دَور بقلـبي واستعمـرهْ ‘, عندك من الضلع الأول للأخـير

منك العذر وعلي المعذره @@ لاتحسب حساب هجر ولا هجير

دور بقلبي وطن واستعمره @@ عندك من الضلع الأول للأخير

لاتبشرني ببجرح وتذخره @@ ولا تعشمني بحزن وتستخير

خلني مثل النجوم امبعثره @@ عيش فيني لاشهيق ولا زفير

المسامح والزعل للمبزره @@ ولا انا لاني زعلول ولا صغير

ودي اجفل من افراقك واحذره @@ ودي اعرف لو فقدتك وش يصير

إزرع بقلبي سبب يستنفره @@ إثبت إنك غير والناس غير

النسا ماحركن فيه إشعره @@ ثار عشقِ ومالقي شيِ يثير

مايحضر إلا قلوب مجمهره @@ ومايغيب إلا وعشاقه كثير

اسكنه لاكن بعد ماتهجره @@ إبتسمله بس لاشفته كسير

لو عطيته وجهك اعطاك إظهره @@ صد عنه ويتبعك مثل الضرير

ماتميل إلا الغصون المثمره @@ ومايسيل إلا الجرح الغزير

انثره ولملمه ولملمه وانثره @@ صد.. كابر.. طير لو تقدر تطير

ابك انا مقطوع من غصن إشجره @@ لاصديق.. ولارفيق ولا عشير

إن غفا كن السحاب يدثره @@ وإن صحى يفرش من الرمضا حصير

جنته صحراء والشوك إزهره @@ والسراب بنظرته مثل الغدير

كان ماتقدره قول ما اقدره @@ صير غالي صدق ولا لاتصير

شوفلك رجل بليد واستحقره @@ واجد إللي يعشقون بلاضمير

حامد زيد