اختكم الحب اختياري..
اشحالج خيتي
ان شاء الله اتكوون الروايه فيها اكشن الخ
لاني احب اقري وااايد رواايات
وانا راح اتابع روايتج
تسلمين خيتووو ونتريا اليديد منج
|
وعليكم السلام والرحمه
تسلمين وان شاء الله تعجبج
انتظر ردودج الحلوه
ام نوف: هايات يالغاليه ..
ابو نوف: هلا والله بدلوعتي ..
نواف: وشمعنى نوف يعني صارت دلوعتكم ؟؟
ابو نوف: افا عليك انته الغالي انته دلوعنا انته نور البيت
نوف: هههه يالله انا رايحه الدوام عن بعد يتحرطم
ابو نوف: الله يعطيج العافيه
باست راس ابوها وامها وحضنت اخوها وطلعت راحت تمشي لين الدوام لانه كان الجو حلو دخلت الدوام ’’
نوف: صباح الخير
المدير من دون نفس: صباح الويهه الزفت |-3
نوف بصوت خفيف: حشه توه الناس 24 ساعه يعصب توه الصبح
المدير: نعم شو قلتي ؟؟
نوف: ولا شي سلامتك قالت في خاطرها جني طالبه منه صدقه
مشت عنه قعدت ترتب بالطاولات والكراسي ’’
في بيت ابو عبدالله الساعه 10 الصبح ..
عبدالله: هلا والله بالغاليات هلا والله بالحلوات ..
هنادي: اهلين حبيبي ماي اخو هههههه
عبدالله: هههه هلا بدلوعة اخوها
هند: انا اليوم بسافر لندن
عبدالله: درب السلامه انتي وهنادي بس ؟؟
هند: هيه مابتي ويانا ؟؟
عبدالله: لاحبيبتي روحو واستانسو بس كم يوم بتمون هنااك؟؟
هند: يمكن يومين او 5 ايام او اقل
عبدالله: تروحون وتردون بالسلامه
هنادي: الله يسلمك يالغالي
قام عبدالله وباس راس اخواته وصعدو هند وهنادي يجهزون شنطهم ’’
في ذلك المطعم اللي تيلس فيه بنت متواضعه ملامحها ملامح اطفال وبيدها قلم وورقه تكتب خاطره ’’
المدير: وصمخ يصمخج قولي امين ..
قامت بخوف: هلا امر ماسمعت
مسك الورقه وطراها وفراها على الارض وكمن ورقه على ويهها جمعه تم يناظر الموقف والحدث تمت تصيح وتلم الاوراق وطلعت برع كانت الساعه 10 مساءا قعدت على الرصيف تصييح فجاه امطرت الغيمه ومر جمعه قعد حذالها ’’
جمعه: اسف على اللي صار
نوف مسحت دموعها: انته شو يخصك في الموضوع
جمعه: لاني لو ماييت جان ماعصب عليج
نوف: لاعادي انا ماسمعته كنت مندمجه في الكتابه
جمعه: شو اسمج ؟؟ .. انا جمعه
نوف: عاشت الاسامي ..
وقفت وكان لبسها مبلل بالماي ’’
نوف: انا عاشقة المطر
ومشت عنه وراحت لين بيتهم ودخلت البيت وحضنت ابوها ’’
ابو نوف: شوفيج يا دلوعتي بتمرضين ليش قعدتي تحت المطر وين سيارتج؟؟
نوف: اليوم الجو عجبني ورحت من دون سيارتي وتوه المدير هزبني ونزل المطر وانا راده اهئ اهئ
ابو نوف: ليش نازعج؟؟
نوف: كنت اكتب خاطره وزبون دخل كان يزقرني ماسمعته وعصب علي وطر الورقه اللي كاتبه فيها الخاطره ع ويهي
ابونوف: مو مشكله حبيبتي حسبي الله ونعم الوكيل الله يسامحه
باست راس ابوها وصعدت فوق تتسبح وتبدل لبسها وجمعه تم يشوف بيتهم ومشى لين المطعم وركب موتره وسار البيت ,,
2- هل جمعه بيحب نوف؟
3- المدير هل طردها ام مجرد انذار ؟؟
4- ماقصة نواف اخو نوف وشو بيصير في السفر ويا هند وهنادي ؟؟
واللي مو عاجبتنه الروايه براحته ..
اللي علي اني انزل البارت ..
البارت الثاني ..
