أحبك حب في الكون ما صار
واشلون اخبي الحب واكتم شعوري؟؟؟
الكاتبه
الحلوووووووة
سعود وهو يدوّر في السيارة : يالله… وين راح ايميل هزاع…والله مشكلة… اوووووف خلاص بعدين بدوّر عليه…
ودخل بيتهم…ولقى في الصالة أمه و أبوه وأخته ساره اللي أصغر منه بسنتين وعمرها 17 سنة…
سعود:السلام عليكم ( وحب راس أمه وأبوه )
الكل : وعليك السلام والرحمة…
سعود : شحالك أبويه؟؟
بو سعود : والله يا ولدي بخير والحمدلله…
سعود : وانتي الوالدة شحالج؟؟
أم سعود : بخير دامك بخير…
سعود : دوم يا رب…
ساره : ليش؟؟؟ وأنا ما عندي رب؟؟؟ ليش ما تسأل عني… خلاص زعلت…
سعود : أفاااااا والله كله ولا الزعل… شحالج الغاليه؟؟
ساره : بخير شحالك انت؟
سعود : بخير دام ان بعض الناس ما زعلوا…
ساره والضحكة شاقة ويهها : فدييييييتني والله
سعود : بسج عن تصدقين عمرج هههههههه
ساره : أنا صدقت وخلصت هههههه
سعود : إلا أقول … وين سلطوووني؟؟ ( سلطان أخوه أصغر منه بـ4 سنين )
سارة : بعده راقد…
سعود : روحي وعيه… أبا أوديكم المدرسة بسرعه لأن وراي جامعه…
سارة : يا ويلي على الجامعيين … ان شاء الله من عيوني..
وراحت سارة توعي سلطان … ويوم راحت…
ام سعود : ها سعود … شو الدراسة؟
سعود : والله يا أمايه ممشين حالنا فيها…
بو سعود : الله يوفقك يا رب …
سعيد : ويوفق اليميع…
وعند سارة… دخلت ساره في غرفة سلطان … ولقته حاضن المخده وراقد…
ساره : الحبيب يحلم … سلطووووووون…سلطوووووووون
سلطان : هااااااه شو؟؟؟
ساره : شو هو اللي شو؟؟ قوم مدرسه … سعودي مستعيل
سلطان : انزين الحين قايم…
سارة : عاد اسمح لنا .. قطعنا عليك الحلم ( وطلعت )
ويلست سارة عندهم تحت…
سعود : وانتي الحين جاهزة؟؟؟
سارة : هيه
سعود ( مستغرب ) : بتروحين المدرسة جي؟؟
سارة : هيه … ليش؟
سعود : شو انتي رايحة مدرسة ولا عرس؟ شو هالقصة وايد ناقزة…نزليها
سارة : لا هذي الموضه…
سعود : انتن ويا هالموضات … والله لو وحده لبست الجوتي فرده وحده … كلكن بتتلبسن شراتها…
الكل : ههههههههههههههه
ونزل سلطان
سلطان : الله يديم هالضحكة… السلام عليكم
الكل : وعليكم السلام
وحب راس أمه وأبوه
سلطان : يللا سعودي … تراك مستعيل…
سعود : انزين ما تبا ريوق؟؟
سلطان : لا… ما أريد
سعود : يللا عيل . ركبوا السيارة
بو سعود : الله يحفظكم..
أم سعود : فأمان الله
الكل : مع السلامة
وطلعوا… وفي السيارة…
سعود : أقوووول … دورا ايميل هزاع ربيعي … كاتب لي ايميله وضاع هني.. اذا لقيتوه عطوني اياه… وإذا ما لقيتوه… برايه
وقعدوا يدورون… سلطان يدوّر من جدام… وسارة عفست الأوراق من ورا …لين ما وصلوا مدرسة سلطان… ونزل عنهم…
سعود : أقول سويره … لقيتيه ؟!!
