ماليزيا و Mrs. Esperanza 2024.

( كوالالمبور )

Mrs. Esperanza: ماليزيا ممكن سؤال بسيط؟
ماليزيا: تفضلي يا Mrs. Esperanza هاتي ما عندك.

Mrs. Esperanza: إنا أرى و اعتقد بانك مغرورة و بشكل كبير ، انتي دايم مزعجتنا في التلفزيون و الراديو و أيضا الجرايد بأنك جميلة و ساحره و ان مافية بلد في أسيا بمثل روعتك ، لا و زيادة على كذا تقولي انك أسيا الحقيقية؟
ماليزيا: انا يا Mrs. Esperanza ما قلت الكلام هذا من فراغ ، إنا قلت الكلام هذا لاني اعرف الشي هذا ولاني اعرف ان كل من زار ماليزيا يؤمن بالشي هذا.

Mrs. Esperanza: ماليزيا لكي الحق بان تقولي الكلام هذا عن نفسك (القرد في عين امة غزال) ، ولاكن انك تقولي بان كل من زار ماليزيا يؤمن بالشي هذا ما اعتقد انه صحيح ، يعني انا قرأت في بعض المنتديات بان جمالك وسحرك مبالغ فية و كان هناك عدد من أعضاء هذا المنتديات من ينتقدك بشده ، حتي ان احد المواضيع كان يدعو الا عمل إضراب عن استخدام سيارات التكسي عندك بسبب استغلالهم للسياح.
ماليزيا: Mrs. Esperanza انا ممكن اشرح لك و اصف لك سحري و جمالي لايام و ايام ، ولكن في النهاية ممكن ما تصدقيني و تقولين اني ابالغ في وصف نفسي ، عشان كذا انا ودي انك تجين معي و تزوريني و تشوفين جمالي الحقيقي ، ونا متاكده بانك بعد نهاية جولتك في إرجائي بتقعين في سحري و تعشقيني كما عشقني من هم قبلك. وكل الي ابغاه منك انك تفرغين نفسك لمدت ثلاثة أشهر عشان تتاح لي الفرصة بان اتجول بك في في كل إرجائي.

Mrs. Esperanza: بدينا في الغرور مره ثانية يا ماليزيا ، طيب قولي اني صدقت كل كلامك و وافقت اني اجي معك ، انا حرمة اطفر من الطفرانه من وين اجيب قيمة التذكرة و المصاريف و زيادة على كذا عندي مديره في العمل لو بقولها اني ابغا أجازه لمدة 3 ايام طردتني من مكتبها و قالت لي اروح اشوف شغلي و اخلي عني الاهمال في العمل ، فما بالك لو بقولها اني ابغا أجازه لمدة ثلاثة اشهر ، والله ان القاء ملفي الوظيفي مع الحارس اللي عند بوابة المستشفي اللي انا اشتغل فيها ، و اول ما يشوفوني الحراس يجدعون الملف في وجهي و يشوتوني بوز مع الباب .
ماليزيا: فيما يخص التذكرة و المصاريف لا تشيلين هم ، انتي ضيفه على محفوله مكفوله ، اما بخصوص مديرتك في العمل فنا عندي لك رأي ، اعطي مديرتك تذكرتين سفر إلي شاملة الإقامة و المصاريف لمدة شهر بالمجان ، فوش رايك.

Mrs. Esperanza: ما شاءا لله عليك يا ماليزيا وش كل هالكرم اكيد انك من احفاد حاتم الطائي ، ومدام انك كريمة ونا استاهل ماعندي اي مانع اروح معاكي. اما بالنسبة للتذكرتين الي بتعطيها لمديرتي فهي فكره زينه مع انها ما تستاهل.
ماليزيا: ممتاز ، اجل جهزي نفسك يا Mrs. Esperanza عشان نمشي الحين.

Mrs. Esperanza: ما شاءا لله عليكي حار بحار مافية تضييع وقت ، طيب عطيني بس عشر دقايق احزم عفشي وجي معك.
ماليزيا: افااااااا يا Mrs. Esperanza الحين اقولك انك محفوله مكفوله و انتي تقول لي انك تبين تحزمين عفشك ، انتي لا تجيبين اي شي معك ، انا ابيكي تجين معي ولا عليكي الا الملابس الي على ظهرك. الحمد لله عندنا أسواق من أفضل الأسواق في العالم ، كل ما تحتاجين لة من الملابس انا اشتريها لك.

