الله المستعان تغضب ربها علشان ترضي زوجها 2024.

أكيد تبون تعرفون منو هاذي اللي تغضب ربها علشان ترضي زوجها
من يومين سرت ازور اربيعتي صارلي كم شهر ماشفتها لاني انا من النوع اللي ماحب اطلع وايد من البيت المهم لقيت عندها وحده من ربعها من جنسيه عربيه المهم قالتلي اربيعتي زوجي مسافر وهالسبوع بيرجع وابا اغير من شكلي علشان افاجأه وقالولي ربعي ((تقصد هاذي الموجوده معاها وبنات ثانيات من ربعها انا ماعرفهم)) المهم قالت قالولي ربعي نمصي حواجبج يعني حفي حواجبج علشان شكلج يتغير الصراحه انا عصبت قلتلها لا حرام لان الرسول صلى الله عليه وسلم قال لعن الله النامصه والمتنمصه ,وبعدين حواجبج مب محتاجين تعديل وفعلا حواجب اربيعتي مب محتاجين حف المهم ردت اربيعتها اللي من جنسيه عربيه نحن قلنالها تحف حواجبها علشان اتغير من شكلها حق زوجها المهم رديت انا وقلت حق اربيعتي عاد انا كنت متضايقه من كلامهم تبين تغيرين غيري في شعرج في اي شي ثاني ردت اربيعتها كل واحد وله وجهة نظر وحسيت من اسلوبها كأن كلامي مب عاجبها الصراحه انا تضايقت يوم قالت كل واحد له وجهة نظر لان هذا مب كلامي ولا وجهة نظري هذا كلام خير البشر محمد صلى الله عليه وسلم اهو اللي قال لعن الله النامصه والمتنمصه مب انا علشان ما يعجبها كلامي المهم ما طولت ويانا يلست شوي وبعدين قامت وستأذنت وراحت واول ما طلعت استلمت اربيعتي قلت لها اتحملي تحفين حواجبج وتذكري من ترك شيئا لله ابدله الله شي خير منه وقلت لها قصه البنت اللي تعذبت في النار بسبب حواجبها هاذي قصه حقيقيه قريتها في احد المنتديات واللي ذكرت القصه تقول اهي عاشت احداثها تقول في بنت كانت دايما اتحف حواجبها وفي يوم من الايام توفت البنت جان تحلمها وحده قريبه منها وايد انها تتعذب وتصيح في قبرها فسألتها ليش تتعذبين ردت عليها وقالتلها حواجبي السبب حواجبي عذبوني المهم تقول البنت وبعد ما حلمتها في هذا الوضع خفت وايد وقلت لو الموت ما انتف ولا شعره من حواجبي مع ان حواجبي كثيفه وايد تقول استحمل شكلي جذيه ولا استحمل عذاب النار المهم يوم قلت حق اربيعتي القصه خافت وقالت خلاص ما بحف حواجبي والله ارباعتني يبون يخربوني
للأسف اكثر البنات جذيه يتبعون ارباعتهم بدون تفكير .
وبعدين اللي تحف حواجبها وتقول عادي علشان ارضي زوجي اقوللها ترضين زوجج وتغضبين ربج ترضين انج تتعرضين للعنات ربج علشان زوجج ترا زوجج ما بينفعج يوم بتموتين ولا بيدخل معاج القبر بتتحاسبين بروحج اذكر كانت عندنا مدرسه تربيه اسلاميه اللي يشوف حواجبها يقول انها حافتنها ماشاءالله مرتبه وحلوه تدرون شو قصتها
تقول قبل كانت اتحف حواجبها بس بعد ما الله هداها تركت الحف علشان ترضي ربها وكانت حواجبها كثيفه ومب حلوه حتى زوجها كان دايما يقوللها شلون بتقابلين اهلي وانتي جذيه كان يستحي من اهله يشوفونها بها الصوره تقول قلت له رضى ربي اهم من رضى الناس وصبرت مع ان شكلي كان بالمره مب حلو المهم بعدين الله عوضني على صبري وصارت حواجبي بروحها حلوه واللي يشوفني على باله اني حافتهم فعلا من ترك شيئا لله ابدله الله شي خير منه وغيرها وايد والله اللي الله عوضهم على صبرهم .