زهبة العروس>>>>>> عقبال الجميع 2024.

عزيزاتي بنات المنتدى هذا موضوع قريت عنه باحد المنتديات عيبني وييت احطه لكم بس بطريقتي
في هذه الصفحه جئت اقدم لكم ماهو ضروري ومهم لكل فتاه لزفافها >>>>>> عقبال الجميع يارب
اكيد تعرفون ان البنت قبل زفافا لازم تزهب عروس عاد تراها صح ولا
هنيه ييت احط لكم المستلزمات لي تحتاجها الانثى وهو اللي نسميه نحن ( الزهبه )
ماهي الاغراض لي تحتاجها العروس

بس بغيت اقولكن ملاحظه لاتكثرين من الاشياء لي تتغير موضتها بسرعه لان هذا بينعكس ضدج
احسن الاشياء لي تتغير موضتها بسرعه قللي منها لانج عقب ماتعرسين ان شاء الله تقدرين تاخذين هالاشياء
وما بيطيحن بجبدج ههههههههههه

يالله خل نبدأ واعرض لكم قائمة بحاجيات العروس :
**أول شي خل نبدا بالذهب حاولي تشكلين وتنوعين يعني خذي اشياء تناسب لبساتج .
** ساعات + اكسسورات ( الاكسسورات تعطي منظر جميل تقدرين تستغنين عن الذهب اذا تبين تتفنتكين وتغيرين بس مب في كل المناسبات طبعا .
** قمصان نوم وملابس داخليه .( اطقم فوط وارواب )
** ملابس البيت الملابس القطنيه وفي ملابس فنتكيه تقدرين تاخذينها وانتي وذوقج شو تبين تلبسين في مملكتج الخاصه .
** ملابس الطلعات والزيارات = اذا تبين تخيطين او اذا جاهز والخير ماشاء الله وايد
نوعي قمصان ,, تنانير ,,, بناطلين … فساتين بسيطه وهاديه .
** عبايات وشيل منفصله واطقم بس لاتكثرين عن تنتهي موضتن .
** طبعا الجلابيات المطرزه والمخوره وعندج الكويتيات والهنديات في فناتك ماشاء الله وكل لبسه لوقتها المناسب
ملاحظه ترا كل لبسه خذيلها اكسسوارتا المناسبه لها وانتي وذوقج يالذويقه
** عطور فرنسيه عربيه ومخلطه وطبعا سيدهم الدهن عود
عود معطر وعود ناشف ودخون وماشاء الله عليكم انتن كله وحده فيكن عارفه الانواع الغاويه .( لاتنسين عطورات الجو والمفارش )
** شنط + وانتو بكرامه من هالطاري نعول صنادل جواتي على حسب لبساتج والمناسبه
** ادوات النظافه >>> بودي الجسم والملطفات والكريمات واكيد هذي الاشياء متوفره
** شنطة المكياج بكامل عدة المكياج + منظفات الوجه ( مزيل المكياج ) ومنظفاتج الخاصه
** صابونتج الخاصه والتونيك .
** لاتنسين ليفة الحمام .
** المشط والبروش واكسسوارات الشعر .
** عدة الاظافر
** استشوار .
** ولا تنسين طبعا سجادة الصلاه والشيله .

م
ن
ق
و
ل