كان فيه أمراة عجوز قاعدة بروحها
وفجأة طلع لها ابليس ……… العجوز خافت وسمت بالرحمن
…قالها ابليس :أنتي يا عجوز هل تعتبرين نفسك داهيه؟؟؟؟
العجوز: نعم أنا داهيه ……….. والنساء عموما كيدهن عظيم
أبليس: أنا أتحداك……..وبنشوف مين كيده أعظم …..المرأة ولا أبليس
العجوز :خلاص أنا بسوي مشكله وأنت راح تحلها واذا ما قدرت أنا راح
أحلها
وراح أفوز برهان.
إبليس : OK
راحت العجوز لواحد من هالبطالية اللي ما عندهم شغل ويا كثرهم
وقالت أنا بشغلك عندي فترة معينه بس…..موافق؟ ……. واذا تبي فلوس لا
تتدخل ولا تتكلم وخلك ساكت
وافق الشاب لأنه طفش من البطالة ويبي فلوس .
راحت العجوز ومعها الشاب لمحل قماش وقالت له أنتظرني عند باب المحل وان
سألك أحد لا ترد عليه سامع ؟
…دخلت المحل واخذت قماش غالي وراحت تكاسر تاجر القماش
العجوز: رخص يا بن الحلال …
التاجر :اذا أنتي ما عندك فلوس خذي شيء أرخص
العجوز : ما أقدر ….لازم ولا يصير شي ء ما صار
التاجر :ليش ؟؟ …..لهالدرجه …..شسالفه؟؟
العجوز:شفت الشاب اللي واقف عند باب المحل ..هذا ولدي
…يحب له وحده متزوجة وهي تحبه ويوم يطلقها زوجها …ولدي بيتزوجها
وهو قالي أن عارضتي الزواج بأطردك من البيت وأمرني أني أشتري قماش
غالي عشان يعطيه حبيبته ولا راح يطردني من البيت مع أن البيت بالأساس
بيتي ولكني غلطت وكتبته بأسمها ،،، (العجوز تبكي) .
التاجر: خلاص هونيها وتهون والله كسرتي خاطري ….خلاص أنا بأعطيك القماش
بلاش….وعسى الله يواجرني
العجوز طلعت مستانسه وقالت للشاب رح للبيت ولا تتحرك الين اجيك .!!
بعدها راحت العجوز لبيت زوجة تاجر القماش وطقت الباب وطلعت الزوجة
العجوز:آه بابنيتي أنا تعبت بالطريق و ما أقدر أكمل ممكن أقعد عندك
أرتاح
خمس دقايق .
رحبت الزوجة ودخلتها وأكرمتها وجابتلها شاي
العجوز:مشكوووووورة ما تقصرين ان شاءالله أردها لك (تعمدت تنسى القماش
) وطلعت.
الزوجة:حرام نست قطعة القماش …أكيد بترجع بعد شوي وتاخذه
بروح أحطه بالدولاب..
تاجر القماش رد لبيته وتغدى ذاك الغدا السنع ونام شوي .
قام العصر وفتح الدولاب بيغير ملابسه عشان يروح محله ……مفاجأة قطعة
القماش …………….. وعرف أن المرأة اللي يبيها ولد العجوز هي
زوجته يعني تخونه !!!!!!!!!!!.
قام عليها وطقها وطردها بالشارع بالملابس اللي عليها.
العجوز كانت تنتظر هاللحظه في أخر الشارع فراحت لها تركض
العجوز: وش فيك يا بنيتي ليش تبكين؟؟؟
الزوجه : زوجي طردني …وما عطاني فرصه أتكلم .
العجوز: خلاص أنا بأوديك بيتي وأنا بروح أحل المشكله
راحت العجوز لبيتها ودخلت الزوجه في غرفة بينما الشاب كان في
غرفه ثانيه وأمرته أنه ما يطلع منها
راحت العجوز للشرطه تبكي وتقول :كنت قاعدة في بيتي وفجأة دخل
رجل ومعه حرمة وقعدوا ببيتي حاولت أطلعهم ما قدرت
(أحتلوا بيتي )
ذهبت الشرطه وقبضت على الشاب والزوجه ….وحطوهم بالسجن.
العجوز: ها ها وش رايك يا أبليس ؟؟ دورك اللحين حل المشكله
أبليس : لا لا ما أقدر أحلها السالفه تشربكت مرررررررة
العجوز: أنا راح أحلها وكأن شيء لم يكن . وراح أربح الرهان
راحت العجوز تزور الزوجه بالسجن وقالت لها :أنتي ساعدتيني مرة
وأنا اللحين بأساعدك …..يلا ألبسي عباتي وغطي نفسك وأطلعي من السجن
كأنك أنا وأنا بأقعد مكانك.
الزوجة:مشكووورة ….لكن أنتي ؟؟؟
العجوز: مالك شغل مثل ما طلعتك بطلع نفسي.
تمت عملية الهروب بنجاح….
الوالي أمر الحراس يحضرون المسجونين عشان يحكم عليهم
حضرت العجوز والشاب وقال لهم الوالي :ليش قابضين عليكم وشو مسوين؟؟
ردت العجوز:احنا ما سوينا شيء كنا قاعدين ببيتنا أنا وولدي ولا الشرطه
طابه علينا وماخذينا السجن .
عصب الوالي وهزأ الشرطه وما عطاهم فرصه يتكلمون ويقول:غلطانين
وتبون تتكلمون.شين و قوات عين
طلعت العجوز من الوالي مستانسه وعطت الشاب فلوس وأنهت خدمته عندها.
راحت العجوز لتاجر القماش وقالت له أنها تعبت بالطريق وأن زوجته أصيله
وأكرمتها وهي من كثر التعب نست القماش عندها وأن زوجته بريئه
وقالت خذ قماشك لأن ولدي سافر هو و زوجته الجديدة.
رجع التاجر لزوجته وتأسف منها و راضاها بعد.
العجوز : وش رايك يا أبليس أنا فككت السالفه سهله
( منقـــــــــــــــــــــــــــــــــــــــــــــــ ــــــــــــــــول )
سلمت الغالي ع القصه ,,
سعووود
وين مكانها هالعيوز أبغي أتعلم منها إشوي
وتسلم يالجوكر على القصه الحلوه
تسلم أخويه الجـــوكــــر عالقصة
وان شاء الله نشوف لك المزيد من المشاركات
تسلم جوكر ع القصه
مثل مااخترعت القصة حلتها بروحها
عاااااااااااادي