ذبحتنيــــ؟! خبي السكين 2024.

أول مشاركه لي وااايد كنت متردده انزل قصيده من قصايدي و لا لا و عقب قررت و قلت ما بخسر شي

ذبحتني؟! خبي السكين

بسكينه نعم و الله و اهو يضحك و مستانس
ذبحني دون ما احساس و سألني حبي هاه متي؟!
و تسألني بها حبي اجل وشلون يا حساس
أنا حبك تفاصيلك و تذبحني بإي كنتي!!
عشقت حدودك و ارضك هويتك دون ما احساس!
عبرتك حب كتبتك ود و اتقولي هم انا صرتي
أنا همك ولدته فرح و قلت لناسي هذا النبراس
و لا حد فيكم يساويه و لا انتوا و لا اختي
امنتك لقلبي حب و فدوى صاروا الجلاس
و تجيني تضحك اتقولي غلطانه يوم بينتي
نعم غلطانه من ساسي من ساسي إلييين الراس
و حتى رموشي تشهد لي برساله مع دمع يفتي
يصب الدمع و اهو يحكي بفتاوي حرموها الناس
و انا اقول يا مسكينه من وراي انتي تحللتي
و كل ما فكرت بالشينه اعوذ الله من الخناس
و تجيك اعذاري تركض لك و تقولها اوف تكونتي
تبي الفرقا؟ تبيني ابيع؟ انا حاظر قلب ينداس
و لكن عزتي فوقك و خسي اتقوللي متي
أنا حيه و قلبي حي وعد مني يحب غيرك و يصيرله ساس
و بشكر ربي المعبود و ايامي يوم قدرتي
مستغرب اشووفك حيل ترى هالناس بس اجناس
و سكر فمك و اضحك ماافي من ملائكتي
و على فكره انا ما انلبس بالريل انا فوق العيون انباس
و ضحكني حيل بالحيل سؤال و نظرته قالت فتاتج كيف لملمتي؟!

و سواااااااالم و مشكووورين
دائما و في آخر قصائدي
((قلمي يعبر عن غيري يحكي عنهم و لكن بطريقتي<<

و بإنتظار آرائكم..

بقلمي انا>>أمل مسروق<<