ღ ليش أنا أحبها ؟! سؤال صعبهـ إجابتهـ ღ

يمكن يحتار الشخص ف الإجابهـ !!! بس أولا ً وأخيرا ً .. فأنا أحبها ..

عيبنـي هالتساؤل ..

ليش تحب شخص ؟! ميبي تتسائل بينكـ وبين نفسكـ .. أنا ليش احبها ؟!

ويمكن السؤال يطلع منها هي ..وتسألكـ : إنت ليش تحبني ؟!

وفي كلتا الحالتين تشوف نفسكـ عاجز عن الإجابهـ ..

أسباب الحب ..

//

\

بذكر لكم هالحوار بين الولد والبنت ..

v
v
v
v
v
v

البنت : أبي أعرف إنت ليش تحبني ؟ شلي خلاكـ تحبني بالضبط ؟

الولد : ماقدر أقولج السبب .. بس أنا صج أحبج

البنت : إنت حتى ما تقدر تقول لي السبب ؟
عيل اشلون تقول لي إنكـ تحبني وإنت ما تعرف ليش ؟

الولد : صدقيني .. ماعرف السبب .. بس أنا أحبج موووت

البنت : لا ما يصير .. لازم أعرف السبب ..
حبيب ربيعتي دايماً يقول لها ليش هو يحبها ..بس إنت ما تعرف

الولد : أوكي أوكي .. أنا أحبج لأنج حلوهـ وايد
ولأن صوتج حلوو موووت.. ولأنج تهمين فيني وتحبيني..
ولأن روحج كلها أمل وتفاؤل.. ولأن ابتسامتج ساحرهـ وجذابهـ ..
وأحبج لكل حركهـ اتسوينها وكل خطوهـ تمشينها..

،
،
،

لسوء الحظ ..

بعد أيام استوى للبنت حادث فظيع

ويوم راح الولد حق الزيارهـ لها ف المستشفى

حط حذالها رسالهـ صغيرهـ كتب فيها ..

حبيبتي :

عشان صوتج الحلو حبيتج.. بس إنتي الحين اترومين ترمسين.. طبعا ً لا

عيل أنا ما أقدر أحبج

ولأنج تهتمين وتحبين..حبيتج

بس هل الحين تقدرين اتظهرين هالمشاعر ؟ طبعا ً لا

عيل أنا ما أقدر أحبج

وعسب ابتسامتج الساحرهـ .. حبيتج

وعسب كل حركهـ تتحركينها كنت أحبج

بس .. الحين

هل اترومين إنج تبتسمين ؟؟

هل اترومين الحين تتحركين ؟؟ طبعا ً لا

عسب جي أنا ما أقدر أحبج

،
،
،

حبيبتي

لو كان الحب يطلبني أسباب..ف إنتي الحين ما تملكين ولا سبب عسب أحبج عشانهـ ..

والحين هل يحتاج الحب أسباب ؟!! أبـــــدا ً