دقت جواله بالغلط وصار ما صار 2024.

اليوم جايبتلكم موضوع مختلف لاهو رياضي ولاثقافي

.. موضوعي اليوم عبارة عن حكاية وحكاية حصلت وسمعتها بنفسي من صاحبتها وابديت رأيي فيها واتمنى أسمع رايكم بعد .. وعشان ماطول السالفه وادخل فالموضوع على طول اليكم الحكايه ..

البنت من عيله محترمه جدآ ومعروفه ولها مكانتها المرموقه واسمها اللامع فالمجتمع السعودي واسم شبه معروف فالمجتمع الامارات مكان اقامة والدتها.. وبشهادة من يشوفها البنت هذي جميله جدآ واخواتها بعد كل وحدة تقول الزود عندي .. بس مشكلتها انها بنت دلوعه جدآ وكل طلباتها مجابه ودون تردد مع انها لا اصغر ولا اكبر اخوانها بالعكس هي فالنص وفوقها دسته وتحتها نصف دسته من الاخوة والاخوات لكن دايم العيل الغنيه تدلل عيالها بغض النظر عن ترتيبهم طالما المادة متوفرة .. ليه البخل ؟؟

المهم فيوم كان عندهم حفلة فالبيت واحتاجت لبعض الطلبات قامت دقت على تلفون اخوها بس غلطت في رقم وطلع لها صوت غريب على الخط واول ماسمعته ما عملت زي كل البنات واعتذرت انها مغلطه بالعكس حولت صوتها وخشنته وتكلمت مع الشخص الي رد عليها بصوت رجال .. الشخص مامشت عليه السالفه وعرف انها بنت لكنه سير معاها وتكلموا واضحكو مع بعض ووعدها انه يرجع يتصل فيها ثاني لنه حاب يتعرف عليها .. البنت من شدة استهتارها وافقت ورحبت بالفكرة على بالها ضحكت على الشخص هذا بلعبتها السخيفه .. وقفلت الخط واتصلت فخوها وطلبت الناقص وكملت حفلتها مع صديقاتها واهلها ..

وبالليل اتصل الشخص هذا فوقت متأخر وردت عليه بصوتها الخشن على اساس انها قال ايش ولد .. قام الشخص هذا وقالها( يابنت الناس انا كنت عارف انك بنت من البدايه وبلاش الحركات هذي وكلميني بصوتك ) قامت البنت اعترفت له انها بنت وانه عمرها ما كلمت شباب غير واحد في حياتها وكان خاطبها وانفسخت الخطبه وعشان كذا كلمته بالطريقه هذي لنها كانتتضحك وتتسلا معا اخواتها .. المهم استمرت المكالمه ساعات وجرتها ساعات وايام واسابيع واشهر .. وطول الفترة هذي والبنت تردد على الشاب انها صحيح بتكلمه لكن كصديق يعني لاحب ولا زواج وهو وافق طبعا ـ ليه احد تجيه فرصه زي هذي ويرفضها ؟ ـ

بعد مرور ثلاث شهور عالسوالف والضحك حست ابنت انها بدت تحب الشاب هذا بس كيف تصارحه بحبها وهي الي قالت له العلاقه صداقه ومابي حب وكلام فاضي ؟ .. فما كان منها الانها كتمت حبها له وضلت معاه الين جا اليوم الي صارحها فيه بحبه لها .. طارت البنت من الفرحه واعترفت له بعد انها حبته بس استحت تعترف له لنه قرار الصداقه كان قرارها .. المهم تغيرت دنية الشاب فيها وتغيرت دنيتها فيه .. فالبدايه كان كل واحد فيهم ضاحك على الثاني بشغلات ومخبيها عنه وبعد ماصار الحب اعترفت له انها من عيله معروفه ولها اسم و تاريخ عريق فالتجارة والاعمال واعترف لها هو بسر وحيد كان مخبيه عنها .. وكبر فعينها وكبرت فعينه

هنا رجع الشاب وفتح لها موضوع الزواج .. ثارت وعصبت وتضايقت وقالت له احبك وتحبني بس لاتفتح معاي الموضوع هذا ثاني وسالها ليه ماردت وقالت له( ياما ناس حبو بعض بس مانتهى حبهم بزواج والي كاتبه الله بيصير ) .. الشاب وافق وكتم فنفسه وصبر وهو يشوف علاقتهم كلمالها وتكبر وحبهم كلماله ويزيد .. ومن شدة حبه لها عرفها على اهله عشان يثبت لها انه مهب لعاب مثل باقي الشباب وانه جد يحبها وصادق معاها .. تعرفت على اخواته وصار بينها وبينهم مكالمات وتطورت علاقتها معا وحدة فيهم لصداقه قويه .. ولما حس انها اندمجت معاهم رجع وفاتحها بموضوع الزواج فما كان منها الا انها ثارت وعصبت مرة ثانيه .. وهنا تدخلت اخته وحاولت تفهم منها سبب الرفض لكن لاحياة لمن تنادي البنت رافضه ومحتفظه بالسبب لنفسها .. هنا فكر الشاب انه يخليها اما الامر الواقع ويتقدم لخطبتها واذا رفضته بينسحب من حياتها .. وكلم امه بالموضوع ..!

