بعد ماقابلتني عاتبوها
على شوف الحبايب حاسبوها
خذوها وأبعدوها غصب عني
وعن وجهة طريقي جنّبوها
وشالوها عن عيوني غصيبه
عواذل وأغصبوني وأغصبوها
خذوها من يديني شوف عيني
وعن عيني تعدّوا وأحجبوها
كلام وصدّقوا بالبنت كذبه
وهم اللي من أول كذّبوها
وهم وشدخلهم في مال بيّن
لبوها والخلايق طالبوها
وفيّه لاتخون ولاتعاند
جسوره والمواعيد أرعبوها
ملاكٍ كامله والكامل الله
ولكن العواذل عذربوها
وهي كلما دعتني تشتكي لي
عن اللي سالفتنا سرّبوها
تخاف وتلتفت مع كل كلمه
تظن أن العواذل راقبوها
تلفّت من عقب ماهي جريئه
شجاعه ماتهاب وهيّبوها
وأهدّيها وأنا حاير وثاير
مصيبه ياعذابٍ عذبوها
وهم كلما خذوها عن طريقي
تراهم صوب قلبي قرّبوها
وأنا ماتعّبت قلبي خيانه
خيانه رتّبوها وأحسبوها
ولا يعجز خفوقي لايقابل
جفا من حاربوه وحاربوها
وأنا لي عزّة ٍ تفرض عليّه
أخاطب بالجفا من خاطبوها
وأكسر لوحة الماضي وأزيله
وأخرّبها مثل ماخرّبوها
وأذوّقهم ندم ماصار فيها
وأشرّبهم من اللي شرّبوها
وأدلّعها وأولّعها بنفسي
وأشرٌّقها بعد ماغرّبوها
وأعوّضها عن اللي راح كله
وعن ذيك الليالي كلّبوها
غلاها بالحشى لازال ثابت
ولو حتى بغيري حبّبوها
وغلاي بقلبها مرّ وتعدى
غلاها لأمها ولا لأبوها
(حامد زيد )
الجوكر
أشكرك على هـ الاختيار الغاوي
وانا واااااااايد أحب قصايد حامد زيد وطريقة إلقائه للشعر
اللي حاب يسمع القصيدة
إحساس
تسلم اخويه ع القصيده الحلوه..
وبانتظار يديدك..
واشكرج الغاليه احساس>> القصيده بالاداء احلى واحلى..
والسموحه..
كلمات جميله
دتسلم الجوكر
ويعطيك العافيه
اشكر كل من رد على مشاركتي
ويعطيكم العافيه
وننتظر يديدك اللي بكون أحلى وأحلى
ولا تبخل علينا
تسلم ع المرور
تسلم أخوي عــ اختيارك الموفق للقصيده ..
ويعطيك العافيه ..
حامد زيد شاعر كبييييييير و شعره بحر عميق كله در ولآلئ ومهما وصفناه مانوفيه حقه .. واذكر انه هالقصيده الاسبوع الي طاف جكني الاستاذ فـ الكلاس وأنا اقراها .. حاطتنها في دفتريه جان اشوفها وأقراها واندمج اوياها لووووووووول ..
لاحرمنا جديدك ..
والسمووووحه..
اشكرك اخوي ع المرور الطيب
و انشالله اليديد احلى واحلى
السموحه