:: + :: في يوم كنت و اليوم صرت !! :: + :: 2024.

:: + :: في يوم كنت.. و اليوم صرت .. !! :: + ::

::

.::. السلام عليكم و رحمة الله و بركاته .::.

::
::
::

::

::
يعاندني القلم..

حزني يحترق في داخلي..

و جمره يطال القلب اللي هواك..

يا حسافة ذاك الزمان ..

كنت ألاعب حدود السطر بإحساسي و الغرام..

كنت بك أترجم شعوري في قصيدي..

آه كم كان يفرح القلب ليم انه طراك..

** ** **

ذيك الأيام ..

كنت أفرح بقربك..

أجيك عاني ..

و كنت في عيني ملاك..

في ذاك الزمان..

ما كانت العين ترمش ,,

إذا تظن في رمشها آذاك..

و ما كانت الروح تهنى بنومها ,,

قبل تبيّن عن راحة منامك و هناك..

** ** **

ذيك الأيام ..

إجمعت قلوبنا ع درب المحبة..

و شع نجمي في سماك..

كان الكف ما يرضى ببعد الكف ,,

و لا يدفى إلا من دفاك..

و إنقضت ذيك الأيام..

بحلو السهر و ولى الفرح عن مبسمي,,

لحظة غيري عن دربي عماك..

** ** **

يا للأسف بيّنوا لك حبي وهم..

و أبعدوك عن رمشي اللي حماك..

زينّوا لك الزيف..

غنوا لك الكذب..

و لونوا لك الأشواك..

غروك في الهوى..

زيفوا في عينك حقايق..

و ما جذبهم في الهوى طيبك و حلاك..

غشوك بإسم الهوى..

و ما همهم إذا غرامك في حزنك رماك..

** ** **

بحذرك و أنت اعز ناسي..

من محبك اللي لحظةٍََََ مع غيرك و لحظةٍ معاك..

محبك اللي ما يقوى يصونك..

يتلاعب بقلبك و يمرح بدنياك..

يمر الليل و هو ساهر مع عينك..

و إذا اصبح الصبح تلقى انه نساك..

يبتسم لك.. و بسمته بحساب..

سهل يزعل.. يزعلك و لا يدوّر رضاك..

يخونك و يعتذر.. و يعود في الخيانة و يعتذر ..

ما يوم قدّر حبك و وفاك..

يحبك لحاجة .. و إذا ما له حاجة نكرك..

ما يوم عن طيب خاطر حبه عطاك..

** ** **

و أنا اللي وفيت في حبي ,,

مجبور أعيش العمر باقيه دونك و بلياك..

أعيد ذكرى الألم ..

خالي الكف أراجع الأثر اللي عليها خطاك..

أناظر كفك على كفه..

و أضم كفي على صدري..

أتمنى ترجع لي عساك..

== == == ==

و لكل من يقرا حرفي ارتجي العذر..

اليا بدر فيها اي قصور و خلل..

::

::

::

.::. تقبلوا مني أرق المنى .::.

::