رفس النعمه بدينه ورجلينه

بسم الله الرحمن الرحيم
يخوان انا قصتي تتكلم عن الندامه والطيش والطقيان
انا وافد وليس بمواطن اماراتي دخلت الامارات سنة 2024 وعشت فيها احلى عيشه وبسيطهومرتاح بشغلي وبحياتي الاجتماعيه واستمريت على هالحال تغريبا 3 سنوات وما اطول عليكم السالفه جربت اني امشي مع شباب عندهم خير وربي رازقهم وتعرفت عليهم من مجال عملي وكان عملي دلال سيارات وكنت اصيدلهم سيارات رخيصهوسعر مناسب وهم يكسبون فيها خير ويعطوني المقسوم المهم مع مرور الوقت تعمقت صداقتنا وضليت اطلع معاهم وامشي معاهم واسهر معاهم وعرفوني بخوانهم وعيال عمهم واسمي اشتهر عندهم فانا صار عندي نوع من الضيقه وانكسار تدرون ليش الحين اقولكم لان انا من عائله حالته الماديه ضعيفه وانا شاب وعمري 22 سنه ومن فتحت عيوني على شغل ماشفت شي من شبابي الفلس الي امسكه بساعته يطير المهم الناس الكنت امشي معاهم كانو اصغر مني سنآ واكبر مني حسب وكانو حالتهم زينه وعندهم سيوله انهم يشترون سيارات ويسافرون اي دوله ويتوضفوفون احسن الوضايف والفضل لله ورئيسهم وشيخهم وشيخنا بعد زايد طيب الله ثراه واسكنه جنة الفردوس 0 وشيوخ الامارات عامتا0 فانا كنت محروم من كل شي لا سياره ولا سفر ولا وضيفه مثل البشر 0 المهم حاولت اصير مثلهم لميت فلوس وصل معاي المبلغ 7 الاف درهم وقلت ابي اشتري سياره على قد الحال بس توديني وتجيبني فصار عندي مشكله انتهت اقامت اهلي واذا ما اجددها يتسفرون ورحت وتسلفت ضعفهن 3 مرات وسويت الاقامه وعدة على خير نسيت اقولكم تره ماكو احد يسلف بهالوكت لو كان اخوه بس الرجال حط علي شروط يبي جوازي واكتبله شيك المهم عطيته جوازي واخذة المبلغ ولما خلصة طالبني بشيك فاخذته معي للبنك وفتحت احساب ولما طلع دفتلر الشيكات كتبتله شيك وعطيته المهم بعد ثلاث شهور ضل الرجال يبي فلوسه وانا شغلي دلال يوم احل الف وشهر احصل بس خمسميه ويروحن مصاريف المهم اعتذرتله وعطاني مهله شهرين والا يسجني ضليت اروح يمين يسار احاول بس ارد فلوس الرجال ماكو الاطلعه بس مصروفي فيوم من الايام جلست بكافيه بعجمان يعني الشيشه وتعرفت على شباب وجلسنا نسولف وشرحتلهم وضعيتي فواحد قال الحل عندي قال ضهرلك سياره تمويل وانا اشتريه منك قتله احسابي فاضي وماعندي شي وقتله هذا المضوع يخوف وانا مافيني مشاكل قال فكر وردلي خبر ورحت للبيت وفكرة وقعدت الصبح ورحت لشغلي وضعية السوق كانت زفت ورجعت بليل وفكرت ما لقيت حل الا الرجال المهم رحت للشيشه ولقيت صديقه قتله وين ابو فلان بالبيت قتله اتصل عليه المهم كلمه والرجال اجى للشيشه وتفاهمنا انا وياه وقالي انا اعينك بكل شي المهم طاوعته وفر علي جميع الاجراءات وضهرت السياره وعطيتها له واستلمت الفلوس من عنده كان المبلغ قليل ورحت للرجال ابو الشيك اول واحد وعطيته فلوسه ورجعلي الشيك وضل عندي 55 الف بس فقلت اشتغل فيهن وسدد للبنك والمهم كل ماشغلهن بشي اخسر اشتريت سياره وخسرت وشاركة واحد وهم خسرت المهم طارا ضليت حاير بعد مافي حل الا الشرده وسافرت لاحده الدول العربيه واسقريت هناك والحين انا ندمان على كل الي سويته واطلب من الرحمن ورب البيت ان يقفر لي غلطتي واطلب من اهل الرحم ومن اهل الامارات ان يسامحوني واطلب من الشيوخ الي احترمونا وفتحو لنا ابوابهم وسهلو لنا المعيشه والاسغرار وخلونا نوعه على شي يمكن عمرنا بحياتنا ماراح نشوفها المهم الي صار صار مهما نقول ونتكلم ماراح يردشي بحياتي وسلام ختام وصلى الله على سيدنا محمدوعلى اله وصحبه وسلم اخوكم