في اليوم التالي في مطار لندن الكل يشوف هند وهنادي ’’
هنادي: امييه اخاف يخطفونا شوفي كيف يشوفونا
وراهم ولد يطالعهم ويضحك ’’
هنادي انجليزي: ليش تضحك قلنا نكته ؟؟
الولد انجليزي: لا بس شكلج يضحك
هند انجليزي: لاتغلط احترم نفسك لو سمحت
مشو وركبو القطار وصلهم الفندق ودخلو رتبو لبسهم وغفو ((قيلوله))
في دبي الساعه 8 نشت نوف وفتحت دريشتها ودخلت تتسبح نزلت تحت شافت اخوها ’’
نوف: هلا والله بالحب
نواف: هلا يالدبه وين رايحه ؟؟
نوف: بروح اسحب اوراقي من الدوام وادور لي على شغل
نواف: بي معاج
نوف: اوكي وين امي وابوي ؟
نواف: محد طلعو
دزت نوف اخوها وطلعو متوجهين الى المطعم وصلو المطعم دخلت نوف مع اخوها ’’
نوف: السلام عليكم ورحمة الله
المدير: برع ما اتشرف ادخل اشكالج مطعمي
نوف: مب يايه اشتغل ابي اوراقي
المدير: لحظه
دخل داخل وطر الاوراق قطعه قطعه ومشى لعندها وفراهم على ويهها ’’
نوف تمت اتشوفه وقالت: شكرا الله فوق وتذكرها يا استاذ
المدير: يالله بررع مابي اشوف ويهج هني روحي اشتغلي شغل يليق لج يا …….
نوف: الله يسامحك
فتحت الباب وطلعت’’
نواف: ليش سكتي عنه ؟؟
نوف مسحت دموعها: تعودت ياخوي ياحبيبي لازم تتعلم من الدنيا
نوف شل العكاز ومشى لين المطعم دز الباب بكل قوته والمت ريله بس ماهمته ريله ’’
نواف: انته
المدير: نعم يالعاجز
نواف: يكون بعلمك لو مفكر ان كسرت خاطر اختي ترى الله فوق يمهل ولا يهمل الله بيخليك تذل نفسك ذل لانك ذليت اختي ليش تذلها لانها فقيره وانته غني طزز فيك وبفلوسك وفمطعمك مستغنيين عنك
يه بيرد دعم فواحد ’’
جمعه: خله يولي تعاال لاتحرق دمك
ووداه برع ’’
نواف: ماعليج منه هزبته كله ولا دموعج دبوووه
جمعه: السلام عليكم عاشقة المطر
نواف: نحن رجعنا يا تؤامتي
نوف: اهلا
مسحت دموعها ومشت هي واخوها وخلت وراها جمعه والمطعم و المديره ’’
في بيت ابو مديه في الغرفه عند مديه ’’
مدية: خلوف متى بترد ياخي ولهت عليك
خليفه: قريب يالحلوه بسوي لج سبرااايس
مدية: اوكيك اترياك .. شو تسوي انته الحين ؟؟
خليفه: ماشي ههههه والله توه ياي من المطار كنت صوب القطار وبنتين مواطنات يتحرطمن يقولن بيسرقونا وجي والكل يشوفهم لانهم توام ومايدرون انه انا مواطن واقولج وانا اضحك صدت وحده صوبي جان تقولي ليش تضحك قلتلها على شكلج تتحرى شكلها مب حلو ماخلتني اكمل ومشت
مدية: ههههههه وحليلهم والله
خليفه: شكلهم يايين كشته لانه اول مره اشوفهم
مديه: الله يحفظك ويحفظهم يالله انا برقد وطمني عليك فداعة الرحمن
خليفه: ان شاء الله مع السلامه
نزل تحت وقعد فالكوفي نزلو البنات شافتهم اجنبيه ’’
جولي انجليزي: وااااو شكلهم طررر واايد حلوين واااو
هند بغرور انجليزي: ههه ادري ههه اتمصخر شكرا
مايك انجليزي: عادي نتصور معاككم؟
هند انجليزي: اوكيك عادي
هنادي: انتي هبله انا مابي اتصوري روحج
سحبتها هند ووقفو مر خليفه من جهتهم ’’
مايك انجليزي: لو سمحت
خليفه انجليزي: هلا
مايك انجليزي: ممكن تصورنا
خليفه انجليزي: اوكيك
وصورهم وتم يشوف هند وهنادي معجبه فيه بس ساكته ياب الكام حق مايك وتم يضحك ويشوفهم ’’
هند انجليزي: اموت واعرف ليش تضحك
خليفه: اتخيل شكلكم وانتو واقفين فالقطار
هند وهنادي انبلمو: تتكلم عربي ؟؟
خليفه: اسمي خليفه من دبي
هند: هلا والله بولد بلادنا انا هنوده المغروره وهاي اختي هنادي وعاشت الاسامي خلوفي
هنادي سحبت اختها وقالت: ايه انتي مفكره روحج وين تسولفين معاه عيب
