الوسم: الأسبوع

السلام عليكم .. ورحمة الله وبركاته

::

شكرا الوتر الحساس .. على كتابت الموضوع ..

وهو موضوع .. طويل .. .وان شاء الله .. رايح .. ارد .. بس قف مي .. جانس ..

::

ولو سمحتوا .. كل واحد يرد بالطريقه إلي يشوفها .. أهوا صح …

يعني .. الطريقه المتبعه بينه وبين .. هله ..

علشان .. يحلو النقاش ..

وكل واحد يقنع الثاني ..

::

في امان الله

دنجر مان

وخذ راحتك

ونحن بإنتظارك ..

ومثل ما قال دنجر
كل واحد يكتب الطريقه المتبعه بينه وبين .. هله ..

نحن بإنتظار حوارتكم ومداخلاتكم الطيبه ……

اقتباس # . هل تؤيدين الزواج من الأهل أم لا ؟

عن نفسي لا أؤيد الزواج من الأهل ،، منعاً للمشاكل والأمراض
لان ما شاء الله كل ما استوت مشكلة بين الزوجين ادخلوا الأهل وكبرت السالفة واااايد عشان جي الواحد ما ياخذ من أهله احسن

اقتباس # . بعض من الفتيات الآن يتعرفون إلى الطرف الآخر قبل فتره الخطوبه ، هل تؤيدين ذلك ؟؟

ما أأيد هالشي ،، لانه شو الفايدة اذا تعرفت على الطرف الآخر قبل الخطوبة ويمكن ما يكون بينهم نصيب
حتى في فترة الخطوبة ليش الوحدة تكلم خطيبها وترمسه عالموبايل وسوالف وخرابيط وعقبها ما يكون في نصيب
انا لما اشوف وحدة ترمس خطيبها وسوالف حب وما اعرف شو احتقرها لانه يمكن ما يستوي بينهم نصيب وعقب نتخطب لواحد ثاني وتسوي نفس الشي وتتكرر السالفة كذا مرة فليش اتييب لعمرها الرمسة والفضايح
تستر على عمرها وعلى أهلها أحسن عليها من واذا تبى تتعرف على خطيبها عندها فترة الملجة تتعرف عليه وترى العلاقة اللي بينهم حلال

والسموحة هذا رايي وان شاء الله قدرت اوصل لكم رايي بصراحة

نعم بس على حسب الظروف يعني ما بوافق آخذ شخص من الأهل وأنا متربية وياه مثل الأخوان صعبة أشوي أي صعبة اشوي مستحيل آخذه

# . بعض من الفتيات الآن يتعرفون إلى الطرف الآخر قبل فتره الخطوبه ، هل تؤيدين ذلك ؟؟

لاااااااااااااااااا مب مؤيده لها الشي يمكن بعض البنات عادي عندهم ويشوفون إنه هاي الطريقة وايد زينه ومناسبه لهم إنهم يتعرفوا على الشخص اللي بياخذونه بس أن لااااااااااااااااا

يعني لا من مبادىء ولا الأخلاق اللي متربين عليها أتوافق على هاي الحركة

يعني اتم طايحه ويا واحد وادق ويا سوالف وآخذ راحتي وياه ويعرف عني كل شي وهي علاقة خطوبة ما تربطنا ويا بعض أصلا نحنه فترة خطوبه ما نتكلم ويا اللي خاطبنا إلا عقب الملجة يصير تتكلمين وياه لكن قبل ما يصير وين يالسين
وبعدين شو اللي ضامننها هاي اللي متعرفه عليه انه في الأخير بتم وياها وما بيضرب فيها خيانه

يعني اختصار لكل هذا إنا أحس إختيار شريك الحياة عن طريق الأهل هي المناسبه مب عن طريق التعارف من خلال التليفون اوالنت
واهناك دراسات إتبين إن حالات الطلاق أكثر نسبه إتكون بين الأشخاص اللي متعرفين على بعض من قبل الزواج

هذا هو رايي

واسمحولـــــــــــــــــــــــي

وعلى قولتكم الواحده اذا بتتعرف على شريك حياته في فتره الخطوبه وتكلمه
وفي النهايه بيكون ماشي نصيب …… مشكله كبيره .. وبتضيع فيها البنت في النهايه ..

بس في نقطه حابه اسأل فيها ….يقولون الواحد يقدر يكلم خطيبته في حاله انه قام بدفع المهر .. ولا يأثم على ذلك ..

اذا اي وااحد عنده فكره عن ها الموضوع … يوضح لنا ..

ونحن بأنتظار مشاركتم وحواركم

وين الشباب !!!!!

الدكتور عميد كلية الشريعة والقانون

والمحاضرة عن النت والتلفون

وطرح هالشي ان الوحدة تكلم خطيبها فترة الخطوبة مكروه بس ما حرمه لانه عليه سلبيات كبيرة

اوله الشك بعدين اذا كانت تكلم خطيبها واهلها ما يدرون بيشك فيها وما بيوثق فيها وسوالف وآخرتها تندم على هالشي ،، يعني كل ما بنتخطب لواحد بيقعد ترمسه شو ؟؟؟

وقال كلام واااايد بس ما اقدر اقوله كله ما شي وقت بسير المحاضرة الثانية الحين وما نشغل اللاب فيه

هالكلام ما يستوي فديتج تبى تتعرف على خطيبها عقب ما تملج ترمسه على كيف كيفها ،، لا الاهل يرضون انها تكلم خطيبها لانهن يعرفون انه مب زين واذا البنت فيها عقل بعد بيكون تفكيرها مثل تفكير اهلها

هذا رايي الغالية

والسموحة

انشاء الله في مواضيع ثاانية

كتبت كلام وااايد وانسمح ما اعرف شو استوى

اولا بالنسبه للشباب ::
# . هل تقتنع أو تؤمن بالطرق التقليديه للخطوبه .. اي ان الأهل هم يختارون الخطيبه لك ؟؟
عادي اذا ما حصلت انا البنت اللي في بالي وعجزت اني احصلها بخبر اهلي بالمواصفات اللي اباها وهم اللي يختارون لي البنت

# . لو لكم رأي آخر ما هي برأيكم الطريقه المثلى لإختيار شريكه حياتك ؟
ما فهمت شو قصدج من السؤال ،، ومافي حد من الشباب شارك عشان عالاقل افهم شو قصدج

# . كيف ترون فتره الخطوبه ؟ وما هي المده المحدده برأيكم للخطوبه ؟
اهم شي في فترة الخطوبة يكون الخطيبين مرتاحين لبعض وفي هالفترة كل واحد يسال عن الثاني
بالكثير تكون فترة الخطوبة 6 شهور كل واحد يجهز نفسه للملجة أو العرس ولازم التهيئة النفسية لان كل الخطيبين بيكونون غرباء عن بعض يعني كيف كل واحد بيتأقلم مع الوضع اليديد

وهذا رايي

بس ما كتبت نفس اللي كتبته قبل

لو لكم رأي آخر ما هي برأيكم الطريقه المثلى لإختيار شريكه حياتك ؟؟

قصدي بها السؤال لو انكم ما تحبون اختيار الأهل … شو الطريقه الثانيه اللي تفضلونها عشان الخطوبه ……؟؟؟

ان شاء الله يكون السؤال وااضح …

ونحن في الإنتظار ……..