السلام عليكم ورحمة الله وبركاته
اتمنى ان تنال اعجابكم هذه القصيده
والاهم : من ذالك لا ننسى ان الجنة تحت اقدام الامهات
تكفين يا طيورا لحرار افزعيلي= أبي عن ديــــار الأهل منك الأخبــار
تكفين حومي فوقهم وارجــعيلي= وإلا إن حصل لك حومة داخل الدار
تكفين حول ابيوتــــــهم دوري لي= سبعة فروخ يـوم أخــليهم صغار
شوفي ضناي وعودي وانكفي لي= وشلونهم ياعلهم صــــــاروا كبار
نسوا دفاي ونومهم في شلـــــيلي= وش علمهم ياعلهم طول الأعمار
قولي لهم إن إمـــكم له عويــــــلي=خمسة سنين دمعـــها دوم مدرار
وقولي لهم إني علـــــى طول ليلي= أنوح ولــــيا قرب الصبح أنهار
وقولي عـــــيونه دايم له همــــيلي= تبكي ليا شافت من الناس زوار
كل يوم أقول غدي حديهم يجي لي=راحـــت سنيني مابهم واحد زار
وأنا اللي من سبــة سوات الحليلي= حالـــــي تردت كل ماله وتنـــهار
وفرقى ضناي اللي تردت بحــــيلي= كني على شوفتهم اصلى على نار
ياويلي كان الله عــــــجل رحــــيلي= وأنا لي ســـنين أبي لوهي أخبار
ياعــــونة الله من يبي يرتكـــي لي= جارت علي بأمر الولي كل الأقدار
تنكروا من يدخــــلون الدخــــــيلي =واللي بوسط ديارهم يامن الجـــار
قولي لهم ياطــيور قلبي علـــــيلي= الله يكافي قلوبهم صــارت أحجار
وأنا اللي لبراق الخيال استـــحيلي= وأقول ياعـــــــل (…….) للأمطار
تكفين وسط ديارهم صـوتي لي=شوفي عسى لاسمي مع الناس تذكار
وقولي لمن نسيانهم يستـــــحيلي =يااللي نــسيتوها ترى الوقــت دوار
(ياهيه )ياللي بالسما لك هديلـــي= ردي خـــــــبر تكفين يكفيني أمرار
شوفي أكا اللي نومهم في شليلي= من آذان المغرب لوقــــت الأسحار
شوفي أكا اللي ماهتني في مقيلي= إلا بمقيل معــــــــــهم كبار وصغار
وقولي لهم إن كان حـــملي ثقيلي= مره يجــون وعقبها شي ماصار
وأنا يـــــــتولا ني كريم جلــــــيلي= ياعلــــني في جنته وسط الأبرار
في امان الله
وأنا يـــــــتولا ني كريم جلــــــيلي= ياعلــــني في جنته وسط الأبرار
كلمات رائعه
تسلم د فليت
كلٍ لاهي بدنياه ولا يسال حتى عن أمه اللي تعبت في تربيته
مشكور الشيخ فليت على القصيدة
وحش :smoke1:
احس انه في بعض الابناء مالهم قلب
كيف يتجرؤون على هالفعلة
الله المستعان
والله يقدرنا ونوفي ولو ربع حق واليدنا ونكون بارين بهم
تسلم فليت
بانتظار يديدك