عود لي يا طيب الفالي … لا تزيد النفس بلواها
في ودادك منجبر حالي… عجل بوصلك ولقياها
اللطافه منك تحلالي … والزعل يرث شجاياها
دوم قدرك عندنا غالي … ما رخص شانك تعلاها
راتعن في شامخن عالي … في خفايا الروح سكناها
بك جمال وبشة اقبالي … والملاحه فيك محلاها
يوم تطريلي على البالي … الهموم تزول طرواها
انت قصدي وانت لامالي … منية العاشق ورجواها
اعشقك والقلب لا زالي … ينتظر وصلك ولقياها
عود لي يا طيب الفالي … غيبتك ما عدت أقواها
الشاعر : ناصر الدهماني
صح لساانك
شو هالكلاام الغااوي
ما شاء الله علييك
استمر في ابداعاتك دووم
تسلم على الطرح
عسااك على القووة
يعطييك العاافييه
تقبل مرووري
عود لي يا طيب الفالي … غيبتك ما عدت أقواها
صح اللسانك
ويعطيك العافيه شيخي
وان شاء الله بصووت لك فـ شاعر المليون ههه
الى الامام
تقبل خطفتيه < ذيبة بن كعب
يكفيني تصويتكم في المنتدى …
وشاعر المليون يبغيله واحد متفيج أختي وإذا قررت اني اشارك ان شاء الله بخبركم …
شكرا عالمرر الطيب …