السموحه على التأخير ..
انتهى وقت تسليم الطلبـات . .
والحينه وقت التصويـت . .
نبـداا بـعرض الاكلاتـ . .
السويت الأول ( آيس كريم )
++المقادير++
المقادير رقم((1))
ظرف كريم كراميل
3ظروف دريم ويب
نص كوب ماي بارد
كوب حليب بودرة
كيمر واحد
ملعقتين كاكاو بودرة
::::
المقادير رقم((2))
عدد ثلاثة بسكوت نبيل
حليب سائل لتغميس البسكوت فيه
كاكاو نوتيلا للتزيين
++الطريقة++
نخلط المقادير رقم ((1))في الخفاقة مدة عشر دقايق
بعد انتهائنا من خلطها نحضر صينية بايركس
نضع قليلا من الخلطة في الصينية
ثم نصف البسكوت عليها مع ضرورة غمس كل حبة بسكون في الحليب لترطيبه قليلا
بعد ان اكتمل صف البسكوت في الصينيه نصب باقي الخلطة
تزين الصينيه بكاكاو نوتيلا سائل على شكل دوائر ثم نتفنن في تزيينه بالسكين
يوضع في الثلاجه ويؤكل باردا
السويت الثاني ( الكنافة بالقشطة )
المقادير
كنافة طازجة
زبدة مذوبة
مقادير القشطة:
باديتين ماي (بوادي المحلبية الوسط)
4 ملاعق حليب نيدو
4 ملاعق نشا
فنجان سكر
1 قشطة
مقادير القطر:
كوبين ونص سكر
كوب ماي
عصير نص ليمونة
شوية زعفران
فستق مطحون
الطريقة:
نسوي القطر فالبداية.. نحط الماي مع السكر عالنار ونحركه لين يذوب عدل وعقب نتركه لين يغلي ويثقل شوي عقب نضيف عصير الليمون والزعفران ونتركه يطبخ زيادة شوي عقب نرفعه عن النار ونتركه على جنب ليبرد
نأخذ صينية الفرن مالت الكب كيك اللي اتيي فيها حفر(6 او 12 او 24 ) وعدد الصواني تكون بكمية الكنافة اللي تبون تسونها
احنا استخدمنا يمكن 4 مادري 5 صواني.
نحط الكنافة داخل كل حفرة.. بحيث توصل ثلاث ارباع الحفرة ونصب عليها زبدة ذايبة
نحط الصينية فالفرن على حرارة 220 لمدة 10 دقايق او لين يحمر ونحاسب انه مانخليه يحترق
نطلعه من الفرن ونترك الكنافة على جنب وهي داخل الحفر ونشربه بالقطر اللي سوينها عقب نخليها تبرد شوي
نسوي الحين القشطة… نحط كل مقاديرها في جدر عالنار الا القشطة ونتركه تطبخ مع التحريك المستمر بالقفشة لين تغلي وتبتدي تثقل شوي ويكون قوامها مثل قوام المحلبية عقب نضيف القشطة ونشيل الجدر عن النار ونحركه بسرعة عشان يتمازج ونتركه يبرد شوي ويتماسك…
آخر شي نطلع الكنافة من الصواني ونأخذ دائرتين من الكنافة ونخلي الويه لداخل والجهة المسطحة لبرا ونحط فالنص القشطة اللي سوينها ونرش فستق عليها ونكرره مع باقي الكنافة عقب مانخلص نحطه فالثلاجة يبرد ويتماسك شوي وبس
وهنا وعااافية
السويت الثالث ( بسبوسه )
*المقادير*
*- كوب ( سميد )
*- كوب ( سكر )
*- كوبين جوز الهند
*- كوب حليب بودر
*- ملعقتين كبار بيكنج بودر
*الطريقة *
تخلط المقادير ثم نضيف كأس وربع من الماء ونخلط المقادير ..
ندهن البايركس الي بنحط فيه البسبوسه ..
انزين وعقب نحط البسبوسه في البايركس
وعقب نقطعه لقطع ونزينه باللوز
وبعدين نحطه في الفرن لين مايستوي شكله جي
السويت الرابع ( غــريـــبه )
.. المقادير ..
كوب زبده طريه 227 غرام
نص كوب سكر
كوبين طحين رقم 1 منخول
فانيليا
فستق أو اي نوع من المكسرات للزينه
.. الطريقه ..
– يخفق الزبده مع السكر والفانيليا حتى تصبح كالكريمه
– يضاف الطحين على دفعات ويستمر في الخفق بالملعقه وليس بخفاقه الكيك حتى ينتهي مقدار الطحين
– تشكل على هيئه كور صغيره وتصف في صينيه الفرن المفروشه بورق الزبده أو مدهونه بالزبده مع مراعاة ترك مسافه بين كل حبه والأخرى حتى لا تلتصق مع بعض
– تزين بالفستق مع ضغطه خفيفه وتوضع في فرن ذات درجه حراره هادئه حتى تشقر قليلا ولا يشترط تغير لونها .. وعند اخراج الصينيه من الفرن نتركها لتبرد حتى لا تتكسر وتفتت الغريبه وبالعافيه عليكم
ننتظر تصويتاتكم
ويستمر التصويت 3 أيام
وتم التصويت^_^
عيدكم مباارك… وكل عام وانتو بخير…
مشكوورين للي صوتوااا وبانتظار البااقي
اليوم آخر يوم للتصويت
لاتحرموونا من طلتكم
والله يحفظكم من الشر
ماشاء الله سويتات حلوه
مشكورين على المشاركه والتصويت
مددنا التصويت لين باجر
فإن شاء الله نشوف تصويتات أكثر
صوتوا ولا ما بنطرش لكم طلبيه بالسويت الفايز 
يعطيكم العافيه
الاااااااااي يمي يمي 😀
تسلم اياديكم على الاكلات الحلووة :p
وبلتوفيق للجميع 🙂
الله يسلمكم ويعافيـكم ..
وشكراا للي شاركووو وصـووتوووا
والسموووحه عالتاخيـر:)