منزل الأشباح في رأس الخيمه

منزل الأشباح في رأس الخيمه ..

يمكن أغلبكم عارفين قصه ها البيت .. بس انا حبيت اثير الموضوع
يمكن في ناس ما مر عليهم الموضووع ….

خليجية

قصه المنزل :

بني هذا المنزل منذ سنوات عديده
ولكن للاسف لم يستطع صاحبه السكن به حتى الان
كثرت القصص والروايات عن هذا المنزل
واكثر القصص كان تدور حول الجن والاشباح الذين سكنوا هذا البيت ويقومون باللعب في اثاث المنزل وتغيير مكانه

خليجية

على فكره المنزل مليء باللوحات الفنيهوالرسومات ..

خليجية

خليجية

خليجية

خليجية

فهل هذا هو السبب؟؟؟

فكلنا يعرف حرمة تعليق الصور بالمنزل وان الملائكه لا تدخله

الله يحفظ الجميع ..

مع التحيه ::

الوتر 😀




السلام عليكم ..
:
:
والله اول مره اسمع عن هالبيت.. الصراحه كشخه يبالنا نسير هناك مواهاهاهاها..
خلاص دام راعيه ما يباه عيل انا بسكنه وبسو NiGhTMaRe’s Family مواهاهاها…
زين ياريت لو تذكرين بعض القصص التي ذكرت عن المنزل..

وعن سالفة الصور واللوحات..
معروف هالشي ان صور الحيوانات والانس تكون سبب في خلو المنزل من الملائكة وبالتالي الجن تسكن البيت ..

بس بسهولة اللي يبا يسكن اي بيت شرات هالبيت يذكر الله ويجلع الصور ويشغل قرآن ويبدى بتنظيف البيت وان شاءالله يكون بيت خالي من الجن والخزعبلات..
على فكره اللوحه الاخيره عيبتني لوووول

المهم نتريا الردود الحلوه من الاعضاء ويعطيج العافيه وتورتنا ^_^




السلام عليكم ورحمة الله وبركاته

أشكرج إختي الوتر على الموضوع والصور

وانا اشوف إن كل القصص خرافات وإشاعات

وكم مرة نمر صوبه في الليل وما نشوف شي

البيت بكبره ليتاته تشتغل طول الليل والحارس موجود

يعني لازم انييب الحارس ونسأله اذا صدق في أشباح وجن وإلا بس خرابيط وإشاعات

هـ البيت من برع شكله رووووووووووووعه

وانا من سنين خاطري ادشه واحوط فيه شوي بس منو اللي بيعبرني وبيخليني أدشه

قلـ جاسي ـب




السلام عليكم

الصراحه بيت حلوو ..

بس الرسومات الي فيه مصيبه ..

تقول بيت مسيحي ..

شكرا على المشاركه

انتظر جديدج




مشكوووره الغاليه على الصور

بس الحين سمعت انه خلاص بيستوى جامعه

وحنا كل اربعا وجمعه نمر صوبه

واحس شي عادي

وانا بعد خاطري ادشه

قلب جاسي شو رايج نتفق ونسير ويا بعض 🙂

بس عقب من تقومين بالسلامه

عسب تقدرين تشردين 🙂

ههههههههههه

نايت مير خلاص على مااذكر البيت حولوه جامعه

يعني مالك نصيت تسوى NiGhTMaRe’s Family

والسموووحه…




يا عيني عالبيت

الصراحه خيااااااااااااالي

بسكن فيه الصبح بس عيل

هههههههههههههههههههههه

<<<مب خبيل

الصراحه اول مره اسمع بالسالفه

تسلمين اختي عالصور والمعلومات

لا تحرمينا من يديدج

تقبلي احترامي

امير العقارب




ناايت مااااااااار

خلاص صاحب البيت بيتنازل عنه دامك تبااه ..

بصرااحه انا ما اعرف قصص وايده عنه ..
الأعضاء اللي يعرفوون عنه خبروونا

لا تبخلوون علينا

مشكله شو نسوي الفضوول ذابحنا ..

بس صدقت يا نايت خليه يشيلوون اللوحات ويحطوون بدالها
آيات قرآنيه ..

ويسلموو




قلب جاسي

الإشاعات واايده ها الأياام …

والواحد قام ما يعرف شو هو الصدج من الجذب ..

بس انا شي مستغربتنه بحوش البيت ..

البيت مب مزروع ولا حتى فيه حديقه صغيروونه ..!!!!!

يسلم لي مرووج الغاليه




الأحلى مرورك فليت

شو راايك تاخذ البيت

!!!!!




الغزااال

والله ما اعرف .. الكل يقوول شي

وكل شي جاايز

سلمي على البيت يوم الجمعه غزاال

لا تنسين




اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *