تختلف الأسماء عند كل منطقه بالخليج مثلا في امارة راس الخيمه والفجيرة تسمى بي حق الله
وامارة دبي والشارقه و ام القيوين وعجمان بحق الليله اما في الكويت ومناطق الخليج الاخرى
تسمى بالقرقعان وهو عباره عن بعض الحلويات والمكسرات توزع على الاطفال .. اما الجيران
يقومون بتبادل الاطعمه الشعبيه في 14- شعبان في كل سنه وهذا في دوله الامارات وقطر اما
مناطق الخليج الاخرى يكون في شهر رمضان وهي عباره عن فرحه بقدوم شهر رمضان ..
أهازيج القرقيعان في الإمارات :
أعطونا الله يعطيكم
بيت مكة يوديكم
جدام بيتكم وادي
والخير كله ينادي
أعطونا من حق الله
والله والله الرازق
فيحصلون على الحلوى ، و يقابلون بالتكريم و الاحترام .
أهازيج القرقيعان في الكويت :
قرقيعان و قرقيعان بين اقصير و رمضان
عادت عليكم صيام كل سنة وكل عام
يالله تخلي ولدهم يالله خلي لأمه يالله
عسى البقعة ما تخمه و لا توازي على أمه
و بعد الانتهاء من الأناشيد يتم توزيع المكسرات و الحلويات على الأطفال ، و توضع هذه الهدايا في أكياس معلقة برقبتهم تسمى بالخريطة .
أهازيج القرقيعان في البحرين:
سلم ولدهم يا الله
وخله لأمه يا الله
اييب المكده يا الله
ويحطها في جم امه
يا شفيع لأمه
أهازيج القرقيعان في المملكه العربيه السعوديه :
قرقع قرقع قرقيعان
ام قصير ورمضان
عطونا الله يعطيكم
بيت مكه يوديكم
يوديكم لأهاليكم
ويلحفكم بالجاعد
عن المطر والراعد
أهازيج القرقيعان في سلطنة عمان :
مرنقشوه يوناس
عطونا شوية حلواي
دوس دوس في المندوس
حاره حاره في السحاره
واذا لم يحصل الاطفال على القرنقشوه
يرددون:
قدام بيتكم صينيه
ورا بيتكم جنيه
أهازيج القرقيعان في قطر :
قرنقعوه قرقاعوه
عطونا الله يعطيكم
بيت مكه يوديكم
يوديكم لأهليكم
يامكه يالمعموره
يا أم السلاسل والذهب يانوره
عطونا دحبة ميزان يسلم لكم عزيزان
عطونا دحبة ليفه يسلم لكم خليفه
ونستخلص من هذا الاحتفال بعض الدلالات الاجتماعية والترفيهية والروح الجماعية والاسرية العامة التي تميز نمط العلاقات الاجتماعيه وتظهر تلك الدلالات من خلال اهتمام الاهالي باحتفال الاطفال ومشاركتهم المشاعر الطفوليه بالفرحه واشاعة روح الموده والالفه بين الناس.
خلاص سويتلي خريطة حق الليله وأول بيت بيكون بيتكم امره اذا
ماعطيتوني بدعي عليكم ههههههههههههههههههههههههههههه
تسلم اخويه عالموضوع الغاوي..
حياج الله تعالي انتي بس .. كله قوم بونص وربع بعطيج هههه
يامرحبابج
مشكورة على المرور
مشكورة اختي على المرور الطيب
والايام الحلوه ما تنسى ابد
يزاج الله خير
تسلم ياخوي على هالنقله الطيبه
ولا هنت
وايام حلوه كان خاطري اظهر وياهم لكن ماظهرت استحي اوني ههه
ياسلام وناسه تسلم ياخوي على هالموضوع رائعه..
الله يعطيك العافيه..