بنت تطلب راس ابوها مهر وريلها الغبي يستجيب 2024.

قبل أبدي بالموضوع أبي اخبركم ان القصه مب من الخيال أن هذه القصه حقيقيه وستوت في مصر وليست من نسج الخيال ..

في واحد من أبشع الجرائم وأغربها .. اشترطت الفتاه على خطيبها أن يقدم لها رأس أبيها كمقدم صداق وباركت أمها هذه الخطوه التي ستخلصها من زوجها !!!

الأمر قد يبدو غريبا و مقززا ولا يستطيع أن يصدقه أصحاب العقول .. لكنه حقيقه .. استقبلت الزوجه خبر مقتل زوجها بترحاب وشعرت الفتاه بالإمتنان لفارس أحلامها (الشجاع ) الذي لا يتورع عن فعل أي شيء يسترضيها ..

كيف أوصل الحقد فتاه لأن تسعد لمقتل أبيها وتضع مقتله شرطا وحيدا للزواج منها ..

السبب .. أن الأب كان معاقا ويثير الكثير من المشاكل .. فقررت الأم مع أبنائها طرد الأب من البيت .. لم يستطع الأب أن يقف في وجه الأسره فرضخ للأمر وسافر ليعيش مع والده في القريه ..

تقدم للفتاه شاب أحبته ولكن والدها لم يوافق عليه (يجب أخذ رأي الوالد في مسألة الزواج لأن هذه من عادات أهل الريف ) .. فقررت الفتاه التخلص من والدها فإشترطت أن يكون مهرها هو رأس أبيها !!!!

تخيلوا !! الى أي مدى وصلنا في هذا الزمن .. ماهذه القسوه ..ماهو ذنب ذلك الوالد .. ذنبه هو أنه يريد أن يعيش ابنته حياه كريمه ؟؟!!
انا لله وانا اليه راجعون …..ولاحول ولاقوة بالله العلي العظيم

معااااااريس أخر زمن….

كل شي يصير في مصر عادي ..

مشكوور يا همس على القصه …

بنتظار جديدك

لا حول ولا قوة إلا بالله العلي العظيم

انعدمت الإنسانية فيها ؟؟

تشكر همووووس على القصة

هالإنسانه عندها تخلف

ألف شكر لك همس العيون على الموضوع

شكراا ،، فليت ،، حسافة ،، الدلع الخيماوي

على المرور الطيب

تحيااتي لكم

لاحول ولا قوه إلآ بالله

الله يعين شو بنشوف عقب

تسلم همس ع القصه

لا حول ولا قوة إلا بالله العلي العظيم
الجزء الثامن

وتوهم داخلين على باب الصاله الا ابو حمود في وجههم .

( ابو حمود ) : اطلع بره …. اطلع برررررررررره …. اطلع بره بيتي بسرعه ما امبي اشوف رقعه وجهك يا قليل الحيا …. متبري منك الى يوم القيامه …. لا انته ولدي ولا انا ابوك ….. اطلع بره انته ورفيقك هذا …. اطلعوا بره ….. اطلعوا بره …. بره ….. بره ….. بره .

وطاح ابو حمود مغمى عليه على الارض …. صرخ حمود وهو يركض ناحيه ابوه … وهو يحاول يقعده ويصحيه …. ما فيه فايده .

حمود وهو ميت صياح ومو عارف جيفه يتصرف : سلوم كله مني ….. مني انا الي عصبته وضربته ….. مني انا …. مني انا ….. ربي ما بيسامحني على الي سويته …. واذا صار في ابويي شي ما بسامح نفسي كلش .
( سلوم ) : حمود هدي بالك الحين …. وقوم ناد على امك لو احد من عايلتكم …. تصرف قبل لا ابوك يروح فيها ….. والا تدري ويش ….. روح جيب اليي كلاص ماي بارد بسرعه وغرشه عطر .

