بـــــــــــــــــسم اللــــــــــــــــــــه الرحمــــــــــــــــن الرحيــــــــــــــــــــــــم
السلام عليكم ورحمة الله وبركاته…
طبعا الأكلات الشعبية في كل بلد لها طعم ونكهة تختلف واايد عن الأكلات اللي صرنا نأكلها اليوم…
الحمدلله مازال للأكل الشعبي مكانته لدى الكل…
بس بحكم الحياة السريعة اللي نعيشها…
ماصرنا نأكله نفس قبل…
عاد ماادري اش ياااني اليوووم…:hungry:
بس فخااطري أعرف كل عضوووو شنهي أكلته اللي يحبها. ..
وركزوا اني اقصد الأكلات الشعبية بس…
يعني لا نبي معكرونة ولا بيتزا… ولا فطاير ولا من هالاشيا…
وان شاالله الكل يشارك ويجاوب على هالأسئلة…
1. شنهي أكلتك الشعبية المفضلة؟؟
2. من شنو تتكون الأكله؟؟؟ عشان لو حد من الاعضاء ماعرفها من الاسم انه يعرفها من مكوناتها…. ((مثلي…:icon_chee….))
3. متى تأكلها؟؟؟ اقصد في مناسبات معينة… ولا حتى يوم معين فالاسبوع… والا؟؟…
وأنا بأبتدي….
الصراحة… انا وحدة تموووت على اكلات شعبية كثيرة…
واول شي من دون مناازع الثررررررررريد……… طبعا بصالونة اللحم…(( مستحيل يطب حلجي لو مسوينه بصالونة دياي…))
وطبعا أعتقد الكل عارف شنهو الثريد…
بس زيادة الخير خيرين…
وراح اقوول مكوناته بس جي….
طبعا هو يتكون من خبر الرقاق (المصنوع فالبيت….لازم والا مستحيل اكله)….((انا اش سالفتي اليوم مستحيل ومسحيل؟؟؟.. :sleepy: .))
ومشرب طبعا بصالونة اللحم…. ((ديااي لا. :laughing: ..))
نأكله في رمضان بشكل يوووومي… وباقي ايام السنة… من فترة لين فترة…
طبعا انا راااح ارد واتكلم عن اكله ثااانية…. بس خل اعطي غيري فرصة…
والا راااااح ايصير الموووضوووع ولا قصة اشطوووووول……
وان شااالله كل عضووو يتكلم بس عن أكلة وحده… وعقب ممكن يرد يضيف اكله ثااانيه…
عشااان ما ايي واااحد ويصف كل الاكلات الشعبية… ومايعطي غيره الفرصة انها يذكر اكلته…
طبعا ممكن اي حد يكرر اي اكله…
لانه الموضوع عن الاكلة المفضلة لك… وممكن اكثر من عضوو يشترك مع غيره في حبه لاكله معينة… وغير ذي ممكن في عضو ياكل الاكله بطريقة ومكوناات تختلف عن الثاني… وممكن المناسبات اللي ياكل فيها هالاكله تختلف عن غيره…
ادري هذرت واااااايد…
فالسموووووووووووووحة على الاطالة…
وانا بانتظااار اتعرف على اكلاتكم.. المفضلة…
وهناااا وعااااااافية…..
هلا الغلا وردة جوري ..
مشكوووره ع هالموضوع الحلوووو واااايد 🙂
فخاطري اكل ثريد خخخخخ ..
بالنسبه لي انا بعد احب الاكلات الشعبيه ..
و اكلتي المفضله هيه المشوي ( لحم ) ..
ناكله فالأعياد و المناسبات مثل الاعراس و العزاييم ..
و تعرفون هو مكون من خبز رقاق بس ما يصبون عليه صالونه ..
يسوون اللحم ويا الحشوه مالته و يحطونه ع الخبز ..
اكيييييد تعرفوونه ..
بس مشوي بيتنا غيييييير محد يسوي شراته ككككككككككككككك ..
يالله عازمتنكم ..
ميرسييييه ورده ..
برد بقوللكم اكلاتي الثانيه :p
SweeTo0o
مشكورة اختي Sweety على هالطلة والمشاركة الحلوة…
والصراحة انا ماااعرفتها… اقصد فهمت قصدج.. بس احنا مااعندنا هالاكله..
بس الصرااااحة من وصفج… خااااااااااطري فيها….
اذا ممكن تاخذين الوصفة من الوالدة واتطرشينها لي…
والله… دااااشه فخااااطري….:icon_chee
بس زيادة الخير خيرين…
وراح اقوول مكوناته بس جي….
طبعا هو يتكون من خبر الرقاق (المصنوع فالبيت….لازم والا مستحيل اكله)….((انا اش سالفتي اليوم مستحيل ومسحيل؟؟؟.. .))
ومشرب طبعا بصالونة اللحم…. ((ديااي لا. ..))
…………
يعت ويعت ويعت
بس سوجي الدبه موجوده مابتخلي شي ..
مشكوره يا ورده على المشاركه
شدي حيلج
والله انا أكلاتي المفضلة وايد منها الثريد والهريس
وطبعااااااااااااااا
بلا منازع الخبيصه
وهاي الأكلات ناكلها في الأعياد والأعراس وبرمضان بعد
واظن هاي الأكلات معروفه كيف تستوي بس إذا بغى حد يعرف يقول وأنا بوصف الطريقة
يعت بروح باكل ليي شي
مشكور اخوووي فليت على مرورك وردك…
والظاهر انك اتحب الثريد مثلي….