Mrs. Esperanza: طيب لا تزعلين انا غلطانه ، يلة مشينا و توكلنا على الله ، بس تراني ما ادري وين موقعك من أسيا ولا طول الطريق بالطيارة.

ماليزيا: طيب ركزي معي يا Mrs. Esperanza ، الخريطة هذي هي لمنطقة شرق أسيا ، انا الاموره الحلوه اللي حولي الخطوط الزرق ، واللي على يساري و على يميني و تحتي هي ديره الاندومي او زي ما انتم تسمونها اندونيسيا ( Indonesia ) و الي جاية فوقي على اليسار و بيني و بينها حدود صغيره هي ديرت سيام او زي ماهي معروفة الان باسم تايلاند ( Thailand) ، اما الي جاية فوق من اليمين ولا بيني و بينها حدود برية فهي الفلبين( Philippines ) ، اما ألديره الصغيرة الي جاية في وسطي بالضبط فهي ديرت المريش بروناي ( Brunei ) والله اني أضرس على ألديره هذي ودي اشوت المريش هذا واخذ ديرته ، بس يقولون الصبر زين.

ماليزيا: و الخريطة هذي هي نفس الي قبلها بس انا فيها واضحة بشكل اكبر ، شفتي يا زيني.

و هذا موقع العاصمة حقي (كوالالمبور).

Mrs. Esperanza: الله يعطيكي العافية يا ماليزيا على الشرح الجميل هذا ، بس ما قلتي لي المشوار من الرياض الي عاصمتك كوالالمبور كم بالضبط.
ماليزيا: المشوار يعتمد على الطيار ، يعني اذا كان ماخذ راحتة ولا هو مستعجل بيكون في حدود 8 ساعات ، اما اذا كان الطيار مطفوق و حاط رجلة زي طيارنا هذا بيكون المشوار في حدود 7 ساعات.

Mrs. Esperanza: الحمد لله ،، وصلنا ، والله المشوار ، هاه يا ماليزيا وين نروح الحين.
ماليزيا: بوديكي الحين للفندق ونشاء الله بدري الصباح ناخذ جولة على كوالالمبور.

Mrs. Esperanza: أصبحنا وصبح الملك لله الواحد القهار ، والله الجو جميل في الصباح ، هو جوكم يا ماليزيا كل يوم كذا.
ماليزيا: مشينا يا Mrs. Esperanza ترا ورانا مشاوير كثيرة.

Mrs. Esperanza: توكلنا على الله بس تكفين كل محل نروح له حاولي تعطيني تفاصيله.

ماليزيا: ولا يهمك بس اول شي نبغا نسويه هو ان احنا ناخذ لفة على كوالالمبور على متن الهيلكوبتر الخاصة حقتي عشان تاخذين فكره عامة عن المدينة.
اسبرانزا: !!!!!!!!!

ماليزيا: هذي وسط المدينة ، شفتي محلاها .

ماليزيا: وهذي طبعاً برجي شركة البترول حقي بيترونس.

ماليزيا: يلة خلاص انتهت اللفة ، يلة انزلي خلنا نركب اللموزين حقي و ناخذ لفة في الشوارع.

Mrs. Esperanza: بس ، هذي اللفة دقيقتين بعدين تقولين خلصنا ونزل ، وين راحت نفخة النفس الي من شوي ونتي تقولين "الهيلكوبتر الخاصة" :sh:

ماليزيا : انتي و ديرتك هي السبب رافعين اسعار البترول صرت معاد اقدر ادفع بنزين الهيلكوبتر ، بعدين انا لازم اكون نموذج للمواطن الماليزي المتقشف.

ماليزيا: وهذي ابراج البترونس ، كحلي عيونك يا Mrs. Esperanza إنا عارفة انه ما عندكم زيها.

Mrs. Esperanza: اية هين ، شكلك ما شفتي المزيونة الفيصلية ، ولا شفتي الباهرة المملكة.

ماليزيا: طيب انا مصدقتك بس تعالي خلينا نخلص و ناخذ لفة في المدينة.