اعرف شخصيتك من ضحكتك 2024.

صاحب الضحكه هاي .. وسيع صدر .. مرح .. طيب .. بس مجامل بشكل كبير .. مسالم
وعلى نياته .. دايم مبسوط وبارد .. اشين شيء انه يضحك احيانا في مواقف غلط !! .
يعني مواقف حزينه اييك يضحك وانت في خاطرك تضربه … غبي .. بس مملوح.

ههههههههههههاي اهم شيء الياء:
انسان شايف نفسه متكبر .. ضحكه قليله .. متسلط ويحس بالنقص .. ثقيل الدم ..احسن
طريقه للتعامل معه.. هو والشكم والطخر وعدم رفعه من ارضه .

هاهاهاهاهاهاها بنفس الترتيب:
انسان مرتب .. يعني اذا دخلت غرفته ما تلقى فيها عود طايح .. كل شيء منظم ومرتب
حتى الضحكه .. مثقف ويلبس نظارات اكبر من وجهه .. ما يضحك كثير بس يبتسم وايد .
شكله جذيه يخليك ترتاح له وتشكي له .. عاد تلقى عنده الحل .. لو مالقيت الحل اهم شيء ترتاح ..

نياهاهاها :
انسان شرررير .. يمووووت في النذاله والشر .. .. عيونه يطلع منها شرر .. مركب ضروس ذهب عشان اذا ضحك تلمع
واحسن طريقه للتعامل مع هالنوعيه هو العمل بالمثل “*ابعد عن الشر وغني له”* ..
لكن مهما حاولت تبتعد عنه هو بيييك لكن انتبه تعطيه فرصه له ..

هههاااهاهااهاهههااههه باللخبطه هذه:
انسان مضيع بمعنى الكلمه .. يعني لو تساله عن اسمه قال ممكن الاتصال بصديق عشان الموضه يعني .. اذا مضطر تدخل غرفته .. افتح الباب من بعيد عشان لا قدر الله
وطاح شيء ولاشي … العلك ما يطيح من فمه ويقعد يمعط فيه بعد يعني يمسك طرف
العلكه بسنه والطرف الثاني بيده وهات يا تمعيط ويلوي فيه ويسوي حركات بهلوانيه
انسان لو تصفق فيه وتهزئه ما درا عنك يحسبك تتكلم عن ولد الجيران .. الدنيا ما
قامت ولا قعدت عنده .. الشيء الوحيد اللي يستفزة انك تتكلم على امه او ابوه.

هه هه هه هه :
انسان متردد .. يفكر 60 مرره قبل لا يسوي شيء .. رومانسي .. يراعي مشاعر
الاخرين .. خدوم يحب يساعد حتى لو ما يقدر يدبرها .. ان صادفك احد من هالنوع
تمسك فيه بايديك وريولك لانه النوعيه هذي نادره…ومهدده بالانقراض.

كعكعكعكعكعكعكع :
انسان “*دب”* “*فيل”* يتراوح وزنه ما بين 100 -150 كيلو استمد ضحكته من كثر الاكل . كريم جدا لحد الاسراف خصوصا اذا كانت السالفه فيها اكل .. ما يطلع من البيت

كااااااااااااااااااااااااااااااااك:
انسان مرتب نوعا ما… متوسط البنيه..يحب الاكل في المطاعم…مع انه لا يحب تغيير مطعمه المفضل…هادئ بسيط لا يضحك كثير