ذكريات من عبط الماضي .. أيام حلوة
نبدأ ^^
تذكرون.. يوم إيّيك واحد من العايلة أكبر منك ويقول لك: تبا أرسم لك ساعة وانته تمد له إيدك ويعضّك هذيك العضة اللي تصارخ منها . >> ساعة ماتتحرك خخ
تذكرون.. يوم كنا نصوّر فوري عند مصوّر الجمعية وطبعاً غصباً عليك الخلفية زرقاء مب بكيفك ولازم تمشط شعرك بالمشط اللي عنده.. كله شعر.. وبعدين يغسل لك الصورة بالآلة اللي عنده أم ذراع والأطراف مشرشرة ويعطيك الصور بعد أسبوع. >> مامن شي القمل خخ
تذكرون.. أول يوم دوام بالمدرسة كانوا يسلمونا الكتب كلهم مع بعض وصافينهم من الكبير إلى الصغير وطبعاً الكبير كتاب العلوم وكانوا يربطونهم بحبل عشان ما يطيحون مع 6 دفاتر مجاناً. خخخ
تذكرون.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت كاكاو ونتم ناكل مثله
ويا البسكوت المالح. >> يم يم
تذكرون.. يوم كنا نربط الشرشف على رقابنا مثل سوبرمان ونصعد فوق الكبت وانط على الدواشك وآخر شي ناقز غلط ومنكسرة إيدك.
تذكرون.. يوم كنا نحط بالفريزر العصير الطويل بونصين عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة. >> ياربي
تذكرون.. يوم كنا نستقبل الحجاج من زود الفرحة واللهفة على الصوغة وآخر شي كم: مسواك وقحفيتين والكاميرا الحمراء وسيادة وللبنات قطعة خام مال الهنود وساعة.
تذكرون.. يوم كانت جائزة البيبسي سيارة في غطاة الغرشة كنا الظهر نسير وراء الدكان ونبطل الغراش كلها وبعدين نرد نسكرهم أي كلام تشوف الغازات كلها طايرة ومتبخرة ومستوي البيبسي ماي .
تذكرون.. يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووب وآخر شي منكسرة ظهورهمـ ..
و السموحه ………..
خخخخخخخخخخخخخخخخخخ هيه والله كنااا <<< مقصه
تذكرون.. يوم كنا نحط بالفريزر العصير الطويل بونصين عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة. >> ياربي
وكنت اصيح يوم القااه مب مثلج هههههههههه <<< :dontwanna
والله ذكرتيناا بأيااام حلووه << مستحيل يرجعها الزمن
تسلمييين الغاليـة ..
ولاتحرميناا من يديدج ..
تحيااتي لج ..
ويا البسكوت المالح. >> يم يم
الله يسعدك ذكريات حلوووووووووووووووووووه
تسلمي وتسلم اناملك
روووووووووووووووووووووووووووعه
ههههههههههه
والله الايام اللي قبل احلى من هاذي الايام
ذكرياااااتـــ ولا أروع الصراااحة ..
تسلمي حبوووبهــ و الله لا يحرمناااا منج …
تحياتي