ولما زادت ضغوطاتهم عليها وشافت انه امه تدخلت فالموضوع وانه خلاص قرر خطبتها رسمي فكرت انها لازم تخليه يطرد الفكرة من باله نهائي فما لقت غير انها تشوه صورتها الحلوه فعيونهم لنها كانت دايم مثال البنت المؤدبه الطيبه ودايم تمزح وتضحك .. وفيها صفات حلوة تحبب الناس فيها وانا وحده منهم ..المهم .. قامت البنت والفت مواضيع عن نفسها وعن اهلها وعلمت الشاب فيها .. ومن كثر مايحبها ما صدقها وحس انها تكذب لنه عارف تفاصيل حياتهم كلها واهله بعد .. بس هي ظلت على ذا الحال شهر تألف وتشوه فصورتها وصورة اهلها الين ما قالها فيوم وهو معصب ( قولي مابيك وابعدي عني بس لاتشوهين صورتك فعيني لني عمري ماراح اكرهكي ) .. وقالها ( انا احبك صح بس ماقدر اعيش علاقة حب مامن وراها هدف حب فالهوا مايندرى مصيره ايش عشان كذا انتي فطريق وانا فطريق ونبتعد وكلن شايل عن الثاني ذكريات حلوة احسن من الي جالسه تسوينه فيه وفنفسك )

وهنا صارت الفرقا لكن بعد ايش ..الشاب دمر مستقبله عشانها وترك وظيفته الاساسيه فالعسكريه الاماراتيه لانه القانون مايسمح له يتزوج من خليجيه بدون موافقه عليا وبشروط .. وكل هذا تحت عينها وماتحركت ولاقالت له لاتسوي كذا وبتخرب مستقبلك .. البنت كانت تحبه بجنون وماتبي تخسرة كحبيب وهو كان ينافسها جنونها جنون .. بس هذا كان حلها الوحيد عشان تشيل فكرة الزواج من راسه .. وتبعده عن المشاكل .. واليوم الي تفارقوا فيه بكت دمعها دم وماتدري بحاله بكاها والا ما اثر فيه غيابها ..

لكن ايش السر وليه كانت رافضه ارتباطها فيه رفض قاطع برغم حبها لكبير له ؟

البنت فالاساس مخطوبه لابن خالها وجالسه تجهز نفسها للعرس الي محدد تاريخه من قبل ماتعرف الشاب هذا .. اساسآ واليوم الي كلمت الشاب فيه كان نفس يوم حفلة خطبتها على ابن خالها الي يكبرها بـ 12 سنه و الي كان يحبها من فتحت عينها على الدنيا .. وموافقه عليه لنه سوالها اشيا كثير حلوة فحياتها ..!

بس لما حست انها تعلقت فالشاب وحبته وماقدر تستغني عنه قررت تصارح ابن خالها بالموضوع تفسخ الخطبه وترتبط بمن تحب وفعلا صارحته بالموضوع .. ولنه رجال ثار عليها وعصب ومن غبائها سبته وقالت له انها ماتقدر تتزوجه وهي تحب واحد ثاني وانها تبي تتزوج اللي حبته وطلبت منه يبعد عنها ولما رفض سبته واهانت رجولته .. فما كان من ولد خالها الا انه هددها بالفضيحه وفعلا فضحها وشهر بسمعتها بين اهلها وعشيرتها وشهر بامها واخوانها واخواتها وسوا مشكله كبيرة .. وتعطلت اعمال الاسرة التجاريه واختربت العلاقه الاسريه .. اخوانها بينهم وبينها كانو يلومونها لنها سببت مشكله كبيرة لكن اذا احد تكلم من اهلهم عنها كانو يوقفون فوجهه .. تعمقت المشاكل واكبرت بين امها وخالها وكبار قبيلتها .. وهيه ولاهيه هنا ولما هددها بانه رح يوصل للشاب هذا ويفضحه فاخواته واهله مثل مافضحهم فيها .. هنا صحت البنت وقالت له ( اتزوجك بس لاتضره وتضر اهله والمشاكل بين العيلتين تنتهي ) .. هنا راح ولد خالها لكبار العيله وقالهم ( البنت مفظوحه وانا استر عليها ) .. وصار العرس ..

