واقرى القصايد في غيابك كلبوها بيـــت … بيـــت ..

بتدرى ان ( اصعب سؤال ) اللي يجي رده ( سؤال )
لا قلتلي ( وش ذكرك ؟ ) ثم قلتلك ( متى نسيت ؟ )

القصيده للشاعر :

محمد جار الله السهلي ..

وعليكم السلام ورحمة الله وبركاته

هلا بالغالي ولد الإمارات ،ما شاء الله عليك وعلى أفكارك الحلوة وتستاهل بوسة من بين عيونك.

أنا عندي بيتين أحب أضيفهم إلى دفتر القصيد

البيت الأول:

لا فؤادي ولا عيوني لو خسرتك ينفعوني
ياصدى صوتي وسكوتي بعدي عنك يعني موتي

البيت الثاني:

سأكتب حبنا على جدران الزمن
إذا عشنا عشنا معا وإذا متنا تقاسمنا الكفن

البيت الثالث:

حبي لك كحبي لوطني
أفديك بروحي ودمي

وصف كلمة دنمارك د – ن – م – ا – ر – ك

للشاعر أحمد الغنيمي

من اسمهم كانت جميع خصالهم .. فالدال دون من وضاع ما اعتلا
والنون نجس من حقارة فعلهم .. والميم مسخ للطهار وما تلا
والمد آت من أناس كذبت .. داست بكل مدنس ما قد علا
والراء رفع للدنايا كلها .. والكاق كذب عن كتاب أنزلا

لا تناديني و صوني قلبج الله لا يهينه ..

لا يرااهن في رجوعي لجل ماا يخسر رهاانه ..

ليه ما ارحل عن غراامج بعد ماا ذقت الغبينة …

اذكري لي شيء وااحد يستحق اقعد عشاانه ..

دارت الدنيا وتبيني [ أعذرك ] !
______________ نامت عيوني وعينك > ساهره

إنت لي ماضي ومابي .. أذكرك
______________ و الغلط وياك … ماني مكرره

قلت لك إحذر غرورك يكسرك
______________ ومن يحبّك واجب إنت تقَدّره

قبل لا تفكّر تهاجر ب أهجرك
______________ وعدّني غيمة حنان .. مهاجره

مثل ماجَمّعتك أقدر أن ث ر ك
______________ يعني راسك لو رفعته أكسره

كنت لك مثل المواني ~ أنطرك
______________ لين طاحت من عيوني الباخره

لا تظن أبكي عليك وأخسرك
______________ إللي مثلك ( لازم ) إني أخسره

يا القليل الباقي طاحوا أكثرك !
______________ في بحر – دمع العيون – الطاهره

أبقى أكبر شخص مر ب ناظرك
______________ وتبقى أصغر <~ من نويت أكبّره

في فراقك ماحزنت آآبشرك :
______________ وكانت الفرحه معاك مسافره !

كيف ألوّح لك وأجبُر خاطرك
______________ وإنت إحساسي مكسّر خاطره

أشكر أعدائي كثير ~ و أشكرك
______________ من سبايكم .. فقدت الذاكره .

دارت الدنيا وتبيني [ أذكرك ] !!
______________ شفت منّك خير لأجل أتذكره ؟

إكتب الشطر الأخير بـ دفترك ،
______________ القلوب البيض .. جداً نادره !

ترى كل العيون اللي لقتني ماا تكفيني ….

رماني حظي العااثر عليج و جيت لج طلاب …

الناس كلن له طبايع وعادات
وكلن على التقليد والسلم داوى
الناس من خلقه تنويع وشتات
مثل الاصابع ما تجى
بالتساوى

,
,

يا رب عبدڪَ تحت رحمتڪَ مسڪَين . .
تاقف على ” بيبان رحمتڪَ ” امانيه
لڪَ ترتفع هامات , و قلوب , و يدين ,
عفوڪَ لمن يرفع لرحمتڪَ أياديه ’

,
,

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top