السلام عليكم ورحمة الله وبركاته
سويت هاي الشوربة اليوم وطرشت حق جيرانا منها واتمنى تجربونها تراها تستاهل
المقادير :
ثمار بحر منوعه طازجه او مفرزه ، فيلية سمك منزوع الجلد والعظم ، علبة مشروم ، ملعقة كبيرة كركم ، زعفران ، حليب مع ملعقتين كاستر، كريمة طبخ علبة صغيرة ، ملح ، بصل وثوم مهروسين ناعم ، فلفل اسود او ابيض مجروش ، بصله كامله مقطعه نصفين ، ورقتين لورا ، نصف ليمونه ، 4 حبات هيل صحيح ، زبده ، نشاء مع شوي ماء .
الطريقة :
1 ـ تغسل ثمار البحر ، وتحط في قدر به ماء ، كركم ، ليمون ، حبة البصل ،هيل ، وورق اللورا وتترك تغلي 5 دقائق ثم تصفى ويحتفظ بماء السلق صافي وترمى النصف ليمونه والبهارات الصحيحه .
2 – في نفس القدر نحط زبده والبصل والثوم المهروسين وتقلب لدقائق دون تغير لونهما ، ثم المشروم وبعدها نحط صمار البحر ونقبل تقليبة واحده فقط كي تتنكه الثمار ونصب عليها المرق المصفى .
3 – عند الغليان نحط الزعفران وخليط الحليب ثم الكريما وتترك دقائق وبعدها نحط النشاء حتى يغلض قوامها و تتبل بالملح والفلفل المجروش وتقدم بالعافية .
مممم بس ممكن ما احط ربيان ولا شرط اساس في الوصفه
تحياتي لج و بالتوفيج
|
الله يسلمج اختي
لا مب شرط الربيان لو ماتبونه ، المهم اي نوع من انواع البحريات مثل : ( قبقوب ، سمج فيلية مخلي العظم ، قواقع ، حبار ) الخيارات مفتوحه .
والي مايحب الكريما ممكن مايحطها يستبدلها بس بالحليب .
والي مايبا كاسترد مب لازم بس النشاء والزعفران لازم .
والله يوفق الجميع .