ابجبر نفسي على البعد وحاول انساك
لجل تنساني وتلقى غيري يتحمل همك
وانا متاكده ان بعدي عنك بيريحك
ولو انه صعب علي نسيانك
صدقني لو تلف وادور ماتلقى احد يهواك
كثر ما كنت انا اعزك وارعاك واهواك
صدقني من زود حبي لك
كنت مرضى بالسكوت وانا اشوف زلاتك
قلت ابنصحك نصيحه يمكن القاك
تقبلها وتعمل بها واتفيدك
اثاري كلمة نصيحه كلمة ما تستاهل تنقال لك
ولا تستاهل تنقال لاحد من امثالك
وكل مذكر ردك اقول مقساك
يا ترى هذا قلب والا حجر والا وش هذا لي معاك
اشوف البسمة على شفاتك
اولها دريت ان بعد فرقتي راحت اهمومك
وتاليها تأكدت انه قربي هو مصدر همك
ودعيت للخالق يبعدني عنك لجل تبعد اهمومك
وفوق كل لي سويته قلبي حزين لفراقك
انت بلا احساس انت بالاساس امضيع ضميرك
منت داري عن احوالك
فكيف بتدري عن احوال من هم حولك
والسموحه ع لطواله
نغدر بالاحبه ونخترع اي كذبه
بنت دبي
وتسلم إيدج عليها
بس لو كنتي مختارة كلمات أقوى عن هاي كانت الخاطرة بتكون أحلى
لان الكلمات اللي انتي مختارتنها بسيطه ومافيها اي دلالة شعورية
واتمنى انج فهمتي علي
والسموحة هذا مجرد راي واقتراح بسيط
.:: أحاسيس ::.
وشرات ما قلت لج المضمون حلو والتسلسل بالفكره
وأنا من رايي البدايه حتى لو كانت بكلمات بسيطه مب مشكله المهم التمكن بعرض الفكره وان شاء الله التقدم بيكون بعد محاولات والواحد اذا بستخدم كلمات قويه لازم يكثف قرايته للشعر الموزون والخواطر سواء بالفصحى او الشعبي
ونتريا يديدج
وننتظر منج الجديد ..
أحاسيس مخدوعة: انتي الاروع يالغاليه وربي ايسلمج ومثل ما قلتي هي كانت بسيطه جداً وان شاءالله لملاحظات طيبه ونقد بناء وكل الشكر لج ع الملاحظات وان شاءالله اتلاحظين التقدم بالمستوى فالمرات اليايه باذنه تعالى وتسلمين ع الرد الحلوووووووو يالغاليه
سرووووووووبه الحبوبه: ربي يسلمج و هذا من ذوقج وان شاءالله اتلاحظون التقدم بالمستوى فالمرات اليايه و نقدكم يسرني لانه دافع لي فالتقدم بكتابة الخواطر و تسلمين ع الرد الحلوووووووو يالغاليه
الدلع الخيماوي: ربي يسلمج يا حبوبه و تسلمين ع ردج الحلوووو يا حلوه
وتواجدكم ايسرني وملاحظاتكم ونقدكم البناء اتقبله واضعه أمام عيني فالمرات اليايه وان شاءالله تلاحظون التقدم فالمستوى
اشكركم ع مروركم الطيب
اختكم
مشكووره على المشاركه
والكلمات الرائعه
انتظر جديدج..
لاتغيبين…………………………..
سلامي لج
كلمات قالها قلبج قبل ما ينطق لسانج
كلمات لو تحكينها للحجر يقوووول الاااااااااااه
كلمات لو تقولينها للميت يقوووووول الااااااااااه
لوووووووووووووووووووووووووووووووووول
شكلي انا بكتب خاطره :icon_mrgr
تسلمين اختي عل الموضوع واتمنى اشوووووف جديدج
——————————————————————————–
——————————————————————————–
أحببت ان اضع بين يديكم مشاركه شعريه لقصيده نشرت في جريدة الجزيرة في صفحتها الأخيرة ليوم الأحد
16/11/1426
18/12/2005
——————————————————————————–
أبكت الجميع وحركت المشاعر وأثارت الأحاسيس … أم نايف من رحيمه تحكي معاناتها في ابنها القابع بين قضبان سجون أمريكيا في ولاية كلورادو…فهي بحق قصيدة تستحق التشريف وقد توجتها بمدح وثناء لم أر مثله لصاحب السمو الملكي الأمير سلطان بن عبد العزيز ولي العهد طالبة التدخل في القضية .
——————————————————————————–
نسأل الله أن يفرج عنه وأن يسعد والديه وذويه برجوعه
وتلكم هي القصيدة…
——————————————————————————–
أصـــيح باعلى الصوت نايف فقدناك ***** عساك تسمع صرختي يوم أناديك
أنا أمك اللي عيــــدها يوم لــقياك***** يا سعد نفسي لو عيوني تــلاقيك
والقلب نــــــاره تشتعل عقب فرقاك ***** ما تطفي النيران يا كــود أياديك
لبست ثوب الحــزن بعدك ولا انساك ***** والنـــوم ودّع يوم غابت لـياليك
تاهـت بي الخطوات وادروبي أشواك ***** والدمع من عيني على الخد يبكيك
أراجــع الماضــي واعـــيد ذكـــراك ***** تشـدني الذكرى وابــكي لماضيك
ســجـــين بالـــغــربة وياكـــبر بلــواك***** الله يعينك دايم في بــلاويـك
هذا القدر مكتوب … مكتوب ما جاك***** اصبر عسى الله بالنهايه ينجــــيك
بديار ( بوشٍ ) سجنك الموحش هناك ***** ياليت لي قدره على الدرب واجيك
يا ســجن ارفق مسندي وسط مبناك***** ما شاف شمس ومظلمات مبانيك
مدري يا عمري كيف الأحوال ويّـاك ***** طمـني عنك طمن امك تحـاتيك
من يغسل اهدومك ومن قـــام يرعاك ***** ومن يطبخ الوجبات منهو يواسيك
ومــنهو الذي بالليل لا نمت غــــطاك***** خوفي عليك البرد بالـحيل يوذيك
ودي قبل مــــــوتي مشاهد محياك***** ودي أضمك في يديني وحــاكيك
يا حافر قبري دخيــــلك رجيـــناك ***** تحط فوق النصب نيشان بوصـيك
يمكن يحين الوقت ترجع لمــــرباك***** وتزور قبري مسـرع في خطاويك
يا سيــــــدي سلطان تكفى طلبناك ***** يا راعي الفزعات تشكر مساعيك
شلال طيــب منبعه دوم يمــــــناك ***** خيرك مغطــي كل بيت باراضيك
وقت الشدايد ما لها غير شــــرواك ***** يبشر بعزه كل من جاك ناصيك
يا ســـــــيدي ســلـــطان حنا فداياك ***** بارواحنا نفديك نفديك نفـــديك
الجود وانت الجود يمشـــي ببمشاك ***** يمشي وراك ويتبـعك ما يجاريك
يتــعبني مدحك لو أعدد سجـــاياك***** والشعر يرفع رايتــه ما يوفيك
يالله عسى المولى يصــونك ويرعاك ***** ويعود نايــف يا عسى الله يخليك
أبختصرها يا ذرى كل من جـــاك ***** شكوى تجيلك تنتهي ما تعــــديك