واعمل فالهجوم لها احساب احب الحم مقلي واعشق من اطيابه الدياي
ولوسألوني عن احلى الأشياء عندي ع طول بقول البسبوسه
واحياناً احلم فرقادي عصيده مخلوطه بالعسل الهولندي
امشي فالشارع يوعان والتقط انفاسي واشتهي اللحم مع القلقاسي
واسعد الأيام عندي يوم اشوف الشيف بنيه ذبحت لي من الغنم اخماسي
وصح لسانك يا الشاعر
المذيع : يامرحبا الساع بالشيف بنيه توه نور المطبخ حياج حياج
بنيه: احم احم المرحب باجي الله يحيك
المذيع : وينج انتي يوعتينا
بنيه : حرام عليك امسات طابختلكم انا وشيخه
المذيع : ع طاري شيخه وينها هيه عيل
شيخه : احم احم انا موجوده دخلت وياها الا انته شكلك من اليوع ما شفتني
المذيع : ابيه شواخي سامحينا .. انزين الحين شو بتسولنا يا شطار
شيخه: شوف اليوم بنسويلك الكنافه المربعه وهاي الكنافه مشهوره فبلاد ال…..
بنيه : ياربي بدينا نتفلسف خلصي قولي المقادير وفكينا
شيخه: والله ما فيه اقول المقاديرقولي انتي مب كل يوم العيد
المذيع :ياربي الحين فكونا وحده منكم ترمس نبغي انخلص
شيخه : اووه انزين انا بقول خلاص
المقاديرالمقادير:
1 باكيت كنافة
250 جم زبدة
قشطة
جوز 000حسب الرغبه
شيره
فستق مبشور خشن
بنيه: الطريقة
نأخذ قالب للكيك على شكل مربعت صغيرة ندهنه بالزيت
ثم نذوب زبدة ويخلط مع الكنافة بعد نتفها
نأخذ كمية قليلة وتفرد في قاع القالب ونضع كميه من القشطه
ونبتعد عن الاطراف في وضعها بهذا الشكل
شيخه: وبعدين انحط الجوز
بنيه:وبعدين نحط الطبقه الثانيه من الكنافه ونضغط عليها شوي شوي ها مب ابدفاشه من الاطراف عسب تتماسك
المذيع: انزين اقولكم ما يحطون عليه شعيره وها السوالف سمعت قبل الوالده اتقول ها تولي شعيره بسوي كنافه
شيخه: هذا الي بيرفعلي الضغط اي شعير قصدك الشيره
بنيه : الله يهديك اي شعيره جيه عصافير احنا
شيخه : اووه منكم يا الولاد يوم تبغون تتدخلون فسوالف البنات
المذيع: والله اشدراني بالمطبخ انا وبعدين غلطه ما يسوى علينا كملو كملو لاه
بتيه:وبعدين اندخلها فالفرن من تحت وبعدين من فوق حتى تشقر
وبعدين انحط الشعيره قصدي الشيره وتخرج ونطلعه من القالب ونزينه بالفستق
شيخه: وبما انه قبل ابنيه هي الي صرقت كم من حبه وشردت اليوم انا سويت فيها نفس الحركه والمذيع طبعا رزه حطيتله ويايه
المذيع: احم احم مستويه طيبه اليوم
شيخه : والله دوومي
بنيه : الحين درتوا ضدي لاه اوك الأسبوع الياي تعالي روحج طبخي باي
المذيع : وجيه مشاهدينا الكرام بننهي البرنامج عشان ما اشوفون التكفيخ والذباح اهنيه وسلمتوو
يسلموووو
افا وينكم وين تفاعلكم خلاص زعلتوني ما هقيتنها منكم
>.<