الشوق طاغي …والمشاعر رقيقه
والحب مره باعني…واشتراني
والحب مره باعني…واشتراني
يافرحه القلب الحزين ورفيقه
فديت صوتك …يوم صوتك دعاني
ياعمري لا منك بغيت الحقيقه
والواقع اللي جابني لك…خذاني
البعد لو اقدر اعيشه… واطيقه
ماشفتني قدام وجهك اعاني
مالي طريقه وانت مالك طريقه
ا لا القصايد …والسهر…والاماني
لو احسب ايامي معك بالدقيقه
ياصاحبي تزعل على الثواني
يوم القدر يرسم على الوجه ضيقه
انت البشاير بالفرح…والتهاني
انت الشراع … وطاري اسمك مواني
ويم الغلا يجمع عشيق بعشيقه
يكفي معك حضن الحنان احتواني
الورد ينسى شذاه …ورحيقه
قل للغلا وش حجته لا نساني؟!
قيدت نفسي…والنوايا طليقه
عساني اسلم من عيونك…عساني
لا زلت احبك والمشاعر رقيقه
والحب ليته باعني … ماشراني