نصائح لكل عروس قبل الزواج
لاتحسبيـن الـعـرس تـوفـي وكتـكـات
ولا تحسبيـنـه تـوكــس والا بـونـتـي
ولا تحسبين العـرس كيكـة وطرطـات
وصـلـة قطعتـيـهـا ووصـلــة بلـعـتـي
ولاتحسبين العرس تصفيق واصوات
وانت على صـوت الغطاريـف همتـي
ولاتحسبيـن العـرس كوشـة ولمبـات
وانـت كمـا الطـاووس فيهـا جلسـتـي
ولاتحسبين العرس احلام في المبـات
يــامــا بنيـتـيـهـا ويــامــا هـدمــتــي
ولا تحسبيـن العـرس روحـة وجيـات
هيـا اقضبـي بيتـك عسـى مانهبلـتـي
ليلـة سعيـدة وانـت احلـى الجمـيـلات
تشخـص عيـون النـاس اذا حضرتـي
(واللاينـر)حـطـيـه بـــــلا زيـــــادات
لا يــخــرب الـمـكـيـاج اذا دمـعــتــي
(والمسكرة)تحتـاج لـطـف ومــدارات
حـتــى يـبــان ازيـــن اذا غمـضـتـي
(والاسبريه )رشيـه حتـى البصيـلات
يمسك شعـرك زيـن ولـو كـان زدتـي
وترى(المحـدد)فـن يحـتـاج رسـمـات
يـبـان رسـمــه زيـــن اذا ابتسـمـتـي
الـعــرس يابـنـيـة مـاهــو شـعــارات
تـفـنـى مراسـيـمـه وتبـقـيـن انــتــي
ويبقى شريك العمر راعي الطويـلات
هـذا هـو العـرس الحقيقـي عرفـتـي؟
اول نصيـحـة لــك حـفـظ الـصـلـوات
صلـي العشـا والفجـر فـي كـل وقـتـي
وفـي ليلـة العـرس الموفـق وبالـذات
ادعــــي الـكــريــم الله اذاسـجــدتــي
والتعـري لاترضيـن عنـد الكوفيـرات
ولبـسـك يـمـلـي الـعـيـن اذا لبـسـتـي
واللـي علـى زوجـك تحرضـك مـرات
ارجــوك شوتـيـهـا شـوتــت بلـنـتـي
والصبر في العشرة حتى علـى فتـات
يـامـاحـلا فعـلـتـك يـومــك صـبـرتـي
واذا حفـظـت الـسـر مــع الـمــدارات
زوجك ترى فـي عيونـه انـت كبرتـي
والسوق يعني هاه وقـت الضـرورات
والاتـــرى زوجـــك يـــدور لمـفـتـي
زيدي الغطايـة وكثـري فـي العبايـات
والله يـرضــى عــنــك اذا سـتـرتــي
أوصـيـك بالكبـسـة وكـثـر اليـدامـات
حـتـى لـوانـك مــن سبـبـهـا متـنـتـي
وخلي الرجيم اللي فشلـت فـي مـرات
سـويــه مـــرة واحــــدة لا ولــدتــي
اوراق بنيـه ترسـل ازكــى التحـيـات
خـصـيـهـا بـالـدعــوة اذا دعــوتـــي
مـــــز يـــــــــون قــــــــــطــــر
الله الله الله علييييييييييييييييييييييييييييييييييك يا مزيون…
شاعر وانا ما ادري..<<<الله يزيدهم<<<منتدامنا كله شعار وكتاب ما شاء الله…<<<الله يزيد ^^
بصراحة الكلمات وااااااااااااااااااااااايد حلوة<<<ظهرت خطيييييييييييير وهب هين… ^^
عندك خلفيه عن البنوتات وسوااااااااااااااااااااااااااااااالفهن… ^^
بصرااااااااااااحه ابداااااااااااااااااااااااااااع…
تسلم خيووو ولا تحرمنا من هالزين.. ^^
وشرايج يابنت العلى بس الشرهه عليكم عندكم واحد مثلي ودافنين موهبتي
ويسلمووووووو على المروورج الروووووعه
|
بصرااااااااحه ابداع* ابدااااااع…
لا تقول دافنين موهبتك!!!!
انت مبدع وخطير بصراحه…
لا تحرمنا من هالزين<<<وكمل طريجك وانا اختك ^-&
الله يوفقك ويسعدك ان شاء الله… ^^
وليش ماتكلمت عن المعرس ^^
هههههههههههههه
تسلم يمينك والله ع الطرح المميز
روعه الصراحه
كلمات بغاااايه الرقه ^^
يعطيك الف عافيه
تحيااااااااااتي لك
|
يسلمووووووو يابنت العلي انحرجت صرااااحه من الكلام الي ينقط عسل
وابشري بكل شي زين وانا اخوووج
والله يوفق الجميع
تدرين ليش ماتكلمت عن المعرس لانه مسكين يتعب ويخسر
والعروس كل شي جاهز لو عندنا مثل الهند العروووس هي الي تدفع جاااااان زين
ههههههههههه
ويسلمووووووووووو على مرورج الزين
عسااكـ ع القووه دوومـ..
.!.!.
ماشاء الله عليييييك !! متميز ومبدع دوم ان شاء الله
وااااااااااااااايد حلوه الابيااات يسلموو
يسلمووووووو
ولاهنتي
واسعدني مرورج الراااااااااااائع