الغريبة اني احس بوحدة تخنق انفاسي
وتسرق البسمة من على شفاهي
وترسم الحزن فيني
بوحدة هدت كياني
وبعثرت اوراقي
وأبعدتني عن كل من حولي
وتوهتني عن دروبي
وصكت عن عيوني ابواب الفرح
بقفول الحزن والالم
ورجعتني للماضي القديم
لماضي احاول انساه
او انسى معالم قصته
لماضي انجرح قلبي فيه
بسهم الغدر والخيانة
لماضي احول انساه من سنين
اااااااااااااه
رجعت جروح قلبي تنزف من جديد
تنزف الهم والالم والحزن
وحب ضاع ونهدم
وتوهني في صحرى الخوف
كنت احسب اني نسيتك ياجرحي
كنت اظن اني بقدر انساه يا قلبي مثل ما هو نساني
كنت اكابر واقول خلاص نسيته
لكن للاسف كنت ابتعد واهرب
واشيل حبى له بقلبي
ما قدرت انساه ولا اتناساه
ما قدرت اسوي سواته وفعل افعاله
ما قدرت اكمل مشواري
من دون ما انكسر وتعثر في خطوتي
احس اني غريبة في دنيتي
اني بعيدة عن كل من حولي
اني تايهة في وحدتي
اني ضايعة في صمتي
اني حايرة من سكوتي
اني خايفة من غربتي
احس اني فاقدة كل شي
اشتكي حالي لنفسى
اشتكي خوفي لهمي
اشتكي ضعفي لوحدتي
اشتكي غربتي لوسادتي
اه يا غربتي
اصرخ ومحدن سمع صرختي
ابكي ومحدن حس بدمعتي
وأون من كثر الالم والحزن والخوف
وابكي من كثر ضعفي
لين غرقت بدموعي وهمومي
يا غربتي
يا حزن هدم قصوري
وبعثر احلامي
وسرق مني كل اشيائي الجميلة
لبست الصمت ثوبي والسكون وشاحي
اخفي فيه نزف قلبي
اخفي ضعفي وغربتي
اخفي خوفي وضياعي
اخفي حزني وآلامي
اخفي حبي اللي مازال في قلبي لك
اخفي حنيني وانجرافي
اخفي دموعي وشوقي وعذابي
اخفي انهزامي وجرحي
اه من غربتي اللي هدت كياني
اه من حب تملكني وعذبني
اه من صمتي وجرحي
اه من دموعي اللي سكنت محجر اعيوني
اه من حب بغيت انساه
شلته في وسط قلبي
ولا قدرت انساه
**********drawGradient()
السلام عليكم
قـرأت خـاطـرتـك ولـم ألـقـى سـوى إبداع ..
كـلـمـاتـك أسـرت قـلـبـي ..
وأحـسـست بــهـا حـتـي وصـلت لمشاعري..
وإلــى أعـمـا قـي ..
و تعجز كلماتي عن الإفصاح أكثر..
ولكن سوف اطيل النظر لكلماتك ..
تسلمين يالغاليه ع الخاطره
ولا تحرمينا من كتاباتج
السلام عليكم
الريم
مشكوره على المشاركه
وعلى الجلام الحلو
سراب الدمع:
وعليكم السلام
تسلمين حبوبه
واشكرج عالطله الحلوه
د.فيليت:
وعليكم السلام
اشكرك على مرورك العطر
ويععطيك العافيه
الــريـــــم…
رائعةُ هي حروفكِ ..
ورائعةُ هي كلماتكِ ..
تقف حروفي صامته أمام هذا الابداع ..
الذي نثرتيه بين طيات صفحتكِ هذه ..
لكِ مني أرق وأعذب التحايا المعطرة ..
ودمتي لنا مبدعةً متألقه …
تسلمين حبوبه
وهذا من ذوقج
اشكرج ع مرورج
اصرخ ومحدن سمع صرختي
ابكي ومحدن حس بدمعتي
وأون من كثر الالم والحزن والخوف
وابكي من كثر ضعفي
لين غرقت بدموعي وهمومي
يا غربتي
ليش محد يسمعج وينهم عنج منو هم؟ مدري المهم أكيد لازم يكون في حد يسمعج
**********drawGradient()
تسلمين ويعطيج العافية عالأبداع والكلمات الروعة والحلوة
**********drawGradient()
ماشاءالله ..اللهم صلي وسلم على محمد..
شو هالابداع يا شاعرتنا!!
والله قريت اكثر عن نصه ووقفت من الحزن.. معبره ومؤثرة بشده..
ماشاءالله كلمات لامست قلبي قبل ان اقرأها بعيني
والاكثر من ذلك التسلسل والتتابع والترتيب الرائع للجمل والكلمات ..
اللهم لا حسد..
ابداع ثم ابداع وبدون مجامله .. خاطره من اروع الخواطر التي قرأتها والله..
واتمنى انج تستمرين والله يوفقج والى الامام ^^
احرجتني يا ريال<<لوول
تسلم خيوو
وهاا من ذوقك الحلو
أوب أوب اونه لوووول
الله يسلمج واتمنى انج تستمرين بالابداع وتألفين ديوان
وعقب تعطيني واحد بلاش طبعا صح *_*!!!؟؟؟ “طعلت هاي المصلحه لووول”
***
***
***
***
***
***
***