راح حمود يركض بسرعه المطبخ … وجاب الكلاص ورد راح يركض حجرته جاب العطر ….. قاموا يحاولون يرشون على ابو حمود الماي البارد ويشربونه …. لكن عبس ما في جواب …. يشممونه العطر …. بعد لا حياه لمن تنادي …. ووجهه صاير اصفر مثل الكركم ….. ومن شاف حمود ابوه على هالحال …. زاد صياحه وقام يضرب في روحه …. ومن زود ارتفاع الصوت …. قعد امه من النوم ونزلت تشوف ويش
صاير …. سلوم قام طلع برى البيت … لان شاف ام حمود ما عليها شي يستر وجهها وشعرها … ولا اليها حواس بالي حولها .

( ام حمود ) : حمود …. ويش صاير …… ويش فيه ابوك …. ليش طايح على الارض ….. ويش فيه ….. تكلم بسرعه …. حمود ….. حمووووود .

حمود بصياحه ونياحه وهو يرقع في روحه بالجدار : ويش تبيني اقول اليش …. ويش …. عصبته وخليته ينقهر مني ويزعل …. وبعدين طاح مغمى عليه .

( ام حمود ) : انزين قوم اتصل على خالك قووم …. اتصل على عمك اي احد …. لو بتم تطالع فيه الين يروح منا .

وحمود من يسمع كلمه ( لايروح منا ابوك ) يزيد صياحه ويزيد ندمه على الي سواه .

قام حمود على طول ودق على عمه ابو كاظم …. ولما جه عمه ودوا ابو حمود المستشفى …. وطلع ان فيه جلطه في المخ …. نتيجه صدمه عصبيه وانهيار شديد …. ما قدر يتحملها فطاح على الارض .

مرت الايام وابو حمود مرقد … وحمود ما يطب بيتهم بعد الي سواه في ابوه …. كان يشعر بالذنب ويستحي من الي سواه …. يدخل بيتهم بنص الليل علشان ما يقابل احد …. لا امه ولا اخته …. يركب غرفته وياخذ الي يمبيه ويطلع قبل لا احد يشوفه … وكان على طول يروح المستشفى يسال عن ابوه ويتابع حالته بس بدون علم احد … وبدون ما احد يشوفه من بيتهم .
" وبعد شهر من الي صار " .

حمود عند الطبيب كالعاده يسال عن حاله ابوه : طمني دكتور … ويش الحين حالته ما اشوف في تحسن .

( الطبيب ) : والله ما ادري ويش اقول ليك …. ابوك حالته صعبه … وهو متعرض لازمه عصبيه وانفعال شديد … وهاده ماثر عليه بدرجه كبيرة ….. وهو الي سبب اليه الجلطه في المخ … واثار هالجلطه ومضاعفاتها كبيرة وخطيرة … وانا بقول ليك اياها لانك ولده العود ….. وانا فعلا محتاج اشرح الوضع الى احد …. بس مستحيل يكون احد من النسوان لان ما بيتحملون الكلام .

( حمود ) : تفضل دكتور تكلم .

( الطبيب ) : اسمع يا محمد …. ابوك عنده جلطه … وهادي ممكن تسبب اليه شلل دائم خصوصا انها في المخ …. هاده اذا ما توفى بعد اسبوع لان الوضع صعب كلش … وفي حالات الجلطه تطلع النتايج بعد اربعين يوم ….. وهو ما قاعد يتجاوب مع العلاج ابدا …. وانت قد ما تقدر ادعي ليه يقوم بالسلامة .
اصطكت الدنيا بحمود واسودت ….. ابويي يمووت لالا مستحيل … والسبب انا ….. مني انا .

راح الدكتور في طريقه وبقى حمود مسبه وحواسه مو وياه كلش …. ابوه يموت بعد ما تعب عليه ورباه وعطاه الامان والسمعه الطيبه …. يموت بعد ما اكتشف انه خذله وفصلوه من دراسته … يموت بعد ما ولده وحيده يعلي صوته عليه …. ويضربه ويهينه …. يموت ويخليه ويخلي اخته وامه بروحهم .

