++ السلام عليكم ورحمة الله وبركاته ++
الصراااحة هالموضوع عجبني .. وقلت أحطه لكم .. وهو من الإيميل ..
أحد المتصلين الدائمين لبرنامج البث المباشر من الخارج دائماً يشارك ويتحفنا بآرائه ويفيدنا بمعلوماته. تكلم في إحدى مشاركاته بخصوص موضوع ارتفاع الأسعار، وقال لازم الشعب ما يترجى الحكومة عشان تزيد المعاشات والا تنزل الأسعار، لازم الشعب روحه يتحرك ويقاطع المنتجات اللي ارتفع سعرها. وقال قصة الشعب المصري يوم ارتفع سعر اللحمة، قام الشعب المصري وقاطع اللحمة نهائياً واكتفى بالبيض، وفي خلال ثلاثة أيام نزلت قيمة اللحمة واستوت مثل ما كانت
كلام جميل جداً، لكن المشكلة إنه الشخص اللي أنا أتريا اتصاله دوم، مب عايش في الإمارات، وما أدري إذا كان عايش عندنا في الدولة كان بيقول هذا الكلام والا صدق بيسوّيها وبياكل بيض؟
خلوني أسألكم سؤال: هل الإماراتيين يقدرون يقاطعون محطات البترول وما يسوقون سياييرهم ويستخدمون الباص والا السياكل والا الحمير للمواصلات؟ هل المواطنين يقدرون يستغنون عن الكورن فلكس والحليب الطازج ويستبدلونه بالكورن فليكس القديم وهو خبز رقاق ولبن؟
هل المواطنين يقدرون يستغنون عن سجاير المارليبورو ولا الدوف دوف ويدخنون السيجار السيرلانكي الفاخر وهو البيري؟ هل المواطنين يقدرون يبدلون بيوتهم اللي يبنونها بالاسمنت والحديد ببيوت مبناية بسعف النخيل والا التشينكو اللي يسوي سرطان، لأن أسعار الاسمنت والحديد ارتفعت؟
انسوا هذي الأسئلة كلها! الشعب الإماراتي روحه يحب الأشياء الغالية ويربع وراها، وهذي بعض الأمثلة: الواحد ليش يحتاج تلفون نقال؟ مب عشان يتصل ويستقبل؟ وهذي التلفونات موجودة وعلى مئتين درهم. لكن تلقى المواطن يشتري تلفون بألف درهم مع إنه بطاقته مدفوعة وما فيها رصيد
مواطن ثاني يشتري مرسيدس والا بي أم وهو ما عنده بيزات حق بترول. ومواطن ثالث يشتري نعال بشوتي بألف درهم مب لأنه النعال فنان والا طبي وما يعور الرجل، لأن النعال غالي والناس اللي بيشوفونه بيعرفون إنه هو ولد عنز أقصد عز، والحقيقة إنه هو متسلف هذي البيزات عشان يكشخ بالنعال
شعب مثل شعبنا ما يقدر يقاطع أي سلعة غالية لأنه هذا الشعب يبحث عن الأشياء الغالية، وكل ما الأسعار ترتفع يقبل عليها أكثر، لأن هذا شعب مظاهر. طبعاً ما أقدر أقول إنه كل المواطنين يفكرون بهذي الطريقة، لكن غالبية المواطنين يفكرون بهذي الطريقة، فمشكلة ارتفاع الأسعار بتنحل يوم بنغير طريقة تفكير غالبيتنا
بقلم : عبدالله محمد
المصدر : الأزمنة العربية
والسموحة
++
م+ن+ق+و+ل
سلامي
aL3qRaB
تسلم أخويه
وعساك عالقوه
^_*
صار لنا فتره ما شفناك في قسم العام ورجعت لنا بالموضوع الصارحه مسكت ..
فعــــــلا ياخويه صدقت بالكل كلمه نقلتها .. لانه نحن اعيال البـلاد يعني شعب الامارات مستحيل اتشوفه راكب السيكل او الباص .. قول ليــــش ,,,؟؟؟
لانه نحن شعب اتعـــودنا على الـــدلع والي نريده يكون موجود .. ونحن شعب راقي وها الشي عودنا عليه ابونا الله يرحمه " الشيخ زايد " وكان يحب يشوفنا باحسن مظهر وبأفضل سمعه .. يعني اتخيلت يا العقرب نحن عيال البلاد بها الرقي والمستوى الي وصلنا له فجــأة نزل للأرض مستحيـــــل .. ونحن شعب هب اندور على شي غالي او سلعة غاليه نحن شعب اتعودنا على شي راقي شي عـــــــــالي المستــوى ..
ممكن تستغرب من رمستيه يا العقرب بس نحن فعلا جيه نحن شعب رااااااااقي ونحن شعب ما نرضى بشي قليل بتقوول نحن نحب المظااهر اوكي انا ويااك في ها الشي .. بس قولي انت شاب اماراتي ترضى بـأسيوي يكون عنده متوتر افخم من موترك ..
والسمـــوحه منـــك ادري رمسة وااايد بس الصراحه ما رضى على البـــلادي ..
الله كريييم
يسلمو الريم على مروورج …..
بنووته .الدلع الزاايد مب زيين ……وكل وااحد لازم يوااجه المشكله سوااء كانت غلاء الاسعاار ولا انخفاضها ….
الدول ماترفع عسبت تحرم الموااطن من ونااسته ولا من شي بخااطره …
محد شااف موضوع بجريدة الخليج محطات اينوك والامارات يمهلون الدوله شهر عسبت يرفعون اسعار النفط واذا مارفعوا رااح يغلقوون محطااتهم ماسالتم نفسكم كيف رااح تمشي اموور المناطق الشماليه لانه اكثر محطاتها اينووك والامارات ….
هذا اقتصاد دوله كامل مااهي مشكلة فرد وعلى كل وااحد فينا يواججها وقبل لايفكر بمصاالحه خله يفكر بمصلحت دولته …..
يسلمو همس على مرورك
سلامي
aL3qRaB