سلامــ عليكمــ ورحمهــ اللهــ وبركاتهــ
شحالكم عساكم بخير وسهاله يارب ..
كنت اتصفح في ملفاتي حصلت هالخاطره الجديمه اللي تقريبا كاتبتنها من 4 سنين..
نشرتها في اكثر من موقع حبيت انشرها هني .. ان شاء الله تكون على مستوى
قصهـ الخاطر:
كنت اقرا قصهـ في منتدى من المنتديات .. تأثرت بها وايد ..
والقصه عباره عن ريال خان حبيبتهـ اكثر من مره وهي كشفتهـ ..
في القصهـ هي سامحتهـ 3 مرات .. بس انا كنت افضل لو انها ما سامحتهـ ..
كتبتـ خاطرهـ برد اللي كنت اشوفه مناسبـ ..
مليت من الكلام اللي تقوله لي وربي مليت…
عرفتك وعرفت قدري .. بعدما عني تخليت…
مليت ماريد تسمعني عنك بعد ما انهيت…
انهيت الموده وجسر حبي اللي بنيت…
بنيت احلام وآمال وشريت…
شريت شخص (ن) عطيته قلبي وخطيت…
لا تظاهر بالأسف وشعورك بالذنب لاني وربي مليت…
ياما غلطت فـ حقي وعنك تغاضيت…
وسامحت عن طيب خاطري ووفيت…
بعت الكل دون همي ولك فضيت….
بعد كل اللي سويته بالخيانه تجازيت…
لا تتأسف ماعدت لعبه اللي بها انسليت…
مابسامحك ولا تتوقع سماحي ولو ترجيت….
كفايه لعب وتسلي بالمشاعر اللي انعطيت…
ولاتظن قلبي بيحن مثل الاول ولو تمنيت…
عفتك نعم عفتك مالك من الشوق بعدما انطفيت…
انطفيت بعدما شفتك مع غيري تهنيت…
كشفت زيفك وتأسفت على حبي وبكيت…
ترجع تقول لي من دون قصد اخطيت…
مابسمح لك تملك قلبي ولو بكيت…
لانك خنت وماقدرت الحب اللي انعطيت…
نسيتني ونسيت كيف بك تغنيت…
من بعد كل هذا بقولك ماتعنيت…
ماتعنيت لاني حبيت ووفيت…
اقولك مليت منك ومن افعالك نعم وربي مليت….
مدري ليش حبيتك وبك رضيت…
بقولك وبدون ندم اليوم عنك تخليت نعم تخليت…
وان شاء الله نشوف منج المزيد
تقبلي مروري
..!!
صح السانج الغلا
تسلمين
دمتي مبدعة وسلمت يمناج الراقية
🙂
صرااحه ابيات ولا احلى ..
اختيارج كان رائع ..
تسلمين الغاليه ع الابيات الحلووه ..
لا هنتي يارب ..
تقبلي مرووري ^_^