العين تبكي والمدامـع هطيلـه
والنفس طابت من صروف الليالي
والقلب يقدح كن وسطـه فتيلـه
من حـر مافينـي واعـز حالـي
ماعـاد لـي راي ولانـي دليلـه
ضيعت دربي مع دروب ٍطوالـي
تلعبـي الاريـاح مثـل النثيـلـه
مـر ٍ جنـوب ومـرة ٍبالشمالـي
وضعي تردى من مصيبـه لميلـه
متى يجي اللي ينهض الروح عالي
ياناعـس العينيـن يابـو جديلـه
متى اشوفك وسط عينـي تلالـي
اللي جرحنـي جـرح ٍالله وكيلـه
تجرحنـي دون الحـق ياهملالـي
ارجـع وداوي الجـروح العليلـه
انت السبب قومي وهيـا تعالـي
انظر لجسمي من سبابـك نحيلـه
والله علـيـمٍ قـربـت للـزوالـي
مليت أنادي بالصفـى وأنتخيلـه
وأنته عليّه داله الوقـت سالـي
ياكم ذقـت المـر حتـى حثيلـه
شربتها لك مثل شـرب الدلالـي
ياكم لأجلك قـد وطيـت المليلـه
واقول بارد مثـل مـي الزلالـي
ياكم شوك ٍ في طريقـك اشيلـه
واحط وردٍ فـي مكانـه بدالـي
ياكم وياكم من معانـي جزيلـه
كتبتهـا فيكـم وهـذي مثالـي
ردالجمايـل يــم راع الجميـلـه
واصبر ترى بالوقت فيه امتهالي