في الامارات الساعه 10 صباحا في بيت ابو نوف ’’
ام نوف: يالله مابتون تتريقون يوم بشله بتون
نوف ونواف: يايين فالدرب امااايه
نزل ابو نوف وقال: صباح الفل يا ام العيال
ام نوف: حتى ابوكم علمتوه يتاخر
نوف: اوب اوب الوالد اليوم كاشخ اكيد رايح عند الحرمه الثانيه
ابونوف: لزوم الشغل يالغاليه
ام نوف: شعندك؟؟
ابونوف: شغل في واحد زقرني يباني اشتغل عنده في الشركه
نوف: اهااا
ام نوف: ممكن بعدين تودينا السوق انا ونواف؟
ابونوف: من عيوني يالغاليه
وتريقو وطلع ابو نوف وطلعت نوف وراه لقت اعلان صوب سيارتها انه مطلوب عامله في المطعم المقابل للشارع الرئيسي ركبت السياره وراحت دخلت المطعم ’’
نوف: صباح الخير
احمد: هلا والله منوره اختي امري شو حابه تشربين
نوف: انا مب يايه اشرب وين المدير؟
احمد: انا المدير امري
نوف: ابي اكلمك في موضوع
احمد: تفضلي المكتب جااكي شوف الشغل عندي اجتماع خاص
جاكي: اوكي بابا
دخلو المكتب وقعدت على الكرسي ’’
احمد: شو حابه تشربين؟؟
نوف: ولا شي شكرا
احمد: امري تدللي اختي ؟؟
نوف: سمعت انه تبون موظفه صح ؟؟
احمد: هيه عندج حد تسوين فيني خير
نوف: هيه انا
احمد استغرب: انتي فهالجمال بداومين عندي ؟؟
نوف: هيه شو اسوي والشغل مب عيب وها اللي مكتوب لي
احمد: مب مشكله شو من الشهايد عندج !!
نوف: امم شهادة جامعيه بس ماكملت التخصص وابي اشتغل علشان اقدر اكمله
احمد: شو حابه تدرسين !!
نوف: اعلام بس عندي خبره في المطعم قبل كنت اشتغل فالمطعم بس انطردت
احمد: افا كيف؟؟
وحكت له نوف كل شي ’’
احمد: خيييبه ليش جي يسوي ؟؟
نوف: كان يكرهني وكان قاسي بس عادي تعودت
احمد: خلاص من باجر تشتغلين عندي
نوف: شكرا والله ماراح انسى لك اخوي احمد
وتعرفو على بعض شوي وقامت مدت ايديها وسلمت عليه وماقال حقها انه متزوج وردت البيت وباست راس امها ’’
نوف: امااايه باركيلي قولي مبروووك
ام نوف: عسى ماشر بتعرسين ؟؟
نوف: ههههه لا لاحقه على العرس بس لقيت لي شغل
ام نوف: مبرووك ياروح امج
طاحت في حضن امها وقعدت تبوس فيها ’’
في بيت مدية اتصلت على اربيعتها امنه ’’
مديه: هلا والله
امنه: اهلين عاش من سمع هالصوت
مديه: هههه عاشت ايامج يالغلا
امنه: وينج ماتبينين قاطعه ها
مديه: السموحه بس اتعرفين من سافر اخوي وانا ماطلع من البيت
امنه: وين مسافر؟؟
مديه: لندن
امنه: متى بيرجع علي ؟؟
مديه: مادري والله ماقالي قالي سبرايس
امنه: خلاص باجر عازمتنج
مديه: اوكي خلاص نتلاقى حبيبتي باجر فداعة الرحمن
رد ابو نوف من الاجتماع في البيت عندهم ’’
ام نوف: هلا والله
ابو نوف: يالله لانه عندي موعد بعدين
قامت ام نوف وزقرت نواف وراحو خلصو من السوق وكل شي وهم رادين البيت ’’
ترن ترن ترن ترن ترن طوط طوط طوط طوط ترن ترن ترن ترن
……..1: الو سوري على التاخير
……..2: ………………………………………….. ……
………..1: شو حادث ؟؟
كـــــــــــــــــــــــــــــــــــــــــــــــــ ـت
1- منو اللي سوا حادث ؟؟
2- شو بيصير بين هنادي –هند – خليفه ؟؟
3- مديه وامنه شو بيصير فيهم يوم بيلتقون ؟؟
4- نوف والشغل اليديد وابو نوف والشغل اليديد؟؟
ملاحظه:
(( كل الوفاء شفته على ذاك الرصيف
ذاك المسا وكل الجفا شفته
على نفس القطار ونفس المساء ))
خيتووو لو ما علييج امر كملي الرواايه
|
وعليكم السلام السموحه توني اقرا البارت
باجر احتمال انزل بارتين لانه مابكون موجوده يومين
فترقبيني باجر والحين بكتب البارت حق باجر
تقبلي مروري اختج الحب اختياري
وثانكس ع مرورج الحلو
