يعني من قل المصايب صاب هذا القلب ضيق…؟؟؟؟
ولا يعني من حلاة الحـظ وعلـو المكانـه …؟؟؟؟
ذي حياتي من مضيق في مضيق في مضيق…!!!!
لو بحثت الصبر فينـي مـا اجـد للصبـر خانـه
عادتي لا ضقـت ادور حضـن وعيـون الرفيـق
مشكله … لا صار ضيقي منه واحزانـي عشانـه
يوم قال : اسمح لي بارجع وانت كمـل هالطريـق
لازم تقـدر … وتنسـى ..ننتهـي كـل وشانـه
قلت صبـرك .. يرحـم الله والدينـك مـا اطيـق
ماني ناقص فوق جـرح اقدارنـا جـرح الخيانـه
حاجتي لـك حاجـة الايتـام .. وايديـن الغريـق
طالبك طلبه ..ترانـي اعشقـك ..صـون الامانـه
وراح مـا كنـه سمعنـي والتفـت لفتـه طليـق
وقال اخيرا ما بغينا … وللفـراق اطلـق عنانـه
عندهـا ادركـت فعـلا قيمـة الـحـب العتـيـق
وقلت هذي اخرتهـا … مـا تجـاوزت امتحانـه
ضيق صدر وجرح قلب ودمع عين ونشـف ريـق
هذا كل اللي جنيـت ومـا قـدرت اجنـي حنانـه
استر لنفسي اعيـش بضنـك واحـزان وحريـق
ولا امـوت مـن القهـر وتكـون موتتنـا جبانـه
طالما بيني وبيـن المـوت … مـا حاجـه تعيـق
غير خوفي من غضب ربـي وانـا مسلـم ديانـه
لا نويت امسح جميـع اوراقـي الاولـى ..افيـق
وانصدم في واقعي المـزري وفـي قسـوة زمانـه
مدري كن الحزن فيني شـاف لـه نعـم الصديـق
مدري يمكـن كنـت فعـلا كفـو للحـزن وتكانـه
والفـرح كالثـوب لكـن يبـدو انـه مـا يليـق
دام لبسـه لاي خاسـر مــا وراه الا الاهـانـه
آآآآه يا حزنـي ترفـق صاحبـك جرحـه عميـق
اشهـد انـه يـا رفيـق العمـر طيحـت الميانـه
مثلي مثـل اللـي يراهـن خلـق ربـي عشيـق
والبلا راهن …ويدري خاسـر العشـق ورهانـه
ويعني من قل الخساير صاب ذاك الشـاب ضيـق
يكفي لا هالوقت وقتـه .. ولا مكانـه هـو مكانـه
لشاعر “محمد الشهري”
و نرقب الزود منج
يوم قال : اسمح لي بارجع وانت كمـل هالطريـق
تسلمين نوااري ع القصيده الرووووعه ..
ونرقب الزووود منج ..
روووعه والله
ما شاء الله عليج
ويعطيج الف عافيه
ونرقب يديدج
مشكووورة الغاليه