¶§: شو يعني لك الورد وهل تدرك لغته ؟؟:¶§ 2024.

يختلف لونه ..

وشكله ..

وحجمه ..

ومعناه ..

حد يقدر الرود …

وحد يكره الورد ..

حد يعد الورد غالي مهما كان سعره ..

وحد يعد الورد بلا قيمه ..

منا يجامل الناس بالورد ..

ومنا يعبر عن مشاعره بالورد ..

أذكر من زمان عندي وحده اعرفها ..

قلت لها : اشتري لفلانه باقه ..

ردت عليه : احيد الورد للمرضى بسسسسسسس !!!!!( بغيت افلعها ) …

وعندي وحده تستخسر حد يدفع شي وشويات عسب يهدي حد ورود ..

من الافضل يشتري له شي يتم للذكرى ..

يمكن هني انا اخالفهم ..

كوني وايد اهتم بهالامر ..

واحب زراعه الورد ..

ومن اشوف اي ورده جدامي اتخبل ..

وما اداني حد يتعبث بورودي وزرعي ..

احس ..

وهو مجرد احساس ..

احس الورد :

شعور ..

احساس ..

موده ..

رساله ..

تعبير ..

خاطره ..

شعر ..

حب ..

الورده ممكن تعبر عن شي ما نقدر نفصح عنه ..

وهذا اكيد اذا الطرف الثاني يفهم معنى كل لون ..

فمره من المرات قلت لربيعتي :

” تصدقين أحس ان الورده تحس اني براعيها ”

قالت : كيف ؟؟

رديت : ” مثال لو اهديتج ورده من الخاطر او من القلب .. وانتي تقبلتيها

بنفس الشعور احس الورده ما تموت بسرعه تاخذ وقت ”

يعني كثر ما نهتم بالورد ..

احس الورد يحس بمشاعرنا ..

الورد جزء من روعه الحياة ..

الورد جزء من حلاوة الدنيا ..

الورد جزء من الأمل والتفاؤل ..

الورد جزء من المشاعر الصادقة ..

الورد رسالة معبرة لمن يخونه التعبير ..

الورد رسالة ضمنية وخفية عن حب محفور في القلب ..

الورد خلق لمن قلبه ينزف احساس وعاطفه ..

شخص قال لي :

” ممكن للورد يعبر عن شي عكس الحب ؟؟؟ ”

شو ردكم ؟؟؟؟

:confused:
لاتحرموني من ردودكم…
تحياتي
اختكم
الحياة حلوة