************

كان قاعد في حجرته مستمل وطفشان ….. وتفكيره مشوش …. الحين حمود ويش يسوي … ويش اخبار ابوه بعد طيحته اخر مرة …. ادق عليه اطمن ؟؟؟؟ اووف اخاف ادق والوقت مو مناسب ….. و ويش اخبار فطوم بعد جبدي ….. من امس يوم اتصل بيتهم واسمع صوتها ….. ليش ما اروح بيت عمي واشوفها واقعد شوي ؟؟؟ فكرة خل اقوم ابدل واتكشخ .
وفجأة …. دق جرس باب بيتهم .

( ام سلوم ) : سلوم …. سلووووووم …. سلوم وصمخ .

( سلوم ) : هاااااااااااا …. ويش صاير فلقتين الباب … اسمع انا هاده ويشوا انتين .

( ام سلوم ) : اكو رفيقك محمد تحت …. يقول يمبيك تنزل اليه الحين ضروري .

( سلوم ) : حموووووود !!!!!! ويش جيبه ؟؟؟؟؟؟؟ اكيد صاير فيه شي ….. لالا صار في ابوه شي ….. لالا ….. اووووووه انا الحين ليش ما اروح وافهم منه السالفه .

طلع سلوم يركض من حجرته الى باب البيت ….. وفتح الباب ودخل حمود ….. بعد ما شافه ميت صياح ومو قادر يشيل عمره من التعب .

( سلوم ) : حمود حبيبي ويش فيك …. تعال اقلط ادخل البيت …. حياك تفضل .

( حمود ) : سالم ….. ابوي يا سالم ….. ابويي بيموووت … والسبب انا … انا السبب يا سالم … كسرت ثقته فيني … وضربته على اخر عمره وهنته …. وفوق هذا هو وفر لي كل شي ….. كان ابويي احسن رجال … يتعب ويشقى علشانا …. ويفتخر لين سوينا ليه شي زين .

( سلوم ) : حمود حبيبي هدي انته شوي ….. وان شاءالله ما بيصير الا الخير …. وعمي بيقوم بالسلامة … والله اعلم بالغيب وهو يدري متى بنموت ….. ولا تقعد تعذب نفسك اكثر من جديها .
( حمود ) : اقول ليك بيمووت …. انا اروح اطمن عليه كل يوم من الصبح الى العصر وارد ارجع اليه نص الليل …. واسال عنه الطبيب …. بس كنت شاك بشي …. ويوم طلبت من الدكتور يصارحني …. قالي انه بيموت بعد اسبوع …. واذا ما مات بيصير مشلول دائم ….. لان الجلطه الي حاشته خطيرة وهو ما قاعد يستجيب للعلاج .

( سلوم ) : وانته صدقته ….. شوف والله محد يعرف متى نموت غير رب العالمين …. وادا قدر الدكتور يلعب بمخك هاده لانك غبي …. ان شاءالله عمي بقوم بالسلامة وبيرجع مفل اول واحسن بعد .

( حمود ) : الله يسمع منك ….. الله يسمع منك … ووقتها بروح ليه وبرتمي في حضنه …. وما بتباعد الا ادا سامحني ….. وبريحه في البيت وبشتغل وبكرف ….. علشان يرضى عني ربي ويرضون عني ابوي وامي ……. ويفتخرون ابي ان عندهم ولد يقدر يشيل المسؤوليه .

( سلوم ) : انزين انته الحين قوم غسل وجهك وبسك صياح ….. ما تشوف روحك جيفه صاير ….. ضعفت وصرت اصفر .
( حمود ) : بعد ابويي طايح في المستشفى بين الحيا والموت …. وتمبيني اضحك وافرفش ؟؟؟؟؟ والا تمبيني اعرف انام ؟؟؟ وهذا انا السبب في طيحته …. انا ولده وحيده … ولده سنده …. ( وزاد في الصياح ) .