بس مااقلت لنا متى تاكله؟؟؟ وهل انته تحب باللحم والا الدياي؟؟…:)…
مشكورة اختي الينية على هالطلة…
واعتقد انج تتكلم عن الخبيص…. عاد انا مب متأكدة فياااليت تذكرين مكوناتها…
اتعرفين اختج من قطر ومع انه الاكلات الشعبية وااااااااااااايد متشاابهة… بس المسميات شوووي مختلفة…
فوصف مكونات الاكله راااح يساعدني اعرف الاكله عدل…:icon_chee
ملاحظة بسيطة:
يااا ليت اي واحد يرد انه يجااوب على الاسئلة اللي فوق…
فالصراحة احنا ماانبي بس موضوع لذكر اسامي الاكلات بس…
لااااا…. نبي موضوع يرتبط بالعضو نفسه… وعن حبه للاكله.. ومكوناتها اللي ممكن تختلف شوووي عن غيره… والاوقات والمناسبااات اللي ياكلها فيها…
فياااليت الكل يجاوب عليها… ادري ثقلت عليكم…
بس اظن هالشي راح يخلي الموضووع احلى…
رجعت لكم بأكله يديدة أنا أمووت فيها بعد……
" العصيـــــــــــــــــــــــــــدة"….
اتينن……. خااصة فالجووو الباااااارد…. ويوم اتكون حااااااااااارة…. خاطري فيهااااااااااااااا الحين…
تتكون مثل مااظن بعد انه الكل عارف…
من طحين يتحمص شووي… مع السكر والدهن…. وشووية هيل…
وبعد ما يستووي ينمسح عليه بالدهن وينحط فوووقه بيض مقلي…….
:(….. ابيها…
نأكله احنا أكثر شي أياااام الجمعة الصبح…. وخااصة فاياااام الشتا…
يعني مثل هالايام…….
وياالله ننطر حد ثااني يشااركنا بأكلته… :trampolin
والله يسلمكم من الشر
الجشيد
2. من شنو تتكون الأكله؟؟؟ عشان لو حد من الاعضاء ماعرفها من الاسم انه يعرفها من مكوناتها…. ((مثلي…….))
يتكون من سمج جرجور ( القرش) … طبعا نفور السمج ويفضل انه بين فتره وفتره تغيير ماي التفوير وخاصه بفصل الصيف ( ما بقول لكم ليش ) وعلى حسب حجم السمج وخلال تفوير السمج حطي وياه بصل وثوم ومسمار وجرفه وغيره من بهارات المطيبات وهذا شرط اساسي ويوم تشوفين انه الجلد بدا ينشال على اللحم صفي السمج وشيلي الجلد والعظم وشوي فتتيه مب وايد لأنه يوم بتسوينه راح يتفتت
والحينه انييب الفلل الأخضر كثروا منه لأنه أحلى يوم حار واللومي اليابس والثوم وكزبره وافرموه عدل اللي يبا يحطه بالهاون ويطحنه واللي يبا يستخدم هالمكائن اللي تفرم وتنعم عدل
والحينه نحطي زيت بالجدر وهو يحتاج كميه من الزيت تقدرون تستدمون الدهن العربي بس أنا أفضل زيت لأنه أخف ولأنه يحتاج كميه ونحطي السمج ونحرك فتره ونحطي الخلطه اللي فرمناه وبزار وجرفه وملح واي نوع من البهار ونحرك فتره
البعض ياكله بالعيش والبعض بالخبز
والبعض يضيف أشياء ثانيه مثل طماط أو معجون طماط وغيره
بس أنا قلت الطريقه اللي نحن نسويه وأحبه بدون طماط ومعجون طماط
ما أدري يمكن نسيت شي بسأل الوالده وبرد عليكم
وصفه أم علاوي :icon_chee
3. متى تأكلها؟؟؟ اقصد في مناسبات معينة… ولا حتى يوم معين فالاسبوع… والا؟؟…
مافي مناسبه معينه بس يفضل بالشتا أكثر عن الصيف
وعندنا ما يسوونه لين اذكرهم
وقبل فتره الوالده سوته بس ما عيبني لأنه ما حاطه فيه فلل وايد :icon_neut
طولت بالرد … بس هذا من زود حبي للجشيد نسيت عمري
تسلمين يالغاليه ع الموضوع الحلو
مشكووورة اختي سراااااب على هالرد الحلو….
وانا الصراحة اول مرة اسمع عن هالاكله… الظاهر بس هي عندكم فالاماراااات…
وتسلمين اختي على التفاااصيل… بس الصراحة ماااتخيل اكل لي قرش (جرجور مثل بعد ما احنا انسميه..:) )..
انا والاكل البحري… مب واايد مع بعض… :icon_chee
والله يعطيج العااااافية
::
السلام عليكم .. ورحمة الله وبركاته
::
شكرا وردة جوري .. على الموضوع .. إلي يييوووووووووووووووع
::
وانا أحب ..
صالونة لحــــــــــــــم .. بس طبخ .. حد من الشحوح .. لازم .. تحتها .. ألف خط .. لانهم يضبطون الطبخه .
::
وثريد . دياي .. في رمضان .
::
في امان الله