قصيدة جميلة من كلمات الشيخ محمد بن راشد ال مكتوم :-
سجدت باسمك إلهـي عالـي الشـان
يا الواحد الفرد نظـره منـك تغنينـي
وسجد لعزة جلالـك جسمـي الفانـي
وخلعت عز الملوك ورجفـت إيدينـي
طال اشتياقي وصوت الحـق نادانـي
وأنا اتبع الصوت في همس يناجينـي
لك جيت ساعي إلى مكـة بوجدانـي
يا مالـك الملـك بالرحمـة تلاقينـي
وكانت مصابيح مكـة نـور ربانـي
كـأن الملايـك محيطـه بالمصلّينـي
طفت وسعيت وبكى في الليل ولهانـي
قلـب إذا يقـال الله واكبـر إيلينـي
فيض من النـور حيّانـي وأحيانـي
يا خالـق النورإنتـه بـس تهدينـي
ووقفت والليل يشهد طـول حرمانـي
أنظـر لحالـي إلهـي لا تخلّيـنـي
في مهبط الوحي والتنزيـل فاجانـي
شعور ما ينوصف مـا زال يشجينـي
كأنه أمامـي محمـد خيـر عدنانـي
و حوله الصحابة جنوده والمطيعينـي
والآي ينـزل بتوحـيـد وقـرآنـي
والناس في ضجّه من الخوف شفجيني
وما زلت أمشي ف مكّة بين الاركاني
حتى ظهر في خيالي طيف ماضينـي
قـال وتوقفـت أنظـر لـه وحيّانـي
يا مرحبا وقلت ويـن إنتـه مودّينـي
أشر إلى بيـر زمـزم ويـن لاقانـي
وقال اشرب وذقت ماء لليوم يروينـي
وقال إنتظر منك مع ربـع وخلانـي
انّك من القـدس بعـد أيّـام تسقينـي
وفجأة انتبهت ومنادي الحـق نادانـي
ولبّيت داعـي إلـى ربّـي ينادينـي
وفي سجدتي راجي عفـو وغفرانـي
دعيـت لاثنيـن دايـم حبّهـم دينـي
أبويه راشـد لـذي بالدّيـن وصّانـي
وأبويه زايد لـذي فضلـه مغطّينـي
وأنا على مدح زايـد داعـي جانـي
اسمه المـودّة وحـبّ فـي شرايينـي
وزايد وداده بنى فـي القلـب بنيانـي
وزايـد قصيـدي وأبياتـي وتلحينـي
وزايد أبوي الذي ما أرضى معه ثاني
وزايد عيوني وشوفـي الـي يدلينـي
وزايد أخويه وصديقي وكـلّ خلانـي
وزايد عضيدي وعزمي ومن يجدّينـي
وزايد هو الناس والدنيا ومـا كانـي
وزايد وزايـد وزايـد كـلّ تكوينـي
أفديـه بالـروح وأولادي وأعوانـي
وأفديه بالعمر لي باقـي مـن سنينـي
ملاذ للناس من قاصـي ومـن دانـي
به نتجي من صروف الدّهر لمحينـي
لو يوزنون الخلق مع زايـد بميزانـي
زايد على الناس راجح في الموازيني
ومن كان عنده يعيش العمر فرحانـي
ومن كان ضدّه فقولوا عنـه مسكينـي
يتـلـوّن الدهربأشـكـال وألـوانـي
وتتبـدّل النـاس كجلـود الثعابينـي
وزايد مثل ما عرفته شهم مـا لانـي
معدنه صافي الذهب ما فيـه تلوينـي
بالصدق والخير والمعروف من كانـي
والصدق والخير والمعروف هالحينـي
يا سيرة المجد هل شاهدتـي انسانـي
يزيد زينه ومعروفـه علـى الزينـي
ويا سيرة المجد مـا تبغيـن عنوانـي
يكفيك زايـد عـن كبـار العناوينـي
هو الزعيم المفدّى شيـخ الاوطانـي
وبلادنـا بـه زعيمـه ع البلادينـي
وهـو الموحّـد وهـو الأوّل البانـي
شاهر الامارات م المغرب إلى الصيني
وتاريخ زايد فـلا يحتـاج برهانـي
له في ذرا المجد رايـات ونياشينـي
هو الذي للعرب يدعـو فـلا هانـي
بيلمّ شمل العـرب ضـدّ المعادينـي
أغلى من النفط عنـده دون خسرانـي
دم العـرب كـل قطـره بالملايينـي
وزايد يحـبّ العدالـه حـطّ ميزانـي
للعدل والظلـم عنـده مالـه معينـي
والاعتصام بكتـاب الـرّب سبحانـي
وإلنـا بقرآننـا قــوّه وتحصيـنـي
ما كان عن طاعة الرحمـن متوانـي
يمضي على الحق ما يخشى المضلّيني
زايد هديّه من الله وفضـل واحسانـي
الله حبانـا بزايـد مـنـه تمكيـنـي
دومه على الراس تاج فـوق تيجانـي
وفي قلوب أهله وشعبـه والمودّينـي
شخصيّـة العـام تكريـم وعرفانـي
تهدى لزايد من افضاله علـى الدّينـي
وهذا اعتـراف و تقديـر وبرهانـي
لليّ من الناس ما ظنّ مثلـه اثنينـي
ويا من حفظتـوا كتـاب الله تبيانـي
أنـا لكـم يااخوتـي قبـل المهنينـي
اتمسكوا به مـدار ومركـز ايمانـي
وخلّوه بين الجفن محفـوظ والعينـي
لكم تهاني الفرح مـن قلـب جذلانـي
أزفّها فـي قصيـدي وفـي تلاحينـي
وهني اليوم شعبـي أهـل واخوانـي
وهنـي اليـوم نفسـي والمحبّيـنـي
منقول
تحياتي لكم اخوكم
الكندي
تسلم يمناك
اختيار موفق ورائع
يعطيك الف عافيه
وشكرا على المجهود
الله لا يحرمنا من مشاركاتك..
يعني ننتظر جديدك
وتسلم عالمرور
وان شالله راح اتشوفين يديدي
زايد هديّه من الله وفضـل واحسانـي
الله حبانـا بزايـد مـنـه تمكيـنـي
الله يرحمك يا بونا الراحل الباقي …
مشكور ع القصيدة الجميلة
الغــ زايد ــلا
وماقصــــــرت…
ننتظـــــر اليديد يا الكنــــدي
~الاعصـــــار والوحداوي~
والتواصل