تمر الايام

تمر الايام و خلي ما سأل عن الحـــــال :::::: يا ربي شنهي مكانتي في حيــــــــــاته

هل انا لهالدرجة ما اطري على البــــال :::::: ولا لقا له حبيب ثاني ملك قلبه و ذاتــــه

آه بس لو ألقاه ترى في بالي ســــؤال :::::: ليه ترك لي قلبي بحسرته و جريحــــاته

وينه ترى الراحة بدون شوفه محـــــــال :::::: متى يرجع و قلبي ترجع له نبضــــــــاته

في هالكون ما يسواه لا جاه ولا مــــال :::::: و مستحيل اعدد ولو شوي من صفـــاته

مقدر اوصفه بكل هالدلع و الـــــــــــدلال :::::: ومن لقيته لساني خانته كل عبـــــاراته

مدري من وين كل هالحلى و الجمـــــال ::::::سبحان ربي اللي سواه امير في ذاتــه

من كل قلبي أطلبه و اقول له تعــــــــال :::::: متى يرجع توأم روحي و ألملم شتـــاته

مجنون اشوفه عن يميني و الشمــــــال :::::: و كل دقيقة جنوني تتنوع حـــــــــــالاته

و كل ليلة أسهر على نفس المـــــــــوال :::::: متى نهاية فراقه و يريح بالي بجيــــاته

ذقت المر و العذاب من كل الاشكــــــال ::::::هجرني و تركني و سوى فيني سواته

جماله لا من الواقع ولا من الخيــــــــــال :::::: و اجمل ما فيه هو نفسه و ذاتــــــــــــه