سارة : لا
سعود: خلاص برايه… الحين واصلين مدرستج…
ووقف عند باب المدرسة…وكانت الجامة مفتوحة… ونزلت سارة… وكانت وحده من ربيعاتها توها يايه… وشافت سيارتهم… وأول ما شافت سعود قالت في خاطرها ( الله… يالجمال…) ولففت ويهها … وراحت عند سارة…
سارة : هلا والله
مريم : أهلين شحالج؟
سارة : بخير .. شخبارج انتي؟؟
مريم : الحمدلله تمام
سارة : منو يايبنج؟ << لقافة بنات هههه
مريم : أبويه وانتي؟
ساره : أخويه سعود
مريم ( هذاك طلع أخوها…يا ويل حالي على الجمال… الله عليك يا قلبي … من أول ما شفته طحت ) : هيه زين عيل…
وتمن يسولفن لين ما دخلن الصف…وحطن شنطهن و سلمن على البنات…
يتبع>>>>
|
من عيوني…أنا كم شتات قلب عندي؟؟؟
ههههههههه
مريم : هلا…
سارة : خلينا نروح عند ريموه بنت عمي…
مريم : أصلا من دون ما تقولين … هذا شي طبيعي نروح عندها… هههه
سارة : فديتج والله…
مريم : وفديت اللي يتفدى…
وراحن عند ريم…( ريم كبرهن بس في الصف اللي عدالهن)…
راحت مريم وحطت ايدها على عيون ريم…
ريم : منو؟؟؟
مريم : ……………
ريم : اوووووووووووه … والله مب فايقة حق هالحركات…
مريم : يعني مب فايقة حق المزاح؟؟؟…خلاص أنا زعلت…يللا سويره نروح…
ريم : افااااااا والله … فديت اللي يزعلون…شحالكم؟؟
مريم : بخير
سارة : بخير … بس ولهنا عليج واااااايد…
ريم يلست على الكرسي : فدييييييتني والله…يولهون علي بعد…ههههه
سارة : طالعوا هذي…والله صدقت عمرها…يللا مريوم نروح…
ريم : لا خلاص… ما بصدق عمري مرة ثانيه …هههه
الكل : هههههههه
وقعدن يسولفن لين ما دق الجرس… و راحن مريوم وسويرة عن ريموووه.. وبدت الحصة.. وطول الوقت ومريم سرحانه في سعود … ( مسرعك يا قلبي … توك شفته… و تعلقت فيه…لا … لا… مب لهذي الدرجة.. يمكن أنا ما شفته زين…بسك يا قلبي خلاص… ما اريد أفكر فيه… ما أريد حد ياخذ فكري وقلبي وأنا في الثانوية العامة…)
وعند سعود في الجامعه…
سعود : هلا والله رشود… شحالك ؟؟؟
راشد : هلا والله بولد العم… بخير… شحالك انت؟
سعود : بخير وسهاله…
راشد : شو ميلسنك هني؟؟
سعود : ما شي … عندي بريك … وقلت بيلس هني بفتح النت…
راشد : اهاااا … عيل انا بروح . كلاسي الحين بيبدا…
سعود : الله وياك
راشد : مع السلامة…
سعود : رشود…
راشد : هلا
سعود : اسمح لي… بس بغيت أسألك عندك ايميل هزاع؟؟
راشد : لا والله ما خذيته…
سعود : أوكي … عيل خلاص… اسمح لي على الإزعاج
راشد : لا … لا… ماشي إزعاج… باي
سعود : باي
وفتح سعود النت … قال فخاطره ( يمكن هزاع بيضيفني…والله بياكلني لو ما ضفته ) … وتذكر إنه ما عطى هزاه ايميله…وقرر انه يفتح النت يسلي عمره لين ما يبدا كلاسه…
وبعد الكلاس… راح مدرسة سارة…
وأما عن مريم… كانت تخطط في الحصة الأخيرة انها توقف تتريا سيارتهم مع سويرة وريموه…لأنهن دايما يروحن مع بعض…مرة يشلهن سعود… ومرة يشلهن راشد… المهم… وسوت اللي كانت مخططه عليه.. ووقفت معاهن…
ريم : سويره… مب كنه هذيك سيارة سعود؟؟
سارة : وينها؟؟
ريم : هذيك
سارة : هيه سعود… يللا بنروح…
مريم ( الحين بتأكد إذا كان حلو ولآ أنا يتهيالي ) : يللا حبيباتي.. مع السلامة
ريم وسارة : مع السلامة…
وتمت مريم تشوف سعود…( لا… والله إن عليه جمااااااااال …. يا حلاته والله… لا .. لا… لازم ما أقول جي… ما أريد أتعلق فيه )
قالت هالكلام على الفاضي… لأنها هيه أصلا تعلقت فيه من أول ما شافته… يعني فات الأوان…
وفي سيارة سعود …
سارة : سعود … أنا بروح بيت عمي… عندي امتحان باجر ومب فاهمه شي…
سعود : انزين… مع إني أدري بكن ما تدرسن…
سارة : لا إن شاء الله … بتشوف كيف الدراسة…
سعود : بنشوف…لو يبتي نسبه 75% تفلي في ويهي….
