عضوة جديدة في مرسى المحبه ^_^ 2024.

:

:

[ Saya ]

مرحبا مليون وامثاله عشر ..وان تضاعف هوب بالنسبه كثير..!
يا هلا به عد ما ردم ظهر..م المغيب وهل من ودقه همير
عد ما فوق البسيطه م البشر..من سكن نزوى إلى حدود العجير..!
أو عدد ما هز عيدان الشجر..جاذي النسناس والنسمه عبير

:

:

هلا ومرحبا فيج اختي سايا في منتدانا الغالي

وان شاء الله تستانسين فيه وتستفيدين وتفيدينا بمشاركاتج

اتمنى لج اقامه طيبه بوسط اسرة مرسى المحبه

وأحب اشكر اخوي نايت مير على دعوته لج وعلى دعمه لهالمنتدى

اختج

حــــور العــيون

*-*-*-*-*-*-* ((سايا )) *-*-*-*-*-*-*-*

حياج بينا وان شاء الله تستانسين
دامج من طرف ناليت يعني سوالف وضحك ما بتزعلين منا..
نورتي

تم تعديل العنوان لأسباب أمنية P:

والله انصدمت وقلت منو اللي مطلع اشاعه O_o
تميت افكر وعصرت مخي وتذكرت بس مب متأكد…
انتي ام التعجبات رئيسة رابطة نادي الوحدة ف القسم الرياضي اللي ف منتدى المنتدى؟؟؟
اذا هيه عيل الحمدلله وحياج الله معانا واشكرج عالقبول والانضمام..
انا شفتج عضوه نشيطه وقلت نبا نستفيد من ابداعاتج ف كل الاقسام وخاصة الرياضي ^^
اول شي انتي هي والا لأ؟؟؟
والله الصراحه متوتر وماعرف شو اقول…
الاعضاء اللي يبون يعرفون قصة الدعوة..
الله يسلمكم اول منتدى لي سجلت فيه اسمه منتدى.كوم وللحين عضويتي موجوده
بس كنت مشارك عسبة اخوي وشباب قالولي دشه وشوف الرسمات ويانا وجي..
وكنت اشارك ف أقسام الاخبار العامة والرياضة والسياسة والالعاب والرسمات ..
ومشاركاتي كانت قليله نسبيا.. وهالسالفه من 2024
المهم كنت يوم ادخل القسم الرياضي كان 2 من ربعي ماسكين رابطة العين ويقولولي شارك ويانا
وانا اشارك واتابع اخبار دورينا وجي .. والاخت ام التعجبات كانت عضوة نشيطه ورزينه ومحترمه ف ردودها وحسيتها مثل اعضاء مرسى المحبة P:
وتميزت وصارت رئيسة رابطة الوحدة شي جي .. وانا كنت اشكرها ع مواضيعها واقوللها ام التعجبات وهي تعصب المهم.. يت فتره قطعت عن المنتدى واهتميت ب مرسى المحبة اكثر كالعاده
والله المنتدى الوحيد اللي اشارك فيه واحبه هو هالمرسى.. وعقب شي شباب اعرفهم قالولي ياخي نباك تفرفش وتسولف وتستهبل ف منتدى جماهير الامارات.. رفضت وقتلهم بحاول بس احينه مشغول وماحب اركز ف اكثر عن منتدى.. وتموا يحنون مع الوقت سجلت بس قتلهم ما بشارك وايد
وشاركت شوي وسيده طحت فيه وانتقدته بشدة وخبرت صاحبنا ال**** راعي الموقع ان منتداك يباله جي وجي وفيه جي وجي وذكرت كل السلبيات بصراحه بدون مجامله..
انا انقهرت من منتداه لأن الاعضاء اللي فيه يجاملون بشكل فضيع وهدفهم مب الافاده والاستفاده لأ
هدفهم التعارف والتكبر والاستعراض والمغازل.. للأسف..
قلت حق ربعي مالت ع منتداكم وطلعت منه
طبعا مب كل الاعضاء اللي فيه بهالاسلوب لا شي اعضاء محترمين والنعم فيهم وهمهم متابعة اخبار الرياضه وتشجيع ناديه وجي… وام التعجبات طلعت مشاركه فيه بعد
والمهم من فتره هي طرشتلي رسالة ف المنتدى القديم "منتدى المنتدى"
تقولي انت مشارك ف منتدى الجماهير صح؟؟؟ قتلها هيه وتميت اطيح ف المنتدى
وقالتلي صح كلامك وسكروه احينه وجي ..
عقب قتلها تعالي مرسى المحبة وان شاءالله تستفيدين وتفيدين وتستانسين والاعضاء اللي فيه احلى ما يكون وجي..
ومن عقبها ما ياني رد ف أعتقد انتي هي… والله اعلم.. السموحه رمست وايد

^_^

هلا والله بالغلااا

منوره فديتج المنتدى

وانشاء الله تستفيدين وتفيدين

ولاعدمنااااااااااااج ^_^

:: الريــم ::

اشكرك اختي العزيزة على الترحيب الحار

وان شاء الله اكون عند حسن الظن ..

0خارج النصp:
حاولت اطرش لج عالخاص بس الكمبيوتر كله يعلق مادري شو سالفته !!
مايبا يطرش لوول.. بحاول فوقت ثاني ^_*..

:: حور العيون ::

تسلمين عزيزتي .. وان شاءالله افيدكم واستفيد..
الموقع عجبني الصراحة وبدون مجاملة ..

بحاول افرغ نفسي للموقع قدر الامكان .. ^_^..

:: مستر بكسل ::

اشكرك اخوي عالترحيب الحار وان شالله اكون عند حسن الظن ^^..

:: حسووون ::

اشكرك اخوي على ترحيبك .. ومنو مايحب الوناسة والصحك ^_^..
نايت مير عرض لي الاشتراك بالموقع ونصحني فيه .. بعد التفحص والتصفح .. قررت اشترك ^^..

:: نايت مير ::

سوري سويت لك بلبلة وانا ماعرف
غيرتو عنوان الموضوع وسالفة خخخخخخ

اعتذر اعتذر بشدة.. بس شو الاشاعات اللي طلعت P:

يس .. انا ام التعجبات على قولتك ..

ليش جيه الناس مايفكرون إلا بـ …… !! حرام كتب القصة كلها بس عشان محد يفكر بشي غلط!

اسفة نايت مير .. بس سوري ضحكت وايد واستغربت Xd

ان شاء الله اكون عند حسن الظن ..

هالايام مشغولة بالتدريس .. ودورة الاي سي دي ..بس اليوم اخر امتحان اي سي دي ال.. وبفتك ان شاء الله

بحاول يوم اكون فاضية اشارك وياكم واستفيد ..

الاعضاء روحهم طيبة وارتحت الصراحة في الموقع وايد..

شكرا نايت مير عالموقع ^_^..

:: همس العيون ::

اشكرج عالترحيب الحار والفنتك

وان شالله اكون عند حسن الظن ^^..

:: نظرة _ عيني_هلاك ::

مشكورة على حضورج وترحيبج واتمنى اكون عند حسن الظن ..