( سلوم ) : يا ولد الحلال …. خفف عن روحك شوي …. ارحم روحك ….. ابوك ان شاءالله بقوم بالسلامة … وبيرجع بيتكم احسن من اول …. قوم غسل وجهك عندي ليك مفاجاة .

( حمود ) : مفاجاة ويش ؟

( سلوم ) : انته قوم وانا براويك ويش هي ….. وبعدين جيفه تصير مفاجاة ادا عرفتها الحين ؟

قام حمود وغسل وجهه وهدي شوي من الصياح وراح ويه سلوم .

*********************
الجزء التاسع

جود سلوم ايد حمود وسحبه وراه وطلعوا برى البيت .

( حمود ) : سلوم ووجع …. وين بتوديني ؟

( سلوم ) : بنروح البحر الي صوب البيت …. لا تخاف ما بنتباعد بعيد ….. شوف الدنيا يا اخي …. وخفف عن روحك وبسك هموم …. وعمي ان شاء الله بقوم بخير بس انت الي مكبر السالفه .

( حمود ) : الله يسمع منك …. وان شاء الله ابويي يقوم احسن من اول …. والاهم انه يرضى يسامحني على الي سويته فيه .

( سلوم ) : شوف محمد …. ما في ابوي يزعل من ولده …. وما في ابوه يرضى لولده غضب رب العالمين …. ومثل ما تعرف رضى الله سبحانه من رضى الوالدين …. ولما ابوك يزعل عليك يدري ان الله بعد بيغضب منك ….. وما بيطاوعه قلبه على هالشي .
( حمود ) : ابويي حنون ويحبني … وما صاده الي صاده الا لما خيبت ظنه ….. وهو كان يتوقع مني الاحسن .

( سلوم ) : بس انت عرفت خطاك وندمان عليه …. ولما يطلع ابوك من المستشفى …. تروح وتتسامح منه ….. وما تعيد نفس الغلط بحياتك مرة ثانية.

( حمود ) : لالالا شنو اعيد نفس الخطا …. مستحيل …. انا غلطت وندمت وتاسفت …. ومستحيل ارجع لنفس الخطا …. وان شاء الله راح تشوفون محمد ثاني .

( سلوم ) : اي جدي ويش حلاوتك … مو من ساعه مكشر والدموع اربع اربع …. ما يناخد منك لا حق ولا باطل .

( حمود ) : لا تلومني يا سالم …. الي في ظرفي يسوي اخس …. بس هذا انا متماسك شوي …. وما تشوف مني الا الدموع .

( سلوم ) : اي شوي الله يهديك …… من اشوفك دمعه وسنسون ….. وحالتك حاله معفوسه …. بس من اليوم ورايح خل صدرك وسيع … وحاول تهدي روحك وتتصرف صح .
( حمود ) : ما قلت ليك خلاص …. بتشوف محمد ثاني بحياتك .

( سلوم ) : ههههههه اي عاد مو تنقلب لينا اكشر نفس استاد ابو خنفر …… خلك خرخوش شوي …. مو حليوة عليك الجّديه كلش …. أأأأأأأأأه شم الهوى بس ويش حلاوته … وشوف البحر شلون جبار ….. ارمي كل همومك عليه وبعد ما يمل منك .

( حمود ) : لا والله … انته جايبني هني قاعد تتغزل في البحر والا ويش يعني ؟؟؟؟ والله وصاير رومنسي بقعه الزيت .

( سلوم ) : هههههههههههه رومنسي …… حلوة رومنسي …….. رومنــ ههههههههه ….. رومـــــ ههههههههه .

( حمود ) : ويش فيك ؟؟؟؟ الا اتدحنت علينا في الارض ….. قوم لا تفضحنا قوم ….. احنا مو في بيتكم ….. احنا في الشارع ….. يه عفر استخف الولد !