وضحكوا…
ووصلوا بنت عمهم… ونزل سعود معاهم…
سعود : هود هود…
ام راشد : قرب الغالي… محد هني…
سعود : هلا والله عمووه… شحالج؟؟
أم راشد : بخير وسهاله…شحالك انت وأمك؟؟
سعود : الحمدلله كلنا بخير…شحالك رشود؟؟
( راشد عمره 21…من أول ما دخلوا قوم سعود…وعينه على سارة…لأنه هو أصلا يحبها…وناوي يخطبها…بس ما خبر حد )
راشد : بخير الله يعافيك…شحالك انت؟؟
سعود : بخير…
أم راشد : هاه سويرة… ما قلتي لي شحالج؟؟؟
سارة : بخير… دامكم بخير…
راشد : شحالك سويره؟؟
سارة : بخير الحمد لله…شحالك انت؟
راشد ( فديت هالحس والله ) : بخير
أم راشد : ريموه … روحي حطي غدا.. وانتي سويره يلسي… استريحي…
سارة : لا عموووه… بروح أتصل في أهلي عشان ايبون لي ثياب…
راشد : لا تعبين عمرج… خذي تيلفوني…
ساره : لا مشكور… أخاف أخلص الرصيد وتقول اني خلصته…
الكل : هههههههههه
راشد : يعني ترديني وانا ماد ايدي؟؟
سارة : لا افاا عليك … كله ولا ولد العم…
راشد ( تشقق من الفرحة ) : هي صدقج … ههههههه
وخذت تيلفونه…ودقت حق أهلها… ويوم سكرت..توها ريم يايبه الغدا…
سارة : مشكووور راشد…بنخدمك يوم عرسك ان شاء الله..
راشد (لا..لا تقولين جي…أصلا انتي حرمتي وبروحج تبين حد يخدمج ) : العفو الغاليه..
يتبع >>>
وأمه لاحظت كل هذا…
أم راشد : رشود… رشود
راشد : ………( سرحان )
أم راشد : حوووووووو.. انته … شو فيك؟؟
راشد : أنا ؟؟ لا…لا… ما فيني شي…
أم راشد : انزين وين رقوي؟؟؟( رقيه أخته عمرها 17 سنة )
راشد : راقده…
…………. هذا حالهم في بيت بو راشد…أما عن مريوم ……………..
كانت يالسة في غرفتها … وغاااااااااارقة فأحلامها وأفكارها… ( كيف حبيتك يا سعود من أول ما شفتك… وانا هالشي مب من عادتي.. لو خبرته إني أحبه… بيعطيني ويه؟! ولآ بيجرحني؟!…ما يهم … أهم شي يعرف … بس كيف أخبره ؟! .. لو قلت حق سويره والله بتصفعني…ولا بتكلمني… خلاص.. بعطيه ايميلي…يوم بيي سعود.. ياخذ ريموه و سويره…بروح أحطه في السيارة…لأنه هو ينزل يترياهن برا السيارة… خلاااااص بس من أفكاري معاه…بنزل تحت عند اهلي )
أول ما نزلت..
