أنا شايف الإبتسامة.. والفرحة ع الوشوش
اياك باراك اوباما.. ما يكونش زى بوش
مين يعرف ولا يعلم.. في ايه جوه النفوس
بلاش من بدري نحلم.. لا يكون الحلم كابوس
خلينا زي ما احنا.. ما الهم خدنا عليه
راح بوش وجه اوباما.. ايه يعني هيحصل ايه
لسه فلسطين محتله.. والحرب ف العراق
والناس عايشه في مذله.. وعداء يجيب عداء
مهما هيعمل اوباما.. ويلف شمال ويمين
لا يرجع الحريري.. ولا حتي الشيخ ياسين
عرفات مش جى تانى.. اللى عاش ايام سواد
ومات والكل عارف.. بحركات من الموساد