وقف نبض المسا فجأه وفجأه كل شئ مهموم
ومن وقع الخبر صارت تنكس نفســــها الاعلام
رحل زايد ..رحل..والليل يتسأل : بعد هالـــــيوم
صباحك كيف يابلاد شعبها شعبها كلهم ايتام
ترجل فارس الامه ..قدر ..وامر القدر محتــــــوم
ترجل من علــى خــيله وصــــاحت امة الاسلام
رحل وانجازه الاكبربلاد مــــــابهـــا مظــــلوم
حكمها الفارس القايد ومات الفارس الـــــمقدام
سمعتك يالخبر وامرى مابين مصدق وموهـوم
وامشى خطوه مصدق ..وخطوه تشبه الاوهام
ويسرى شئ فى دمى وكأني بالحزن مسموم
واشــوف الــناس من حولى وجوه تشبه الالام
اشوف ارجال مااكبرها بكت كنها طفل محروم
وأنا يادوبــي مــصدق .. واقــول الله يالايام
خذيتي زايد وكنك خذيتى من مسانا النـــــوم
ولكن حكــمتك ربي ..وحكمك ..سيد الاحكام
رحل واحد ..نعم واحد .. ولكنه يســـاوي قوم
رحل بس بعد ما حقق طموح الشعب والاحـلام
فمان الله يازايد .. كثر ماهــالخـــبر مشــؤوم
فمــان الله يالوالد .. كثر خيرك فى هالاعوام
كثر حزني وانا اشوفك تروح وموكبك مزحوم
كثر مانظرة ((محمد)) بــها غـــــبنه ..وماتنلام
كثر ماصورتك بكت عيون النــــاس يالــمرحوم
ابدعى لك : فمان الله ..وبراحه .. وعساك تنام
تسلمين ختيه على القصيده
لا هنتي بنقلج الطيب
دمتي بوحاً
اخوج سواااااف
تسلمين الشيخه عالنقل الحلو