( سلوم ) : هههههههه لا ما استخفيت …. بس عجبتني الكلمه …. انا اصير رومنسي …. طالع وشرتي وبتعرف …. انته قاعد تطنز والا ويش ؟
( حمود ) : هههههه ويش فيها وشرتك … كشه موديل 2024 …. وبجامه نوم ولا احلى … هههههه و .. هههههههه ونعال نص الرجول طالعه منه .

( سلوم ) : يالله عاد لا تقعد تطنز …. ما تشوف عمرك …. اجلح وتلوع الجبد …. على الاقل انا فييّ وسامه مو انته .

( حمود ) : انزين يالوسيم ههههههههه …… ما تمبي تمشي الحين والا ويش ؟

( سلوم ) : الاويش بتمشي …. انته طالع البحر والشمس …. والله فن ووناسه … نفه عن روحك شوي …. كله يمبي يحكر روحه ويحبسها وبس .

( حمود ) : ما اقول ليك صاير رومنسي … ويش سالفتك اليوم انته ؟؟؟ اعترف لو بعرف بطريقتي الخاصه …. وعاد ديك الساعه يا ويلك مني .

( سلوم ) : لا لا يا اخي …. لا تسوي سالفه ولا يا ويلي منك …. انا بقول اليك وامري الى الله …. انا اصلا كنت بقول اليك …. بس قلت انته ما ليك خلق تسمع … والوقت مو مناسب .
( حمود ) : وهدانا اقول اليك تكلم .

( سلوم ) : انزين … من وين ابدي ليك … من وينه …. احبها حمـــــــود احبها …. ماادري اذا شفتها ويش يصير فيي … قلبي يرتجف … واتسودن محلي …. وارتبك ومااعرف اتصرف … واكتشفت من كم اسبوع انها تبادلني نفس الشعور …. دقيت على بيت عمي الساعه 12 وما في احد رفع السماعه ….. لكن باخير لحظة رفعتها هي … وسمعت صوتها ….. ما تدري اي فرحه حسيت ابها …. واي احساس وقتها كان فيي …. ما شفت روحي الا اقول اليها …. مو مني يا حبيبتي من قلبي المشتاق …. وهي تسب وتلعن في الي متصل هالحزة ….. هههههههههههه وعلى طول سكرت من عندها الخط .
( حمود ) : هههههههههههههههه والله انك ما تستحي على وجهك … واليه عين بعد يقول اليي …. هييييييييي قاعد تغازل بت عمك نص الليل ومستانس على عمرك ؟؟؟؟؟ جليل الحيا …. ما تقول هي بت عمي ولازم اخاف على عرضها …. قلنا تحبها عاد …. بس مو لدرجه تدق اليها نص الليل يالي ما تستحي ….. وتغازلها .

( سلوم ) : شوي شوي عليي … بعد ويش اسوي اشتاق اليها ….. احبها ما تفهمني احبها …… وما اقدر اصبر وما اسمع صوتها ….. صرت اذا اروح بيتهم اتمنى ما اطلع منه ….. وعيوني ما تنشال عنها ….. وانا اشوف نظرات شوقها ليي ما تقل عن شوقي ليها … مو حرام ….. نحب بعض وما نقدر نواجه هالحب مع بعضنا ولا مع اهلنا .

( حمود ) : لا مو حرام …. انته بعدك صغير …. وما بايدك شي تسويه غير انك تلزم حدودك ويه البنيه وتصبر ….. اصبر لين تكبر وتحمل مسؤوليه بيت …. تخلص دراسه وتشتغل …. وبعدين فكر تتزوجها …. وما اعتقد عمك بيرفض ولا ابوك .

( سلوم ) : هو فعلا لازم اكون نفسي …. ولازم اصير بمستوى يرضيها ويناسبها …. ما امبي اكون عاله على احد …. بس ما فيي صبر …. اخاف تضيع مني حمود اخاف تضيع مني .

