،‘،‘كنت بالهوى طِفْلَهْــ ‘،‘، 2024.

بقولها من الأول ..

بدت قصتنا في ليلة كانت غير ..

مثلنا في بطولتها ..

أنا وإنت و بدر ضاوي ..

.

.

رسى قلبي على صدرك ..

ومن ضلوعه بنا بيته ..

ويوم زارني قلبك ..

بلهفة و شوق ضميته ..

.

.

كنت بالهوى طفلة ..

نعم طفلة ..

غشيمة ..

ان صح لي التعبير ..

تناغي بأول الليلة ..

وتضحك بنص اليوم ..

و تصرخ بآخر الليلة ..

.

.

شفت هالخبلة ..!!

ترى طفلة ..

اعذرها ..

تحبك حييل ..

و تراها تغار ..

تغار .. لكن تكابر ..

لكن بالأكيد تحس ..

اي والله تحبك حيل ..

تحب ..

و دمعها نازل ..

خايفة من غدر باجر ..

تخاف .. و يخونها التعبير .. !!

.

.

لقت منك وفا و إخلاص ..

ومحبه وحب وتقدير ..

وقلب كبير يحبها حييل

..

يسامح كثر ما تخطي ..

واصل كثر ما تبطي

يشتاق كثر ما تبتعد وتروح

مجروح .. و أبد ما يجرح ..

لأن له قلب كبير ..

.

.

تمر الأيام ..

ورى الأيام ..

و تكبر هذي الطفلة ..

بدت تخطي ..

خطوة بعدها خطوة ..

و بعد الخطوة تتعثر ..

تطيح البنت ..

تلاقي ايد ممدوده ..
تساعدها ..
و ترفعها ..

بكل رقة و حنان و حب ..

ترد تقوم ..

و تخطي ..

و تالي تتعثر ..

ترد الإيد ترفعها ..

لكن توها طفلة ..

ترد تطيح ..!!

ويوم قربت من العشرة ..

لقت نفس الإيد ممدوده ..

و تضمها بحنان اكبر ..

تمسح دمعة الطفلة ..

تصيح البنت ..

” آآآآه ” ..

دافية ايدك ..

بس تكفى ..

إذا لي خاطر عندك ..

لا تمدهــا لي أكــثر !!

أنا طفلة ..

أبتعلم ..

لازم اني اتعثر ..

“ انا طفلة .. و أبي أكبر ” ..

واذا بكبر , لازم أتعلم !!

.

.

سكت فجأه !

و ثار من قسوة المنظر ..

يا كيف طفلته تطلبه يبعد ايدينه ..

و هي لازالت تتعثر ..!!

يا كيف يقوى ..

يشوف روحه تخطي أول الخطوات ..

و تطيح و تتعور ..

ولا تبييه يتأثر ..!!

بضيقه أبعد ايدينه ..

غصب عنه مو بكيفه ..

وردد في حشا جوفه ..

” هي طفلة و تبي تكبر ؟! “

.

.

بدت خطواتها تكبر ..

بدت تبعد ..

و تبعد حيييل ..

تستكشف ..

و بعيد هناك ..

شافت شي ..

و غرها المنظر ..

.