البنت علمت اهل حبيبها بموعد عرسها وارسلت لهم البطاقه لكنهم ما حضرو مع انه زوجها عمل ثلاث حفلات طبعا عناد فيها ـ ماحظرو عشان اخوهم طبعا ـ .. وقبل العرس بايام اتصلت على حبيبها وكلمها وكانه مانقطع عنها يوم .. وكلمته ومابينت له انها تبكي .. وثاني يوم للعرس بعد كلمته بس من رقم ثاني لنه قالها فالمكالمه الاولى ( انه مايقدر يتواصل معاها وهي على ذمة واحد ثاني ) بس هي اصرت وقالت له ( لاتتصل فيني بس انا رح اتصل واكلمك كلما حصلت فرصه وكذا ضميرك بيرتاح ) ؟ ..

ومرت الشهور وهي على ذا الحال تتصل كلما حصلت فرصه .. والمسكين يرد عليها ويكلمها لنه يحبها ويشتاق لها بين الفترة والثانيه .. حملت البنت وولدت وحملت ثاني وهي على ذا الحال .. وفيوم تتصل على رقم الشاب وماتحصله شهر كامل وجواله مقفل .. ظلت يوميا تتصل وترسل مسجات والتقارير ترفض وماتوصل مسجاتها هنا خافت لنه هو واعدها مايغير رقمه ومو من عادته يقفل جواله بالطريقه هذي .. اكتئبت واهملت نفسها وولدها واهلها وكان كل همها يرد عليها وفيوم وصلها تقرير انه الرساله وصلت طارت من الفرحه واتصلت فيه وكلمته وعاتبته وطلع فدورة ومايقدر يفتح الجوال .. وهنا ارتاحت وعادت لحياتها طبيعيه تضحك وتسولف والشك مقطع زوجها بتبدل حالها .. الين اقتنع انها مجنونه رسمي على قولته لها ..

هذا كله مو مهم المهم انه البنت هذي نفسيتها تدمرت وصارت تشوف انه مالها امل فالحياه وربي كانت جميله وكنها ملاك والحين صايرة كنها عجوز من الهم والتفكير بحبيبها وكيف ماتخسرة من حياتها .. حتا ولدها حشاشة يوفها اهملته وراميته على خالاته وجدته ـ امها ـ ولا تسوي غير ترضعه واحيانا تغير له تقول ( بس عشان ما اخذ ذنبه ) .. واللي اكثر من هذا انها تردد دايم انه لوصار شي لحبيبها انها رح تنتحر وتنهي حياتها بيدها لنها ماتقدر تعيش من دونه .. وهذا مو غريب فعيلتهم( خالها وبنت عمتها واخوها وجدهم ميتين منتحرين ) ياسبحان الله تقليد وضعف ايمان .. وفعلآ انا صديقتها وقريبه منها واشوفها يوميا البنت حالتها حاله .. كانت ضحكة البيت وصارت نقمته .. الكل يلومها على انها دمرت عيله بلعبها ودلعها وغرورها وجهلها .. وهي عايشه بين نارين .. نار الزوج الي كان ولايزال يحبها رغم كل ماسوته وخذلانها له بخياتها له ففترة الخطوبه وبدت الغريب عليه مع انها كانت واعدته انها تحبه للابد .. ونار الحبيب الي ماظنت فيوم انه غلطه فرقم ولعبه رح تتحول فيوم لحب مايموت فقلبها ويعذبها كلما فكرت تبعد عنه

البنت تقولي انها حاسه بالذنب عشانها دمرت حياة الشاب وحياة اسرته واسرتها وما تقدر تنام لنها ظلمته معاها .. وربي كنت معاها اليوم وشفتها في حاله صعبه وقالت لي انه حبيبها تغير عليها وكانه مل منها وهي ماتتحمل احساس زي كذا وعيونها مرة مورمه من البكا ونحلانه مع انها حامل ولما طلعت من عندها سلمت علي وكانها تودعني .. خفت عليها .. حسيتها رح تنفذ الي تفكر فيه ورح تنهي حياتها .. يارب ان تسلم ..

الغريب فالموضوع والي مجنني انه الشاب هذا عمره ماطلع مع البنت هذي ولاجلس معاها فمكان ولا حتا شاف طرف عباتها .. علاقتهم كانت بتبادل الصور وبس !!

البنت هامتني لنها بنت عمتي واقرب صديقاتي .. وانا ابديت رايي فالموضوع بس ربي يوفقها ويهديها

آسفه طولت عليكم بس اختصرتها قد الامكان