مهرجان الدوحة الثقافي / صور

مهرجان الدوحة الثقافي / صور

السلام عليكم ورحمه الله وبركاته

اشحاااالكم

وصلني هالموضوع في الايميل وحبيت انقله لكم

اترككم مع الصور

اليوم زرت بالنيابه عنكم القريه التراثيه بمنطقة البدع بدولة قطر
وخذت لك كم صورة هناك
بحكم أنه الحين يقام المهرجان الثقافي بالدولة
وهالمهرجان يقام بشكل سنوي وفيه الكثير من الفعاليات
ومن ضمنها القرية التراثيه واللي خذت لكم كم صورة فيها
وقد كانت بعض المعروضات عبارة عن مجسمات مصغره وبعض هالمجسمات يتحرك بطريقة عجيبه
إلى الصور

خليجية

هذي البداية مع مجموعة من البنات جالسين في حوش منزل
بالزي الشعبي طبعاً

خليجية

وهذي مجسم للقرنقعوه
والعجوز وهي توزع القرنقعوه على الأطفال
وهم بالملابس التقليديه

خليجية

وهذا مجسم للصياد
وهو يصلح شباك الصيد

خليجية

وهذا مجسم لصانع البشوت

خليجية

وهذا المطوع وهو يدرس مجموعه من الطلاب

خليجية

وهذي للمطوعه وهي تدرس مجموعه من الطالبات

خليجية

وهذا مجسم لبيت شعبي قديم
وواضح فيه السراح
والدكه وهو المكان اللي يجلسون فيه

خليجية

وهذي مجسم لعمل خبز التنور

خليجية

وهذا مجسم للخراز
وهو اللي يقوم بعمل الأحذيه -اجلكم الله ويصلحها

خليجية

وهذا مجسم لغزل النسيج
والمتعارف عليه أن يقوم به النساء بس مادري ليش المجسم لرجل

خليجية

وهذا مجسم لمجموعه من الخبازين وهم منهمكين في عملهم

خليجية

وهذي صورة لمجموعه من السيدات يقمن بعمل خبز الصاج واللقيمات

خليجية

وهذي صورة لمهنة الحداده
والإثنين منهمكين في عملهم
وقاموا بعمل مجموعة مسامير بطريقة فريده أمام الزوار

خليجية

وهذي أحلى صورة لركن الدلال بس مالقينا فيها حد
شكلها دلال فاضيه

انتهى تقريرنا الموجز ونعتذر عن رداءة التصوير لأنه تم تصوير اللقطات بكاميرا الجوال وإن شاء الله الجديد أحلى

منقووول

والسموووحه…

ما شاء الله

شغل متعووب عليه وجهد يشكر عليه

ايام أووول كشخه .. بساطه ورااحه بال

الغزاال

سلمتي ولا هنيتي

السلام عليكم

صور حلوه…
اشكرج حبوبه عالعرض الحلوه
ويعطيج العافيه:)

السلام عليكم ورحمة الله وبركاته

أشكرج الغالية على النقل

وشكله المهرجان كان صدق روووووووووووعه

وفيه أشياء حلوة وااااااااايد

السلام عليكم ورحمة الله وبركاته…

مشكوورة اختي الغززال على النقل الحلو

عاااد انا يووم رحت ما يااا فبالي اصور كلش..

مع انه كان في ناس صج قااعده تسووي اشيا مب بس هالعراايس…

المكاان كااان حلووو…

والمهرجان كان له فعااليات اكثر بووايد من هالقرية التراثية بس…
كان في مسرحياات ومحااضرات ومعارض فنية.. واشيا ثانيه بعد…

مشكورة اختي مرة ثانيه..

والله يعطيج العافية

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.