[IMG]http://www.alamuae.com/upload/Folder-18/1142087831_header.jpg[/IMG]
كيكة حلووة وسهلة..
سوويتها امس عالسريع ولاول مرة..
خالاتي كانوا يايينا وامي قالت لي اسوي حلو سهل وسريع..
حصلت الطريقة فموقع وطبقتها والكل اعجبته وخااصة انها تلفت النظر… وشكلها واايد حلووو…
شوفووا بنفسكم.. واحكمو…
**********drawGradient()
ا باكيت كيك فانيلا بتي كروكر او العلالي..
علبة قشطة
كاكاو.. ألوان صناعية… أنا استخدمت اللون الأحمر…
[COLOR="DarkRed"]للصلصة:[/COLOR]
باكتين كريم كراميل
باكيت دريم ويب
قشطة
3 ملاعق كاكاو
[COLOR="darkred"]للسطح:[/COLOR]
جوز هند مبشور
**********drawGradient()
نقسم الخليط فبوادي.. أنا قسمتها على 3 أقسام.. ممكن أكثر أربع أو خمس.. وممكن تحطون نكهاات الفراولة.. البرتقال.. الليمون..الخ.. انتو وذووقكم.. بس انا لانه اول مرة.. وبعد هااللي حصلته فالبيت فمشيت به..
أنا خليت قسم فانيلا مثل ماهو..
وقسم ضفت لها اللون الأحمر..
وقسم خلطته ببودرة الكاكاو..
ودخلتهم الفرن بالتدريج..
أنا أول طبقة خليها الحمرا.. وشغلت الفرن من تحت.. لمدة 10 لين ربع ساعة.. وطبعا نتأكد من انها الطبقة انضجت باستخدام عود الخشب.. لما ندخله فالطبقة يطلع من غير مايلصق به شي من الكيكة..
ونكرر الشي مع باقي الطبقات بس طبعا انخلي الفرن من فوق…
نطلعه ونتركه يبرد..
للصلصة.. نخلط المقادير بالخلاط.. ونحطه فالثلاجة شوي..
ونحمص جوز الهند فطابي ((مقلاة)) من غير اي زيت… لين مايتغير لونه عالخفيف…
وعقب نغطي الكيكة بالصلصة وننثر عليها جوز الهند المحمص.. وعقب نقطعها حسب الرغبة..
أنا سويتها في قالب مستطيل عشان تطلع مرتبة واقدر اقصها لمربعات بسهولة…
وانا حطيت قطع الكيك الصغيرة في الأكواب الورقية مالت الحلويات.. وطلعوووااا حلووين..
وصور زيادة…
**********drawGradient()
شكلها وايد حلو وتناسب العزايم والطلعات
لأنها خفيفه وسهله وجذابه بألوانها
ان شاء الله راح اجربها مع القائمه اللي تنتظرني من وصفاتج القبليه
ويمكن اسويها بخلطه كيك من عندي لأنه الجاهز ما اضبطه
تسلمين يالغاليه ع السويت
ويعطيج العافيه ع المجهود
والله يهل دربج
ماشاء الله عليج
انتي فنانه في التصاميم
وبعد في الأكل
وتسلم ايدج على هالحلوووو
ويعطيج الف عافيه:)
ماشاء الله طلعتي طباخه ..
طرشي شويه البيت ..بجرب وبرد عليج خبر ..
الله يسلمج ويعافيج سروووبه وآآآآآمين يا رب..
وهاي من ذووقج… ونبي نشووف التطبيق قريب.. حتى لو من وراء الكواليس.:D ..
ومشكوورة على تواااجدج الداايم.. والله يحفظج من الشر
الله يسلمج اختي الريم.. واحرجني كلامج..
والكيكة سهلة واايد ومايبيلها شي.. سوويها وان شا الله الكل بيستانس عليها..
ومشكورة عالطلة الحلوة..
والله يعطيج العافية..
😮 مشكور اخوي فليت عالطلة..
وليش اول مرة تشوف لي طبخة؟؟؟…
ان شا الله بيوصل لك طرد لحد البيت.. بس مش مسؤلة عن اي ضحااياا في المستشفى..
والله يحفظك من الشر
ماشاء الله عليج يا رودة جوري
الطبخة الصراحة ما عليها كلام يمي يمي 
يعطيج العافية الغلا
سلامي
دموع الشوق
الله يعااافيج اختي دمووع
وان شا الله تطبقينها وتستانسين عليها
والله يحفظج من الشر
واااااااااااااااااااو شكلها عجـــــــــــيب هـ الكيكة
باجر الخميس وكل الأهل عدنا
بحاول أسويها اذا شفت المقادير موجوده
مشكورة اختي قلب وان شا الله تكونين طبقتيها واعجبت هلج؟؟..
والله يعطيج العافية