فلسفة العيايز 2024.

1) الحريم و مرض السكر

تقول الوالده الحريم ما ياهن السكري و الضغط إلا من قل الحركه و اليلسه و الهيازه و البشاكير

2) أمراض الدم

أول العرب فيهم قمل يشرب الدم الخايس ومن إتنظفت العرب عفدت إبهم هالأعواق إلي ما ريناها في
عربنا لوليين(شفتو فايدة القمل).

3)الجن و المس

لول الدنيا فضا و الفرجان متباعده و كل فريج فيه كمن خيمه ينعدن عالصبوع, والجن سكون في الخلا
لكن من يانا الخير زادو الأوادم و زادت البيوت وعدو على بقع الجن, عاد الجن ما حصلو بقعه يسكنونها
قامو و سكنو في الأوادم

4)رغوة الحمام

دخلت ختيه الصغيره الله يعزكم الحمام و ترست البانيو ماي و رغوه, يوم دخلت يدوه الحمام و شافت الرغوه قالت يالله بالستر بلاه مايكم وارم

5)البر و الموتر

يوم سرت فيا يدوه العزبه غرز الموتر و الهندي ما عرف شو يسوي نزلت أطالع السالفه, جان أقول ليدوه إنزلي شوفي الموتر , لقيتها يالسه في السيت الجدامي و تدز التابلون بريولها قلتلها شو تسوين؟ قالت: أدز الموتر حق يظهر

6) الفتاين و الهزاب

تقول يدوه لا تفتنون على الأوادم و إتهزبونهم لأن رب العالمين قال: الفتنه أشد من القتل.

لووووووووووووووووول

تسلم يا همس العيون ولا تحرمنا

اختك
دمعه ع خد الورد

تسلم اخوي همس العيون على هالموضوع الطيب

ونتريا يديدك

وبالتوفيق ان شاء الله تعالى

هلاا ،، دمعوه ،، ريوووووف

على المرور الحلو

تحيااتي لكم

تسلم ع المووووووضوع الحلووووو

ويعطيك العافيه

عجييييييييييييييييييييييييييييبه عيوزك…
يالله على الوسواس
عيوز حكيمه

تسلم همس ع درس الفلسفه

ياهلا والله فيكم
اذا كنت متضايق او كنت متهاوش
او شايل في قلبك
وتبي تكفخ
ومو لاقي حد
دش هالموقع تفضل

http://www.counterfeitmini.com/main.swf

في واحد ينطرك
وينطر طراقاتك
والزين اللي فيه انه مايزعل
خخخخخ
ظرب في ظرب في ظرب

تسلم اخوي ع الرابط

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Scroll to Top