( حمود ) : انزين ليش ما تكلم ابوك يحجزها لك من عمك …. ولما تكمل دراسه وتامن شغل ….. تملجون والعرس على سعتكم .

( سلوم ) : ههههههههههههههههههههههههه حمود لا تخليني اصدق روحي الحين …. والله بطير من الفرحه ….. لحظة لحظة .

( حمود ) : ههههه الاهبل ….. ويش بتسوي ؟

( سلوم ) : اسكت وتعرف كل شي .

قعد حمود يطالع سلوم ويش بيسوي ….. وهم صوب البحر ووقت الغروب …. والهوى يهبل على الكيف ….. يعني شاعريه درجه اولى …. طلع سلوم من مخباه تلفون نقال ….. وقام يطق على حباته وهو شاق الحلق ….. وشوي ويطير من الاناسه .

( حمود ) : طالــــــــــع ….. من وين ليك النقال ؟

( سلوم ) : استعرته من ابويي اليوم بس ….. و يا ويلي اذا درى .

( حمود ) : ههههههه حلوة استعرته هادي ….. قول بقته علينا يا بقعه الزيت ؟
( سلوم ) : لا عيب ….. احتراما للوالد ما ينقال عن البوقه بوقه ….. ينقال ليها استعارة مكنيه في محل جر بالنعال …. ورفع من الادون …. ونصب في البيت .

( حمود ) : هههههههههااااااااي …. حلوة …. يعني عارف لو صادك ابوك راحت عليك .

( سلوم ) : اي اكيد عارف … بس شغلتي تستحق المغامرة …… اووووووف ما يرفعون التلفون .

( حمود ) : وويش هالمغامرة ؟؟؟؟ ومن هدولا الي ما يرفعون التلفون ؟

( سلوم ) : بقول ليك …. بس مو تعصب …. ترى البيت قريب اروح واخليك بروحك تولي .

( حمود ) : والله ؟؟؟؟ ويش حلاوتك وانته تهدد …. قول بسرعه لا رميتك في البحر الحين .

( سلوم ) : رمني اشوف ….. سوها جان فيك خير .

راح حمود يسوي روحه بيمشي ومطنش سلوم …. ومرة وحدة كان سلوم غافل في التلفون ….. و يجي اليه من ورى ظهره ويدفعه في البحر .
( حمود ) : هههههههههههههههههههههههههههههه هالمرة تحداني بعد ….. واشوة ان تلفون ابوك ما صار في الماي … جان رحت فيها .

سلوم جاته برديه ومو قادر يتكلم : حم حمو حمووووووود يالكري يالكريه …… طال طاااال طاااالع وي ويي ويييش سوييييييت …… لك لكن خلن خلنييي اقققوووووووم الي الييي اليك ….. ان مااااا راوي راويتك شغل شغلك .

حمود وهو يرفع التلفون ويشوف اخر رقم كان يدق عليه سلوم شنو : ههههههههههههههههه خلك تتجمد في البحر … واشوف مرة ثانيه تناقر منهووو …. عاد انا الا بسكت اليك ….. طالع ولا كاني اتكلم …. ولا كاني قلت ليك خل البنيه في حالها ….. وبسك حركات هبله .

سلوم وهو يقوم من الماي وهو يرتجف : تتتتتتتعـــــال خللللل اصييييييييييدك …. جييييب التتتتلفووووون ….. ماااااا الييييييككك دددخل .

حمود رمى التلفون على الكرسي بالعدال وراح يركض بيتهم ….. وسلوم اخد التلفون ….. وراح وراه يصيده …. ولما وصل حمود عند بيت سلوم وقف فجاه ….. ووصل اليه سلوم وهو الثاني وقف متصنم محله ….. ههههههههههه ….. واااا فشيلتااه ….. ويش هالموقف المحرج .

هههههه مواقف والله

تسلم اخوية على الجزئين الثامن و التاسع

هههههه مواقف والله

تسلم اخوية على الجزئين الثامن و التاسع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top