صباحمـساء الخير
جبتلكمـ طريقة الشاورمـــــا
سهلة كثير وماتاخذ من وقتكم كثير ,,
المقادير حسب كل العائله :
– حبة دجاج مسلوقه مع ملح وبهارات حتى تنضج تماما
-ترفع من المرق ويزال الجلد والعظم وتقطع صغير
-حبة بصل مفرمه
-ثوم مدقوق ناعم
-حبتين طماطم مفرومه ناعم
-رشة بقدونس
-ملح
-فلفل
-مكعب ماجي
-قليل من الزيت
-قليل من البهارات الناعمه
الطريقة:
نحمس البصل والثوم بالزيت نضع الدجاج ويقلب ثم بقية المقادير وتبقى على نار هادئه
طريقة تدخين الشورما نضع ملعقة زيت في وعاء معدني وتوضع وسط الدجاج
نضع جمره وسط الزيت ويغطى الدجاج حتى تطفى الجمره نصفي الزيت فقط على الدجاج ونحرك الخليط
نقطع طماطم شرائح وخس ومخلل خيار وبطاطس
نعمل خلطة الطحينه :
علبة زبادي
ملعقتين طحينه
ثوم مدقوق
عصير ليمونه
رشة نعنع
تخلط مع بعض جيدا
نبدأ بحشي الخبزاو صمون حسب الرغبه
نفتح جزء من الخبز ونضع بالترتيب خس طماطم طرشي بطاطس دجاج طحينه
وبالنهاية تلف بورق الساندوتش ودخلوها المايكرويف عشان تتحمى وتقدم
وبالعافية على قلوبكم حبايبي ,,
شهيتيني ، في خاطري اسوي بس عيزانه مالي خلق اروح المطبخ
المهم تسلميين ع طرحج الجميل
لا تحرمينا حبوبة
دمتي في حفظ الرحمن
Posted via Mobile Device
تسلمين ع الطريقه و الحين الصيف وقت هالسوالف ههه
نترقب ايديدج اختي ^_^
تقبلي مروري فديتك *_*