مها : مريوووووم… فديتج والله..
مريم : بلا هذي المقدمات..قولي شو تبين وبس…
مها : أباج تدرسيني رياضيات؟؟والله صعب مال ثاني اعدادي…
مريم : اوكي هاتي…أنا كم مهوي عندي؟؟
…………نرد لبيت بو راشد…………….
بعد ما تغدن ريموه وسويره… كان راشد بعده يتأمل في سارة…
ريم : أقول سارة بروح أتسبح وبرد..
سارة : عادي خذي راحتج…أنا مب في بيت غريب…
راشد ( ما صدق عمره يوم قالت ريم بتروح ) : هههه… والله إنكن ما عندكن سالفه … روحي بدون استئذان…
الكل : هههههههههههه
وراحت ريم تتسبح… وراشد استحى ما عرف شو يسوي…
راشد : سويره… تعالي نفتح النت…
سارة : ما عندي مانع…
راشد : أوكي نروح فوق… في غرفتي…
سارة : اوكي
وراحوا غرفة راشد…وكانت سارة أول مرة تدخلها… وأول ما دخلت ارتاحت لهذي الغرفة و حست بإحساس غريب…
سارة : تصدق رشود؟؟
يتبع >>>>>
سارة : اول ما دخلت غرفتك ارتحت ما أدري ليش…
راشد : ههههه… و إن شاء الله ترتاحين له في المستقبل…
سارة ( مستغربة ) : مستقبل؟! شو تقول انت؟!
راشد : لا … يعني أنا أقصد دايما…
سارة : اهااااا
راشد ( الحمدلله إنها ما فهمت… والله عيني عليها… ما أريد حد غيرها ) : هههههههه
وفتحوا النت…وفتح رشود المسن..
راشد : هذا فلووووح..
سارة : منو فلاح ؟! ولد عمي؟؟
راشد : هيه … برمسه…
راشد : هلا والله بولد العم…
فلاح : هلا والله بولد العم…
راشد : ههههه…بدينا ويّا استهبالك؟
فلاح : ههههه… هيه شحالك؟
راشد : بخير وسهاله…شحالك انت؟
فلاح : تمام…
راشد : والله ولهنا عليكم…
فلاح : انزين تعالوا عندنا…
راشد : متى انيي … والله الدراسة شاغلتنا…
فلاح : أقول رشود … اسمح لي الحين بظهر … فهود محتشر يبا يدخل المسن…
راشد : أوكي خلاص برايك…
فلاح : يللا فداعة الله … سلم عليهم…
راشد : الله يسلمك … مع السلامة
أول ما ظهر فلاح دخل سعود…
راشد : سويره… هذا أخوج…
ساره : الله يغربل ابليسه… وين ثيابي؟؟
راشد ( صدق والله ما يستحي ) : يمكن نسى ولا تعبان…أنا بروح أيبهن لج بس انتي اتصلي في أهلج عشان أروح…
سارة : لا…لا تروح… بس عطني أهزبه…
في المسن…
سارة : يالددددددددددددددب…
سعود : شو بلاك ؟! انت الدب..
سارة قعدت تضحك…وراشد ضحك وياها… بس ما كان يعرف ليش تضحك…( الله يخلي هالضحكة يا رب .. سويرة ., أحبج … والله أحبج )
في المسن…
سارة : هههههه… والله إنك سبال…أنا مب رشوود..أنا ساااارة…
سعود : ( حط ويه فاتح عيونه ) وانتي شود دخلج بإيميل رشود؟
سارة : هو كان داخل المسن,,, ويوم دخلت انته عطاني إياه عشان أرمسك…
سعود : عشان ترمسيني ولآ عشان تهزبيني؟؟
سارة : ههههههههههه
سعود : ضحكة بليا ضروس…عطيني رشود…
يتبع>>>>>
|
مشكوووووووورة الغاليه على التواصل…
