تدري وش اللي يتعب البنت ياسعود
رجلٍ يخـون اشواقهـا و المـودة
إللي إلا احتاج الغلا صار نمـرود
وإلى شبـع ممـا عطـاه إستـرده
البنت ريحانة غلا … ناعمة عـود
تبي لها رجـلٍ ورث طيـب جـده
رجلٍ فعولة كلها جـود فـي جـود
ما يلتفت للـي كفوفـه تمـده …!!
رجـلٍ إلا جتـه الليالـي بمنقـود
يتكى لها مـا بيـح الوقـت سـده
مهوب خبلٍ ما رعى للهوى عهـود
وادناة ما عـارض طريقـه يـرده
ولاهوب لاعلة … ولاهوب ملهـود
ولا شكوك … و كلٍ طارئٍ يحـده
ما اشين من الرجال لا جاك ببرود
وإن قال له ترف القدم شـي صـده
تبي لها براق طيـبٍ لـه رعـود
إن اجدبت يمطر على ريـف خـده
وإن نادته تكفى لقت عنـده الفـود
يشيـل عزتهـا علـى قـو زنـده
كفه نفل … وانفاس صدره لها عود
وظلالـه الضافـي بيدهـا تـمـده
البنت خد … وقد … ونواظرٍ سود
وريحة غلاً … ياسعد من شم نـده
البنت إلا ضحكت ثمرها لـك ورود
يا سعد من يقطـف نواويـر وردة
واللي يهين البنت ناقص … ومقرود
فرس غلا … ماهي حمارة مكـدة
وانا عشيري فيـه زودٍ علـى زود
فديت خصـره لنهصـر ثـم شـده
مياسـةٍ مـا حازهـا زول مملـود
تشكي هواي لقلبهـا … والمخـدة
وتمد لي من طارف الكرم عنقـود
بكفٍ اذوب من الولـه يـوم اشـده
وتصفى ليال العمر والعمر مطـرود
واشرب غدير شفاه طيب و (مودة)
من يوم هاواني وانا فيه محسـدود
والمشكلـة محـدٍ يسـد بمـسـده
ضافي جديله فوق الامتان مرجـود
المسك يقطر مـن حوايـف مكـده
ورمانه الغضة غرض كل مكمـود
يهتز غصـن الشـوق لاهـز قـده
يا ويل قلبي والعذارى لهـن مـود
فيهن من الإحسـاس مأحـدٍ يعـده
غضات جسم ولالهن بالبهى حـدود
بحر المشاعر بيـن جـزره ومـده
للشاعر / عبدالكريم المهنا
عيبني الكلام
روووعه
مشكوره الغاليه
على الشعر وننتظر الجديد
علـــ،ـــ،ـلى هـــ،ـــ،ــذا النقل الحلو
مــ،ــــ،ـ،ـودتــ،ــ،ـي
تسلميييييييييييين
لا عدمناج
الصغيرونه
وسلاااااااااامي لج سلاااااااااااامي………..
دمتي بود
اختيار موفق للناقل … واختيار موفق للشاعر
تقبلي مني احلى تحيه
حور العيون
صح السااااااااااااااااااانج الغاليه
ماعرف شقول غير روعه
